陳豪和廖碧兒拍拖六年，雖然未正式承認過，但兩人戀情圈中冇人不知。不過隨住日前廖碧兒被踢爆瞞住陳豪與身家過億的李澤楷表弟林忠豪住埋後，跌回寡佬行列的陳豪頓成中女筍盤。至於負心女廖碧兒，其形象亦瞬間跌入谷底。
本刊收到消息，在報道出街當日，陳豪多次致電廖碧兒查問究竟，惟對方一直冇接電話。事隔幾日廖碧兒才向他發送一個絕情SMS，表示日內會上門執嘢走，令以為仲有得掹的陳豪極為傷心。
被問到現時心情，陳豪對外平靜地回應：「過去咗就過去，今日嘅我冇事……」不過面對連日追訪，陳豪在電視城不惜走後門避見傳媒，看來口講冇事的他，心裏面應該很痛。


廖碧兒近日被拍得與富豪二代李澤楷的表弟林忠豪（Alastair）在男方的淺水灣獨立屋同居，廖更管有大屋鎖匙，被指「貪錢精」的她因而形象大跌。事後廖碧兒和林忠豪都對外硬撐，否認拍拖。不過一直被當儍佬蒙在鼓裏的陳豪就開腔表示心淡，他說：「報道出街前唔知呢件事……唔會諗太多，我個人好化，睇咩都睇得好化……過去咗就過去。」

陳豪call極唔覆
一直抱住吊金龜心態的廖碧兒，據知被揭發之後自知爆，亦再沒有為自己找任何藉口，兩日來，都未敢接陳豪來電。「報道出街當日（周一，13日），陳豪係咁打電話俾Bernice（廖之洋名），但佢一直冇覆，要到周四至send番個SMS俾陳豪，話自己過幾日會上去佢屋企執番晒自己啲嘢，即係變相話分手啫。陳豪連想問清楚都冇機會，搞到陳豪好down。」一位知情人士說。
記者收到風後，連日來均在陳豪位於調景嶺都會駅的寓所外守候，不過風頭火勢，相信廖碧兒亦避風頭，沒有上陳豪屋企執嘢。近日她亦刻意避見金龜林忠豪，反而黐住阿媽阿爸做乖女力挽形象。至於陳豪則借趕拍新劇《心戰》來麻醉自己，每天返電視城開工至凌晨時分，之後再返家休息。

富豪陪睇樓
其實廖碧兒瞞住陳豪識富豪已非第一次，早年她透過前男友劉愷威而認識Mence Beauty老闆娘蔡太和其女兒Vicky，之後再結識Vicky的商家外籍男友，由於同聲同氣，廖碧兒連Vicky的男友都唔放過。知情者說：「Bernice同嗰位外籍男友行得最埋嗰陣，成日扯住人哋去睇半山豪宅，睇親都過2千萬嘅。可能之後對方覺得Bernice有問題，就話自己啱啱買咗部車冇咁多cash，最後就冇買樓囉。而Bernice見再冇水喉射住，就返番去陳豪身邊。」
廖碧兒每次黐有錢仔，被問到與陳豪戀情時，均會向對方暗示陳豪是同性戀，只是公司安排兩人做「情侶檔」拍住搵錢。而每當廖被傳與有錢仔關係非淺，她又會以同一招向陳豪解釋，指對方是同性戀。由於雙方都難以深究，廖碧兒多次「過到骨」。

同事稱呼陳豪
本周三（22日）廖碧兒在電視城出席新劇《依家有喜》宣傳，被本刊記者問到富豪陪睇樓和向人暗示陳豪同性戀等提問時，她說：「我所有嘢都唔會再回應，之前喺電台已經講晒。（有冇同陳豪聯絡？）我哋街景接廠景，拍嘢都唔會離開個廠……不過大家係同事，都仲有聯絡。（同陳豪講分手，你係咪send SMS話上去佢度執嘢？）冇send SMS，唔好意思。」說時廖碧兒未有正面望記者，只埋頭猛㩒手提電話。


拍劇走後門
周日（19日），陳豪返回電視城趕拍新劇《心戰》，原本3點半化妝時間，他刻意遲1小時才出現，更走後門入廠避耳目。不過他被記者發現後，未有回應廖碧兒偷食一事，只一直雙手插袋尷尬苦笑。


分手短訊
據知廖碧兒被爆與林忠豪住埋後數天（16日）才SMS以英文回覆陳豪，指日內會到其家中取回屬於自己的物品。模擬圖片


六年情玩完
04年陳豪和廖碧兒合作拍《心花放》而撻着，地下情頗令觀眾和廣告商受落，無綫亦不介意安排他們以情侶檔拍住搵錢。《蘋果日報》圖片


上周三（15日），有雜誌再報道廖碧兒入住富豪新男友林忠豪的淺水灣獨立屋。



做乖女陪父母
形象直插谷底的廖碧兒，近日暫未有返回林忠豪大屋，而周日（19日）她出席完活動，反而乘坐父親駕駛的七人車，與父母一同到位於佐敦的九龍草地滾球會逗留三小時。


現年32歲的林忠豪（右一），身為匯能燈光有限公司主席，身家過億，年前與房祖名（左一）合作做薄荷糖生意，後因錢銀問題不歡而散。《蘋果日報》圖片


回應照㩒機
本周三（22日），廖碧兒在電視城為處境劇宣傳，本刊記者問她曾暗示陳豪同性戀、硬搶好友外籍男友等問題，她邊㩒電話邊低頭說：「我所有嘢都唔再回應。」

arrow
arrow
    全站熱搜
    創作者介紹
    創作者 stacy4life 的頭像
    stacy4life

    娛樂八掛大分享☆

    stacy4life 發表在 痞客邦 留言(0) 人氣()

    E-mail轉寄