今年中，寇鴻萍老公梁廷鏘涉迷姦女模後，連月來都潛水，而老婆寇鴻萍亦變得低調。梁廷鏘的案件審訊在即，寇鴻萍當然擔心，早前更搵風水師幫手轉運。12月18日，心情煩亂的她，偕港姐好友蔣麗萍，齊齊聽殘障傳教士Nick Vujicic講見證，藉此解鬱結。
據知今次Nick來港，並非做大型分享會，而是到相熟的教會及學校講見證。當日他到灣仔中環廣場75樓的教會會堂做小型佈道會，出席藝人約40人，有剛宣布懷孕的蔡少芬夫婦、錯愛空心油王朱明的陳法蓉、捲入鹹豬手事件的蔡子健及腦生水囊的周永恆等，據知黎姿則安排細佬黎嬰與Nick私下飯局。


6月尾，梁廷鏘涉嫌迷姦25歲女模被捕。兩星期後，寇鴻萍接受訪問時力撐老公，「事件未落案前，大家不應當他是罪犯！我問佢有冇做過，佢話冇，我只可以選擇相信。」不過之後寇鴻萍竟然被記者拍到搵風水師七羽仙轉運，看得出她內心無助。
12月18日下午，寇鴻萍與好友蔣麗萍到灣仔中環廣場內參加Nick的佈道會。唔知係咪老公案件審訊在即，一向健談的寇鴻萍，似乎有心避記者，一見記者上前拍照，已經急急腳步入。事後記者致電她，她的手機則接駁到留言信箱，並兩度以sms回覆。第一次問記者「找她做甚麼？」，記者表示想她分享聽完佈道會的感受，但她再sms記者︰「我在微博已經講晒！」恍如驚弓之鳥。
知情者話：「佢老公件事發生後，Isabella（寇的洋名）落晒形，佢對外梗係要撐Patrick（老公的洋名）啦！其實佢係對人歡笑背人愁，單官司未完，唔擔心就假，佢日日都向主禱告。佢去聽Nick講道，都係想喺對方身上攞到啲正能量，令自己諗嘢積極啲。」
兩小時的佈道會，先是唱聖詩及祈禱，然後Nick親述自己的經歷及辛酸，自出娘胎冇手冇腳的他，亦曾埋怨個天，更質詢如果神真的有神蹟，就讓他有手有腳。後來才明白神的用意，他說：「希望將來在天堂，會有人對我說，因為聽了我見證而打消自殺念頭。」

眾星講感受
蔡子健表示︰「佢啟發到我哋要珍惜擁有嘅嘢，開心其實好簡單，只係平時大家會有好多抱怨同投訴，將呢啲嘢放大咗。（有冇感覺事業唔如意？）人生係有起有跌，每個人成功都唔同，喺工作上我冇特別唔開心。」
近年長駐大陸的Yumiko，亦為了這個佈道會返港。她說︰「佢俾我好正面嘅能量，一個天生缺陷嘅人都識得跳水、揸船，好犀利！Nick話就算有手有腳，如果諗嘢唔正面，比身體殘缺更慘。主嘅能力就是無論你面前有幾大嘅逆境，祂都一樣會愛你眷顧你。」
單拖出現的周永恆，表示因為天氣太凍，太太趙頌如留家照顧女兒，他說︰「Nick冇手冇腳，但身體靈活，佢聽電話時只要用腳掌踢起個電話，用頸夾住就OK，真係好神奇。佢嘅人生充滿使命感，雖然佢日日要打仗，但佢好堅強，佢令我明白生命豐盛與健康並非掛鈎 。」

星光熠熠耀Nick
Nick三度來港，群星捧場，事後更在微博晒合照講感受，個個大讚Nick的分享啟發性大。

黎姿帶細佬密會殘障傳道人
今年27歲的殘障傳道人Nick Vnjicic生於澳洲墨爾本，出生時已經冇手冇腳，只得兩隻腳板。他8歲時曾想過在泳池浸死，其後在父母薰陶下信奉基督教，生命變得積極。17歲他開始傳道，08年尾來港開佈道會時，不少藝人專程聽他講道，包括鄭伊健、蒙嘉慧及G.E.M.等。黎姿亦曾帶弟弟黎嬰親自拜訪Nick，藉此激勵細佬生命力。


11月18日，寇鴻萍與好友蔣麗萍齊齊出席Nick的佈道會。


梁廷鏘涉迷姦女模案，警方仍在調查。而寇鴻萍硬撐老公，不時微博晒一家幸福照，力證夫妻情不變。


自梁廷鏘涉迷姦案後，已甚少出席公開場合的寇鴻萍，早前蕭定一結婚，也只是單拖出席。


參加完Nick的佈道會，寇鴻萍即晚已上微博分享感受。



蔡少芬微博晒合照
陳法蓉（左）與王祖藍，偕蔡少芬夫婦出現，有了BB後，蔡少芬心情靚爆，與張晉齊齊着紅色晒恩愛。




沒有信仰的汪琳，聽完佈道會表示︰「真係好感動，有手有腳嘅人都冇佢咁堅強。我攬住佢嘅時候，雖然佢得個膊頭，但我feel 到有一股好強大的力量，佢嘅感染力好犀利。」



Yumiko與經理人Kitty出席佈道會，她透露今次是王祖藍聯絡她來聽道。


毛舜筠帶埋兩個女兒來聽道，她表示希望Nick的堅強、毅力能感染下一代。


早前受腦內水囊困擾的周永恆，老婆趙頌如近日又患產後抑鬱症，他坦言也是靠信仰去保持自己正能量。


娥姐表示Nick的分享很精采，對她很有啟發。


鹹豬手是非後，轉行做財務分析員的蔡子健明顯發福不少。



阿Nick雖然殘障，但游泳、打球及日常生活都能照顧自己。



樂易玲在微博中上載與Nick的合照，去年她更穿針引線，幫黎姿安排與Nick秘密聚會。

arrow
arrow
    全站熱搜
    創作者介紹
    創作者 stacy4life 的頭像
    stacy4life

    娛樂八掛大分享☆

    stacy4life 發表在 痞客邦 留言(0) 人氣()

    E-mail轉寄