完美五官
王嘉韻今年 17歲，瓜子臉、間尺鼻、櫻桃嘴兼皮膚白過雪，而王嘅一對大眼睛特別係眼珠大過一蚊銀，十足日本漫畫美少女即係唔似人，最勁係佢中學同學竟然話佢啲相九成似真人，除咗執大咗雙眼，其他冇電腦加工喎！
現年 17歲的吹氣港女王嘉韻，雖然喺香港出世，曾居住九龍區，但由於阿爸在內地東莞開廠，故她入讀位於深圳的菁華中英文實驗中學高中 3年級文科班。據知身高 164cm的吹氣妹返學時阿爸經常揸中港私家車親自接送女兒上學，自上年 9月，王嘉韻將自拍相放上微博公諸同好後，超完美肌膚同五官迅速成為網上紅人，零毛孔皮膚完美到似吹氣公仔，網友爭住研究。
放大圖片
最似公仔
就係呢張自拍照被網友話佢皮膚同五官索到似吹氣公仔咁，一度懷疑佢後天加工變靚女人辦，不過王嘉韻就話網友用佢啲相去詆譭佢，又話自己一定會考上大學喎！
放大圖片
24/2
王嘉韻要避風頭停學，就連靠微博出頭嘅佢冇像以前般經常 update，最近一次已經係上月 24日。
停學避風頭
上週六（ 26日）及週一（ 28日），本刊連日踩入王嘉韻就讀嘅中學人肉搜刮吹氣妹，雖然吹氣妹已申請停學，但原來全校由門口保安至校內師生都認得佢。記者問 10個同學，幾乎 9個都知佢係邊個，仲話吹氣妹幫自己改咗個花名叫冰山，於該校讀緊高中 1年級嘅戴同學話：「喺學校見過佢幾次，面上都冇笑容，睇番冰山嘅網上相同佢真人係差唔多，但係對眼冇大得咁誇張，應該係得對眼執過，學校好多同學都話佢靚，但我就唔鍾意人化濃妝返學，佢家冇讀仲好，唔使搞到學校咁亂。」個樣一流，但原來佢讀書一般，女同學 Bowie話：「佢真人同相有 9成相似，份人都幾友善，佢亦唔扮嘢，不過成績就唔係咁好囉，都幾個月冇見佢返學喇！」
現正停學嘅王嘉韻微博已有 6萬多粉絲，校內出位，原來吹氣妹校外更多 fans，吹氣妹放學，例必有人等佢，仲有人會大呼：「冰山呀！」兼追住佢影相，家陣吹氣妹於微博內自稱要努力考大學，咁班狂蜂浪蝶遲啲要轉地頭囉！
放大圖片
孖妹齊影
王嘉韻於微博內亦放咗同好友一齊嘅合照，佢仲話相中人係佢最好老死添。佢老死個樣又好正常喎！
放大圖片
阿妹都索
吹氣妹亦有幫細妹影靚相，從側面睇，佢阿妹王嘉麗亦一樣天生麗質走日系路線。
私竇四圍影
王嘉韻鍾意自拍，喺屋企更加係處處影唔停，不過睇佢啲自拍相，一時間屋好細要瞓碌架床，一時又有豪華洗手間兼大型梳化，唔通吹氣妹唔只一個竇？
放大圖片
豪宅攤屍
盛傳吹氣妹有啲家底，佢呢間屋非常闊落，個廳放得落巨型貴妃梳化，夠吹氣妹趴喺度玩電腦。
放大圖片
廁所亦算豪華，有巨型浴缸之餘，仲有個淋浴間，十足豪宅格局。
放大圖片
蝸居迫夾
呢頭住豪宅，嗰頭吹氣妹又忽然住細屋，呢張相見吹氣妹坐上枱自拍騷長腿，見佢屋企連雪櫃都要放出廳，斷估個廳唔夠 300呎，典型香港蝸居。
放大圖片
瞓碌架床
吹氣妹自稱有個妹，佢身處呢間房亦設有碌架床，唔知佢瞓上格定下格呢？
同學證實︰真人同張相差唔多
王嘉韻雖然係港女，不過由於父親在東莞做生意關係，故她一度轉到位於深圳羅湖區的菁華中英文實驗中學就讀，該校高中生每學期學費為 7,600人仔，如要留宿另加每月 1,500人仔，顯然係內地貴格私校。
王嘉韻於校內貴為風頭躉，大部分該校學生都認識她，而且全都話佢真身跟相中人一樣咁索，連門口賣珍珠奶茶個小販都話：「個個叫她冰箱美人，她真的是很白很可愛！」
放大圖片
蔡同學︰佢真人都好靚同張相差唔多，幾乎全校都識佢，不過佢應該掛學（停學），近呢半年都冇見佢出現喇！
放大圖片
戴同學︰對眼冇大得咁誇張，應該係得對眼執過，但我就唔鍾意人化濃妝返學，佢家冇讀仲好，唔使搞到學校咁亂。
放大圖片
學校保安︰她爸爸經常開車接送她，新年還有派紅包，又經常來學校幫她辦手續，她爸爸還有自我介紹，說自己在東莞做生意。
放大圖片
門外小販︰全校都認識她，她樣子跟相片一樣，個個叫她冰箱美人，她真的是很白很可愛。
即執︰豆豉變五蚊
吹氣妹王嘉韻靚到似公仔同學激讚，不過就算係冇吹氣妹咁天生麗質，經過神奇軟件 Photoshop執靚吓，就算好似王菀之咁矇豬眼，都分分鐘可以變到鬼火咁精靈，神奇呢！
放大圖片
原圖
於 Photoshop內選擇想要變大的位置，再以 Scale功能拉大，便可將矇豬眼擴大，更能用同一 function將包包面削尖。
留言列表
