今年7月，江欣燕在湯盈盈生日會上大爆拍拖兩年的湯與錢嘉樂已分手。分手原因有指嘉樂仔對舊愛李珊珊一直未忘情，故此不甘陷入三角關係的湯盈盈，今年9月索性放下所有工作，遠赴美國治情傷。
據知中女湯盈盈避走期間依然難捨錢嘉樂，上月返港實行人肉速遞出入男方寓所，還出動住家靚湯，擺明要箍實呢位「多情男」，最終翻撻成功。


現年35歲的湯盈盈，出名熱情，鬼妹仔性格夠晒放。08年，她與錢嘉樂到台灣拍《獎門人》而撻着。戀情被揭初期，湯盈盈密密到男方的西貢匡湖居住所過夜，不過好境不常，二人拍拖一年，有指錢嘉樂對舊愛李珊珊未忘情，以過百短訊翻箍珊珊。一度陷入三角關係嘅錢嘉樂，最終更狠撇湯盈盈。

避走美國
湯盈盈心灰意冷，年中返家鄉蒙特利爾後，9月更避走美國治情傷。據她身邊密友透露︰「盈盈當時好唔開心，俾人問係咪分手，佢都唔知點答，根本人哋（錢嘉樂）由始至終冇認過佢係女友。佢過咗美國嗰段時間都有人追o架，不過佢都係放唔低之前段感情。」
錢嘉樂難忘李珊珊，一直等候李重投懷抱，奈何其間珊珊不乏裙下之臣，除了與賽車大亨馬漢華的緋聞傳不停之外，今年中她更與一位中年男子高調睇足球賽事，被指是珊珊新歡，錢嘉樂看在眼裏，自覺「冇行」。
上月返港的湯盈盈，決定再發功冧錢嘉樂，每次錢由外地拍戲返港小休數天，她都第一時間上門見面，更買埋餸煮飯煲湯，最終鍊贏李珊珊，與錢嘉樂翻撻成功。
最近被記者問到有否計劃結婚時，湯盈盈心情大靚突轉口風︰「現在好開心、好enjoy呀！爹哋同媽咪都冇催我，所以呢刻未諗計劃，覺得係時候先算啦！」

翻撻斷正
最近錢嘉樂忙於在上海為電影《大武生》擔任武指助理，為了與湯盈盈見面，他頻頻中港兩邊走。上月尾，本刊就發現他放假返港僅三天，湯盈盈即「送上門」，爭取時間煙韌。幾日來叉電回春的錢嘉樂即返回上海再搏殺。
12月8日，錢嘉樂再返港兩天，湯盈盈又出動住家靚湯上門過夜，翌日未見她步出錢嘉樂寓所，但她的粉藍色Benz座駕卻仍泊在匡湖居停車場。

尷尬默認
記者等錢嘉樂駕車外出時，就與湯盈盈復合一事，上前求證。起初他以一貫作風，帶記者遊花園，不過被再三追問下，他終於默認戀情。
記︰係咪返嚟見湯盈盈，你同盈盈復合呀？
錢︰（扮傻）咩復合…咩盈盈復合呀…（暗笑）唔好問啦！
記︰呢排係咪見得好密？
錢︰有見過…不過唔係話好密囉！都係咁啦！
記︰幾時公開戀情？
錢︰（甜笑）哈哈…適當時候啦！
記︰幾時先適當呀？
錢︰順其自然啦！
記︰仲有冇同李珊珊聯絡？
錢︰間唔中。大家都係朋友。

冧笑回應
周日（19日），湯盈盈出席劇集《居家兵團》宣傳活動時表現風騷，被問及復合笑不攏嘴，得知錢嘉樂默認戀情時，她更喜出望外，不停喪笑。
記：你之前去美國做咩？
湯︰修讀咗個演藝課程。
記︰有傳你同錢嘉樂因為李珊珊而分手，你要去美國治情傷。
湯︰哈哈……唔係……
記︰最近已經同錢嘉樂復合？
湯︰咩呀，大家係好朋友。
記︰佢之前喺上海返嚟香港兩日，認咗有同你見面喎！佢仲話適當時候會公開㖭！
湯︰（嗲到爆）邊個講呀？
記︰錢嘉樂講，咁你點呀？
湯︰（笑到身子向後翻）我唔知呀…哈哈…
感情失而復得，可說難能可貴，難怪勝利者湯盈盈說時甜到爆。

微博露行蹤
湯盈盈與錢嘉樂唔算微博活躍分子，不過兩人離港時亦有上載生活照，向好友透露自己行蹤。


戴上黑超的湯盈盈，行去攞車前將帽拉低，急步上車，相當避忌。


11月24日自出自入
早上10時，湯盈盈單拖離開錢嘉樂匡湖居住所，攞車期間，她警覺地左望右望，之後因為留咗嘢又折返，有如女主人。



12月9日
中午12時，穿上迷彩外套的錢嘉樂離開寓所，到電視城拍短片，而湯盈盈的座駕仍泊於匡湖居停車場，相信她過夜後仍未離開。



錢嘉樂與李珊珊分手後，一直指二人藕斷絲連，09年4月傳復合，珊珊更冧爆說：「永遠愛錫嘉樂！」


我咁正，嘉樂仔梗識揀！（設計對白）


密密搵銀的錢嘉樂，早前為電影《李小龍》擔任武指（圖），最近又到上海為電影《大武生》作洪金寶的武指助理。


默認戀情
錢嘉樂被問到復合一事，一度扮儍，不過被再三追問，他終於默認。


冧爆喪笑
至於湯盈盈，被問到是否與錢嘉樂復合，則全程笑唔停嘴。得知男友默認戀情後，更笑到失控。



年初返家鄉的湯盈盈，不時上載當地生活照片，還母性大發，抱住好友的BB唔放。



於上海開工的錢嘉樂，頻頻返港會女友。12月8日，他甫返港即通知好友，當晚湯盈盈就即時交人。



arrow
arrow
    全站熱搜
    創作者介紹
    創作者 stacy4life 的頭像
    stacy4life

    娛樂八掛大分享☆

    stacy4life 發表在 痞客邦 留言(0) 人氣()

    E-mail轉寄