08年以rapper身份回流香港發展的歐陽靖（MC Jin），早前在大熱劇《潛行狙擊》飾演臥底立青，得師奶熱捧成功入屋。今年2月他跟拍拖五年的女友Carol結婚，婚後揚言即使老婆遠在美國，他都一定會全心全意愛她。
言猶在耳，貴為基督徒的MC Jin，雖然手戴貞潔戒指，但本刊收到消息，他在來港不久，即瞞住另一半，搭上一個在夜店結識的紋身辣妹Cody，二人更經常秘密在中環一私竇幽會。
周日（25日）聖誕節，已有身孕兩個月的老婆專誠來港與MC Jin慶祝，二人更到山頂嘆燭光晚餐。眼見記者忽然遞上他與辣妹痴纏合照，MC Jin即慌張隔開老婆才答記者。斷到正，睇怕佢今次點rap都rap唔甩！

 
回流後主力發展rapper事業的MC Jin，自上年加入無綫後即獲重用，除接連獲派主持節目外，更有機會拍攝大熱劇《潛行狙擊》，憑戇直臥底楊立青一角成功入屋，更於月初台慶頒獎禮勇奪「飛躍進步男藝員」。人氣急升的他，月中在九展舉行完首個音樂會，又夥拍吳鎮宇、謝天華等前輩拍攝電影《潛罪犯》，事業前途一片向好。

網上晒親密照
出道三年以來，MC Jin絕少緋聞傳出，形象健康的他，不似其他藝人將戀情收收埋埋，多次在公開場合把老婆Carol掛在口邊。表明拍拖五年以來，與Carol感情穩定，更視對方為結婚對象。早前在其個唱中，他更在台上越洋致電唱情歌冧老婆，癡情老公形象深入民心。表面做乖老公，不過本刊收到消息，跟另一半長期分隔兩地的MC Jin，回港後經常流連夜店。說得一口流利英語的他，因rapper身份而獲不少性感蒲妹主動埋身，最終更與一名叫Cody（利靜怡）的紋身辣妹搭上。日前，本刊從辣妹Cody的facebook中，得到多張不同時期與MC　Jin的痴纏自拍照。面對辣妹伸脷、胸壓，MC Jin一臉陶醉，明顯對女方的熱情舉動極之受落。知情人透露：「Cody喺朋友面前好鍾意晒佢同阿Jin啲嘢，久唔久會將兩個人嘅合照放上facebook俾啲friend睇。其實今年年頭佢知阿Jin同女友結婚，都有唔開心咗一排，不過之後佢就同我哋講，話唔介意佢有老婆，因為佢老婆喺美國，自己見阿Jin時間多佢好多。呢期阿Jin紅，佢周圍同人講，話阿Jin好錫佢。」

辣妹Cody晒親密照
自09年與MC Jin搭上後，Cody經常向身邊友人晒命，更在自己facebook內不避嫌上載多張二人不同時期，橫跨超過兩年的親密合照，縱使MC Jin結婚後，依舊繼續放新相。

 

隔開老婆
周日（25日），聖誕節傍晚六點半，MC Jin偕同剛返港的太太Carol由寓所出發，乘坐七人車到山頂享受聖誕大餐。仍未東窗事發前，久別重逢的兩人，沿途於車廂中拿着手機不停自拍，其間Carol又小鳥依人挨實老公，於嚴寒天氣中，氣氛依然sweet到漏。兩人到達山頂廣場後，MC Jin發現記者，初時仍保持笑容。記者即時用手機向他展示他跟Cody的親密合照。MC Jin定神望了照片，明知記者來意，即慌張試圖用手隔開身邊老婆，更叫她快步進入電梯。但MC Jin老婆卻冇聽老公吩咐，只遠遠企在電梯大堂遠望。記：記者 MC：歐陽靖 C:Carol 記：識唔識相入面個女仔? MC：（先皺一皺眉，支吾以對）唔…… 記：你哋有好多親密合照喎? （記者展示手機中兩人的多張合照） MC：（吸一口氣）冇……其實去玩都會有好多呢啲相傳出嚟啦。記：啲相好多唔同衫唔同場地，好close，你同個女仔攬到實㗎喎！（此時，站在旁邊的Carol，忍唔住走上前睇照片）記（趁機向Carol發問）：識唔識呢個女仔? C:（她低頭望了照片後，即時雙眼厲一厲老公，語帶嬲怒說） 我唔識。記：有人話MC Jin背住你同呢個女仔拍拖喎? MC：（MC Jin搶着回答）總之……咁我係……It doesn't matter啦。說畢即拖實老婆轉身步入電梯，對是否承認背妻偷食等提問充耳不聞。

老婆佗兩個月B
本刊近日收到消息，MC Jin婚後與老婆努力造人，近日老婆終於有喜，據知現時懷有兩個月身孕。早前他在訪問中說：「我係一個好傳統嘅人，我就30歲，覺得係時候要有小朋友，我同太太有共識，結婚之後不設防，希望太太有咗嘅話可以回港定居，或者我返美國。」據知，早兩個月前他放假返美國探親，與老婆一擊即中。今次MC Jin老婆原打算來港與老公商量是否留港安胎。遭記者踢爆偷食的MC Jin，其後兩天都有帶老婆出席活動。不過現場所見，Carol對老公態度明顯比日前冷淡，全程面燶燶。周二（27日），MC Jin 出席活動後，記者上前與他做訪問，Carol更即時避開。當記者問MC Jin是否將做父親時，他竟拉實途人，希望獲得對方祝福，認真戲劇化。記：記者 MC：歐陽靖記：我哋知你太太有咗，恭喜晒！ MC（微笑）：咁開心！記：有咗幾個月？ MC：唔知，真係唔知，我都未宣布有，不如問下啲街坊啦。（隨即拉實途人大叫：「如果我有BB，會唔會戥我開心！」）總之等上天安排囉，出年有個龍B幾好啊！記：咁驚唔驚你老婆因為你偷食唔開心？ MC：……唔會唔會！

夜店撻着
據知，MC Jin 09年與辣妹Cody於中環夜店Sugar結識後，隨即打得火熱。「雖然Cody唔係絕色靚女，不過勝在夠主動，見親阿Jin都黐到實，阿Jin最尾都中招。」而一向鍾情band仔的辣妹Cody，早年曾拍過阿Sa做主角的電影《我老婆唔夠秤》，拍戲目的並非為錢為興趣，而是純粹一心結識明星。「Cody成日話自己好鍾意band仔，佢話拍電影可以識唔少圈中人，所以佢成日個做電影幕後嘅friend，話咩角色咩位都做，同班幕後混熟之後就晚晚去蒲。除咗阿Jin外，佢都有撩過Mr.嘅Alan（布志綸），見Alan冇落疊，Cody話咁快就黐埋阿Jin度。」據知，自與MC Jin行埋後，Cody已冇再客串電影，轉移到尖沙嘴一化妝品店做sales。 MC Jin為防美國老婆會回港突擊檢查，所以玩得特別小心，平日不會在公開場合相約Cody，亦不會帶她返自己在黃埔海逸豪園的寓所，通常是二人在夜店玩完一輪，到半夜才乘車到朋友位於中環的私竇繼續下半場。事業形勢大好，家中有大又有細，風波過後，做了人夫及準爸爸的MC Jin真係要疊埋心水照顧老婆，盡快斬纜嘞！

瓣數多
2011年絕對是MC Jin豐收的一年，加入TVB後，主持、拍劇機會一個接一個，拎埋「飛躍」獎後，活動、登台接到唔停手，豬籠入水。

轉型多棲藝人
未回流前，MC Jin 曾於美國揮低一班黑鬼，贏得當地的rapper公開賽冠軍後，回港尋求發展機會，後自組公司Catch主力發掘有潛質Rapper，及推出廣東話饒舌專輯。去年，他更轉型拍攝電影《打擂台》和《李小龍》，憑《打》角逐金像獎最佳新演員。由於形象入屋，就連特首曾蔭權亦邀請他拍MV放上政府官網。去年加入TVB後，為多個音樂、飲食及清談節目擔任主持，繼而轉往拍劇，更憑《潛行狙擊》奪無綫「飛躍進步男藝員」獎，事業可算一帆風順。 ####


隔開老婆
周日（25日），MC Jin與太太Carol到山頂度聖誕，發現記者最初保持友善微笑，及後知道記者來意，即叫太太拎回外套步入電梯大堂，藉此隔開老婆。


驚青解畫
使開太太後，MC Jin才停低接受訪問。問到與Cody的關係時支吾以對，而太太則離遠睇實老公。


啤實老公
當Carol看見記者手中MC Jin跟Cody的親密合照時，Carol厲實老公，拋下一句：「唔識喎。」MC Jin不禁耷晒頭。


MC Jin與Carol於今年2月在波多黎各一私人小島上舉行婚禮，婚後兩人仍然保持遠距離戀愛。


10年6月
後攬


11年4月
伸脷


10年8月
胸貼胸


09年10月
迷樣


09年3月
攬實


12月26日　現身面左左
全無親戚在港的Carol，於翌日仍陪伴老公出席活動，不過架上黑超的她，全程擰歪面兼對老公態度冷淡。


MC Jin沿途被fans拉實合照及簽名，Carol索性繑埋雙手到附近店舖閒逛，其後兩公婆即時返回黃埔寓所，並冇出外拍拖。


周日（25日），MC Jin拖實剛回港的老婆步出寓所，乘車齊往山頂撐枱腳，當時氣氛仍sweet到漏。


對於老婆是否有BB，MC Jin未有正面回應，更不時把玩手中物品轉移記者視線。


12月27日　老婆見肚
Carol發現鏡頭後，即轉身急步離開，從側面看有兩個多月身孕的她，已清晰見肚。


轉移視線
記者恭喜MC Jin榮升老竇，他竟搞笑地拉實求合照的小朋友，要對方為他送上祝福。


MC Jin憑《潛行狙擊》飾演謝天華頭馬楊立青一角而入屋，接job接到手軟。


02年，辣妹Cody（右一）在《我老婆唔夠秤》中，飾演阿Sa（中）同學。


特首邀請拍MV


奪無綫「飛躍進步男藝員」獎

arrow
arrow
    文章標籤
    歐陽靖 jin mc cody 老婆 carol 老公 合照 rapper 太太 本刊
    全站熱搜
    創作者介紹
    創作者 stacy4life 的頭像
    stacy4life

    娛樂八掛大分享☆

    stacy4life 發表在 痞客邦 留言(0) 人氣()

    E-mail轉寄