拉姑送千六萬豪宅　謝婷婷婷婷貼樓嫁安志杰忽然1周 860期 @ 娛樂八掛大分享☆

我同屋企人實餵得飽你！（設計對白）
謝家仝人真係客氣！（設計對白）
為了儲錢結婚，婷婷最近經常和安志杰以情侶檔出席活動，更樂意在傳媒面前打情駡俏。《蘋果日報》圖片

謝婷婷和安志杰拍拖三年以來，一直sweet到痺，為了令工作量不多的安志杰撈多瓣，婷婷近年亦索性和男友情侶檔銀，更公開談婚論嫁。
今年29歲的謝婷婷已經鎖定安志杰做老公，據知二人計劃於今年尾在香港結婚擺酒。婷婷有嫁期，拉姑亦十分識做，一擲千六萬，送了位於鴨脷洲的豪宅俾婷婷做嫁妝，而阿哥霆鋒則拍心口帶挈「準妹夫」安志杰拍多幾部戲。
謝家上下合力幫忙儲老婆本，安志杰唔娶婷婷就笨。

謝婷婷上月出席活動時無故自爆正在物色新居，她說：「買樓係好好投資，我唔識要請教媽咪，都有睇樓，但好難揀。」事實上婷婷並非「缺宅」，事關她早已有樓揸手。

一炮過俾錢
根據資料顯示，謝婷婷於去年6月以千六萬購入位於鴨脷洲「南灣」一個高層單位。雖然婷婷是物業唯一持有人，但據知今次置業的本錢，都由媽咪拉姑孭晒。知情人士說：「嗰日拉姑、霆鋒同婷婷一齊睇樓，婷婷一見到個單位可以望海景就好鍾意，反而拉姑就嫌單位唔夠大，只得一個睡房，話將來有小朋友會唔夠用。」婷婷這個新竇，建築面積有千三呎，但只得一房兩廳，唔算見使，不過，「霆鋒嗰日猛同拉姑講，只要個妹鍾意就得，所以兩日後，拉姑就同婷婷去落訂，之後嘅尾數仲要係一炮過俾晒。」

年底擺酒
其實霆鋒當時正着手和栢芝搞離婚，拉姑亦費事再煩霆鋒，曾諗過押後為婷婷置業，不過拉姑為了婷婷的終身幸福，最終扑槌。「婷婷都三十歲人啦，始終都要有頭家，加上佢同安志杰本身喺跑馬地住嘅單位不停加租。拉姑今次咁大手筆都好合理，栢芝都成日貼外家啦！」其實婷婷前年已跟安志杰返台灣見男方家長，而安志杰亦努力行「外母政策」，加埋安樂窩，二人婚事事在必行。據知，二人婚禮於年尾香港大搞。

霆鋒薦拍戲
拉姑豪氣送樓外，未來大舅霆鋒亦出盡辦法幫安志杰撈。02年出道的安志杰星途認真一般，去年除了可以黐住婷婷出騷賺快錢外，全年只有兩部電影上映。霆鋒為了幫「準妹夫」上位，除了早前推薦安志杰在《逆戰》中飾演搶眼奸角外，近日亦向經理人暗示，斟拍電影時，如果安志杰有份參演的話，自己演出的成數亦較大。上周六（14日），霆鋒出席《逆戰》首映，拉姑和四哥亦有份撐場，婷婷就因病臨時甩底。對於拉姑買樓送俾婷婷一事，霆鋒笑說：「係媽咪買，你問媽咪啦！」之後記者問拉姑，她大笑說：「樓未起好已經買咗啦！投資嚟啫，細路女嘅嘢唔好講咁多啦！（婷婷年尾結婚喎？）我都係睇通告㗎咋，到時佢哋出通告，我咪配合囉！我諗個女結婚一定預先話我知。」暗寸當年霆鋒栢芝結婚先斬後奏。經常得到謝家帶挈的安志杰就顯得十分避忌，對於買樓一事，他說：「你哋問番霆鋒同拉姑啦！層樓係婷婷嘅啫。」記者事後亦致電過婷婷，不過她就說：「冇回應！」其實買樓結婚是喜事，安生安太又何需咁避忌呢！

婷婷搵多一倍
曾講過冇興趣做藝人嘅婷婷，07年尾終抵受唔住娛圈搵錢快嘅引誘，去年更成為王晶旗下藝人，電影、廣告不停接。加上鋒芝離婚間接令婷婷成為傳媒焦點，故不少客戶相繼邀她出席活動，所以搵錢多過男友安志杰一倍。

情侶檔
搵得就搵，安志杰和婷婷最初低調拍拖，但二人去年卻以情侶檔身份，出席多個品牌活動，令他們合共賺得近50萬。 ####

根據資料顯示，婷婷現時持有位於鴨脷洲海旁道「南灣」一個高層單位，買入價為千七萬。現時該單位市值二千五百萬，帳面賺了八百萬。拉姑眼光犀利。