危險媽媽 5歲Lucas（謝振軒），自從上年鋒芝婚變後，雖然成日逃學跟阿媽外遊兼吃喝玩樂，但栢芝始終要拍戲搵食，有時亦難免要將Lucas交畀親戚朋友照顧，Lucas人仔細細已經做慣人球被人輪流湊。不過將乖仔交托人手始終唔放心，上週二（10日）本刊便目擊舅父張栢文竟然喺尖沙咀獨留Lucas喺車廂！喂，知唔知獨留兒童可大可小㗎，隨時犯法坐監㗎！


月頭有傳鋒芝破冰有望復合，不過霆鋒否認再否認，話一定唔會同栢芝復合，仲兇班記者話邊個再問打邊個，復合無望，栢芝又忙住出去搵錢，惟有交個仔畀屋企人湊住先。

冇扣安全帶
呢排栢芝走勻中國各大城市，為《河東獅吼2》做宣傳，又要忙住喺內地拍廣告及上節目，成日話愛仔如命嘅栢芝都要忍心將大仔Lucas交畀細佬栢文湊。本刊上週二（10日）發現栢文載住Lucas停喺尖沙咀金百利道一間藥房門口，Lucas好明顯好鍾意同舅父仔玩，不過舅父仔擺明冇乜湊仔經驗，唔扣安全帶畀5歲Lucas坐車頭，仲夠膽死丟低佢一個，自己落車行幾步去交停車場錢。好彩大吉利是冇事發生，不過政府都曾呼籲過「勿獨留兒童不顧」，運輸處都提醒過兒童於私家車上，須坐於後排座位及佩帶安全帶喎！連律師黃國桐都話：「『疏忽照顧兒童』罪唔係計時間長短。」即係一秒都隨時犯法，下次栢芝真係要搵個細心啲嘅人做保母啦！

阿媽喺湖南
栢文帶Lucas去尖沙咀嗰日，做阿媽嘅栢芝則忙緊喺內地《快樂大本營》的錄影，栢芝仲貪玩扮導演揸機拍攝。

頭文字B
去年網上曾接連流傳小孩「揸大膽車」片，亦曾因家長疏忽發生交通意外，兒童留在汽車前排座位危機重重，本港亦曾發生五歲小孩誤動客貨車手掣撞傷親人，本地更曾有12歲童開大膽車而連撞路邊四架私家車。

小童坐後座
黄國桐律師：「『獨留兒童不顧』嘅罪名唔係講時間長短，法例根據實際情況判決，至於兒童乘客，三歲至十二歲的前座兒童，亦最好坐於後座及使用兒童安全椅。」 ####


阿仔舅父湊

 
阿媽唔喺身邊，照顧得Lucas最多嘅，就應該係栢文呢個舅父仔，而Lucas睇落都好鍾意同栢文玩，栢文亦不時上載同Lucas玩嘅相於微博。

 
栢文擺低Lucas一個喺架車時間雖然唔長，不過舅父仔架車冇兒童安全椅喎，點都係有危險嘅！




本港亦有司機被揭駕駛期間與兒童同坐駕駛位置，有人曾目擊一名五歲男童坐在司機大腿，雙手觸及軚盤，途經紅磡海底隧道。


河南洛陽呢個12歲男童撞車後，喺車上爬出時已嚇得臉色慘白企唔穩，更不停喊住認錯求饒。



arrow
arrow
    文章標籤
    lucas 舅父 尖沙咀 本港 亦曾 本刊 犯法 成日 安全 男童
    全站熱搜

    stacylife 發表在 痞客邦 留言(0) 人氣()

    E-mail轉寄