謝安琪舉行的兩場個唱圓滿結束，對於入座率有九成，她已心滿意足。因與環球的合約風波，令Kay的歌唱事業受阻，幾時可以再開個唱，連佢自己都唔敢諗。
一直有傳謝安琪（Kay）經理人夏森美與環球唱片不和，雙方合作出現嚴重分歧。近年環球更着力捧新加盟的吳雨霏，令夾在中間的Kay備受冷待。不過Kay似乎不太擔心被雪藏，上周六（14日）她在個唱慶功宴上仲識講笑：「雪藏咪着件厚身嘅衫，禦寒衣物一定要！」唔怕雪藏，原來已有後着。有指三大唱片BMA、大國文化及金牌大風都有意花300萬幫Kay贖身，三大老闆仲現身紅館力撐。唱片公司可以慢慢揀，搵錢先最要緊，據知經理人夏森美已透過中介人幫Kay密密接大陸job，再加上寰宇電影老闆林小明力邀拍電影，Kay今年預計袋過千萬。重重阻礙依然有路可行，難怪她在個唱中比喻自己係生命力強的野草，踩不死。

 
謝安琪經理人夏森美與環球唱片董事總經理黃劍濤（Duncan）反目傳聞甚囂塵上，上周六（14日），謝安琪一連兩場紅館個唱曲終人散，環球旗下歌手全部無影。Duncan在綵排時匆匆一現，連慶功都冇到；反而BMA老闆羅傑承、代表大國文化的何麗全及金牌老闆龐維仁車輪轉到後台探班，向Kay招手。

羅傑承虎視眈眈
自傳出謝安琪與環球解約的消息，即有唔少唱片公司向Kay招手。BMA老闆羅傑承與太太梁芷珊唔止去睇Kay的個唱，仲有傳羅生願出300萬幫她贖身。

林小明邀拍電影
今次的謝安琪個唱，寰宇國際是主辦單位之一。寰宇老闆林小明與Kay的經理人夏森美在慶功宴上碰杯，預祝合作拍電影順利。

環球提解約
對於與Kay的關係，環球明顯採取放棄態度。1月12日Duncan在張學友個唱記招時表示：「是環球唱片跟Kay的經理人溝通不來而有問題出現，與Kay無關。（如何解決？）環球在雙方合作上提出了幾個方案，現正等待他（指夏森美）回覆。假若最後談不攏，希望和平解約。」本來與環球還有3年約的Kay，因而即成搶手貨，幾間唱片公司爭住俾300萬環球，幫Kay贖身。環球為力谷新加盟的吳雨霏成為一姐，早已將Kay投閒置散，更將其緊絀資源轉投吳雨霏，所以夏森美一早幫Kay鋪定後路，來年她將會主力拍電影及接大陸job。知情人士透露：「Kay嘅唱片約一日未解決，唱片事業會受阻，經理人夏森美便主動聯絡電影公司老闆，希望幫Kay接多幾部戲。」對於阿Kay轉型，夏森美回應說：「Kay上年已完成兩部港產片，包括《大追捕》及《敦煌傳奇》，今年即將上畫，仲有兩部Kay做主角嘅港產片會如期開拍。最近我同林小明（寰宇老闆）傾緊Kay嘅電影發展，現階段好初步，不過好大機會合作。今次Kay開個唱，林生都係主辦單位之一，我哋合作偷快。（係咪會同環球解約？）現階段雙方傾緊，唔排除達成共識，會和平分手，多謝大家關心。」林小明亦透過寰宇高層Bill承認雙方會有合作機會：「我哋係傾緊電影上嘅合作，有合適嘅電視劇我哋都會搵Kay，詳情稍後先公布。」

搞聚會冧歌迷

投國內市場搵人仔
除轉型拍電影外，Kay最近仲狂接大陸job。知情人士透露：「最近有位中介人專幫Kay接大陸嘅登台同品牌代言，有啲代言產品酬勞有成百萬人仔，真係好過做演唱會。」據知這位中介人是有份主辦今次謝安琪個唱的新娛國際，對於Kay將在大陸發展，該公司發言人蔡小姐表示：「有幫Kay喺大陸傾緊幾個產品代言，包括飲品、服裝等，每個廣告收80至100萬人民幣，仲會去國內大學校園做免費分享會。」據知Kay今年已落實為六個廣告代言，加埋登台、拍電影已有過千萬收入。雖然唱歌事業前途未卜，但她自尋出路，唔愁冇飯開。 ####

 

 

 


烏龍甩鞋謝安琪出場時急到甩鞋，邊唱歌邊要工作人員幫她着鞋。




囝囝塞耳扭眼瞓老公張繼聰帶埋囝囝張瞻捧Kay場，現場太嘈囝囝用棉花塞耳仔，平時八點幾已經上牀嘅佢仲扭眼瞓㖭！


Rubber Band 力撐同公司的Mr冇影，金牌大風嘅Rubber Band反而傾力演出，有指金牌大風安排Rubber Band做嘉賓，實行向Kay示好。

 
上周六（14日）舉行完個唱，謝安琪翌日下午（15日）在卡拉OK開歌迷聚會，歌迷邊等偶像邊唱Kay的飲歌。遲到兩小時的她，到場即向歌迷耍冧。

 
大小通殺 Kay的歌迷有男有女，有老有嫩，每當有小朋友埋身，她都母性大發。




即場抱抱會為答謝一班忠實fans，Kay逐一為佢哋簽名同影合照，遇上台灣歌迷要趕飛機先行離開，仲送上熱情擁抱。


High爆玩人浪 Kay與環球的合約糾紛雖然非常困擾，但當日她與50名fans聚首，心情變得興奮，仲即場玩人浪high爆。


09年謝安琪憑一曲〈囍帖街〉人氣急升，當時與環球高層Duncan關係非常好，Kay攞金唱片，兩人開香檳慶祝。估唔到今次個唱成功，Duncan連慶功都唔到。《蘋果日報》圖片

arrow
arrow
    文章標籤
    kay 唱片 寰宇 duncan 理人 中介人 bma 歌迷 合作 rubber
    全站熱搜
    創作者介紹
    創作者 stacy4life 的頭像
    stacy4life

    娛樂八掛大分享☆

    stacylife 發表在 痞客邦 留言(0) 人氣()

    E-mail轉寄