娛樂八掛大分享☆

鬼祟快閃當日大約下午4點，素顏嘅「城嫂」戴晒帽，挽住個大紙袋喺養和電梯大堂閃出，一路急步行四圍望。

話咁快兔年將盡，又話咁快到龍年！好多人話根據瑪雅曆法預言，2012年世界末日來臨，叫大家儲糧儲水，自求多福；又有好多人話龍年係好年，正所謂「人中之龍」，所以天王天后都趕生龍B（仲未計啲由祖國衝落嚟嘅「雙非人」㖭，呢part講起就火滾！），咁，即係點呢？龍年究竟是吉是凶？

黑面call救兵
一見媽咪姐，即刻低頭狂㩒電話，黑面call司機嚟接，又話自己嚟探人。咁鬼祟？仲攞個咁大嘅紙袋？似裝報告多啲喎。

唓，風水佬就話呃你十年八年，媽咪姐自認唔係神仙，點知？不過，都係嗰句啦，凡事盡力而為，但求無愧於心。好似熊黛林（Lynn）咁，咪勝在夠盡力囉；佢同「阿王」郭富城拍拖五年有多，由偷偷摸摸見光要即閃返屋企（自己嗰個呀！），到今日可以帶住父母大佬一字排開咁捧城城場。嘩！實在係八千里路血同淚啦。今年，仲有指四十有六嘅城城，終於有成家立室念頭，「御准」女友生仔，於是熊小姐「嗱嗱聲」遍尋名醫，養好身子趕生龍B。日前，媽咪姐就喺有眾多婦科名醫掛牌嘅養和醫院，撞到「城嫂」一個人挽住大袋嘢「靜雞雞」行出醫院。佢見到媽咪姐，即刻變臉，猛call司機嚟接！明嘅。明嘅。一切得來不易，媽咪姐喺呢度祝你早生「阿王」子！祝大家都行運一條龍呀！ ####

月初，熊黛林帶晒父母、大佬去睇城城演唱會尾場，地位穩如泰山。

Lynn Lynn，我哋要一擊即中！（設計對白）