當我臭四主角變大茄　陳鍵鋒數臭 TVB：我係一線！
2011年04月06日
打工仔求兩樣嘢，加人工或者得公司器重。兩樣都冇自然怨氣重。喺無綫捱咗 12年嘅陳鍵鋒，上年約滿，早前特登接受有線訪問大爆內幕。除炮轟無綫傾約時為咗幾廿蚊同佢拗數，仲呻拍檔愈拍愈霉，由佘詩曼降呢到唐詩詠。
未算㷫，週日（ 3日）陳鍵鋒出席《洪武三十二》記者會，明明主角戲分嘅佢，海報上竟然排喺大外檔，由主角變大茄，睇到陳鍵鋒眼火爆，被無綫當臭四，不過陳鍵鋒話：「我係一線。」
32歲陳鍵鋒， 19歲入無綫由《 K-100》主持做起，原本有運行，代表作有當年《衝上雲霄》飾演年輕機師 Donald一角，更被捧為「奧運六星」，與林峯、黃宗澤、吳卓羲、馬國明和黎諾懿等視為力捧對象。但自從無綫實行經理人合約制，只力捧自己「親生仔」後，唔係親生仔嘅陳鍵鋒，在無綫地位急降，上年更傾唔掂約離開。


無綫驚陳鍵鋒繼續爆料，週日（ 3日）記者會上無綫外事部副總監曾醒明亦到場，全程 mark實，陳接受記者訪問時，仲側晒身聽，慌死稍有差池。
 
陳鍵鋒喺有線炮轟無綫，據知無綫曾經諗過唔畀佢出席週日的宣傳活動，不過最後都邀請佢到，無綫小器，搞到陳鍵鋒喺微博寸無綫。

海報排位火滾
自由身陳鍵鋒早前倒戈接受有線專訪，大爆喺無綫辛酸，呻自己不被重視，拍劇女角愈來愈奀，更爆因幾廿蚊傾唔掂續約等。
滿肚牢騷，週日（ 3日）陳鍵鋒專登由長沙返港為無綫宣傳《洪武三十二》，由於喺有線炮轟無綫，所以外事部副總監曾醒明一早到場實。對無綫心淡，估唔到更傷心嘅係，在《洪》劇主角戲分嘅佢，竟然喺海報上排喺大外檔，排位仲後過徐子珊，同大茄冇分別，令陳鍵鋒好唔開心。
其經理人 Ivy表示：「阿鋒為咗拍《洪》劇，特登推咗部七位數字酬勞嘅大陸劇。而且佢喺《洪》劇戲分根本上同謝天華和馬德鐘一樣咁多，點解張海報排位係咁？佢自己睇完唔明，有少少唔開心。」


陳鍵鋒喺宣傳海報企外檔，就連喺活動上亦全程企後排，仲要俾馬德鐘半邊身遮住，好明顯備受冷落。
 
《洪武三十二》宣傳海報上，陳鍵鋒喺徐子珊之後，地位等同隔籬排嘅陳賤聰，而企喺佢後面嘅係三線梁嘉琪，身為主角嘅佢唔嬲就假。
 
週日（ 3日）記者會上，除咗陳鍵鋒外，全部演員都古裝上陣，司儀吳家樂開咪寸陳鍵鋒話：「你做咩同大家唔同呀！」陳鍵鋒即刻話：「我冇唔同，係你哋着古裝同我唔同啫。」

嬲襯霉花旦
有線喺上週六（ 2日）播出《主播會客室》，陳鍵鋒喺訪問中數臭無綫同佢傾續約，條件係十年冇人工加！又話當年奧運六星，得佢一個冇攞過「飛躍進步獎」，同埋亮燈企兩邊等，更講到自己拍檔花旦愈來愈霉。不過經理人 Ivy就解釋，佢話：「 Samuel（陳）講啲花旦名出嚟，唔係話佢哋唔夠級數，只係話自己喺無綫重要性愈來愈低啫！大家唔好誤會呀！」

「頭幾年拍阿佘、郭可盈，跟住就變成杏兒、廖碧兒，跟住後來再變成李詩韻、唐詩詠……」
「淨係有得提名男配角，好似當我甘草咁……到上年連提名都冇！」
「叫我上去傾，一嚟就隊張約畀我去簽……好似《婦女新姿》煮餸咁，整定畀我簽！」（注：《婦女新姿》現已改名《都市閒情》）
「同我傾嘅條件，爭拗嗰幾廿蚊……嗰幾廿蚊人哋覺得我咁唔值嘅，留喺度都冇意義喇！」 
佘詩曼
01年《紅衣手記》
 
廖碧兒
03年《律政新人王》
 
唐詩詠
10年《翻叮一族》

暗寸林峯膠獎
無綫唔識貨唔緊要，自恃喺大陸有價有市嘅陳鍵鋒，據知拍劇每集酬勞 10萬蚊人仔，嚟緊仲會同譚耀文拍內地劇《搜神傳》穩袋百萬。
對於炮轟無綫，陳鍵鋒週日（ 3日）記者會上話：「我唔係炮轟，只係講感受（續約因為幾廿蚊傾唔成，個女高層係咪樂易玲呀？）嘩！合約細節唔講得呀，不過傾合約係嗰幾個 o架啦！（有冇覺得林峯好識做，所以有咁多獎？）我唔明你所指嘅識做點解？不過獎項唔應該係識做，或者傾番嚟，如果唔係，個獎唔係獎，而係嚿膠。」陳鍵鋒自喺有線爆料後，這個星期不停做訪問，週一（ 4日）就為 VDONext做訪問，其間被問到未攞過獎，會唔會覺得自己未升呢，佢就話：「呢個市場好大嘅，唔係得香港，我喺國內已經係一線！」既然係一班馬，海報排大外檔有幾咁閒，冇得輸喎！


10萬人仔一集
《美人心計》陳鍵鋒、林心如係主角，胡杏兒雖攝正兩個中間，但其實佢係大茄，只得五集戲。
 
《美人心計》 4月 18日喺無綫收費台播映，陳鍵鋒亦會為呢套劇宣傳，以每集 10萬嚟計，陳鍵鋒拍呢套劇穩袋 4百萬。

掹車邊一線
個個無綫小生話北上掘金，每集萬萬聲，但講到身價，暫時最高身價係國內影帝級演員孫紅雷，身價 50萬人仔一集。其次黃曉明，謝霆鋒都成 30萬一集。陳鍵鋒 10萬一集，算係掹車邊去到一線。 
謝霆鋒$30萬 
孫紅雷$50萬 
黃曉明$30萬呂慧儀微博鬧無綫抄節目
除咗陳鍵鋒喺有線開火鬧無綫，陶大宇亦加把口鬧無綫縮骨，兩個冇約喺身當然鬧得爽，不過喺無綫打緊工嘅呂慧儀，上週四竟然大膽喺微博鬧無綫製作水準差，連自己節目都抄，不過當佢知道好多傳媒關注後即刻刪除！唉！淆底就唔好學人博出位啦！


呂慧儀同阿感（黎國輝）一齊主持收費台嘅《越夜越好味》，但就喺微博鬧自己節目抄人，倒自己米
 
31/3開火 
1/4兜番

TVB小生夠平
國內市場大、製作成本高，雖然講到班 TVB小生拍港劇搵好多，但對大陸製作嚟講班港星屬於廉價， 2、 3萬一集已經可以請到吳卓羲、黃宗澤呢類 TVB一線小生仆倒返上內地拍劇。 
佘詩曼
$20萬 
歐陽震華
$15萬 
林保怡
$15萬 
林峯
$12萬 
吳卓羲
$3萬 
黃宗澤
$2萬


陳鍵鋒不滿主角變配角 狂轟TVB小氣不夠大方

陳健鋒因不滿遭TVB閑置，怒轟老東家小氣
陳鍵鋒早前接受有線電視訪問，除炮轟TVB賤價留人之外，更直言加入電視圈11年，同期出道的林峰及黃宗澤個個受TVB力捧，他卻遭投閑置散。還稱拍檔愈拍愈黴，由佘詩曼降級到唐詩詠。

這還不算，他對新劇《洪武三十二》海報上，他由主角變配角大感不滿，他說：“我看到都有些愕然，一直以爲主角是站中間，與當初談的有出入，我覺得有少少失望。”

arrow
arrow
    全站熱搜

    stacy4life 發表在 痞客邦 留言(0) 人氣()

    E-mail轉寄