上週五（ 11日）又有冷空氣來襲， 22歲浸大 E神 Carol照樣穿上低胸 tube dress，深夜出席諾士佛台酒吧周年活動。在夜店打出三吋事業線，預咗俾人撩。現場不少口花花酒客圍觀大聲撩：「真係好大波喎！」，還爭先恐後話要影合照。自爆處女落夜場， Carol搵工作人員擋駕避酒客，影完相見完記者，更急腳步行到附近酒店換衫走人，原來係同真命男友有下場。
隔枱摸手
與四女一男同事收工後齊齊步行至尖東， Carol一行人在一間西式餐廳酒廊 Bulldog's Bar呢頭坐低，嗰頭即見一身潮服打扮、束有羊咩鬚的日系打扮型男趕到會合。
Carol一早與同事坐在長枱內側，鬍鬚男則選擇 Carol對面的座位，一坐下兩人相視甜笑， Carol全晚目光都離不開鬍鬚男，對方有相片分享時， Carol還自然地握着鬍鬚男手指，雖然隔足成張枱，兩人十足強力磁石。
春宵夢碎
一行人吃吃喝喝又不斷開紅酒，飲到凌晨四點幾近酒吧關門才捨得離開。鬍鬚男第一個站起身，卻駐足等到坐在最側的 Carol才並排起行，與大家道別坐進一架的士，明顯兩人才是一對。看似還有下場的二人，直到抵達 Carol大圍公屋住所外，眼利的 Carol發現記者行蹤，即時有默契彈開，鬍鬚男才冇癮自行搭的士返大埔豪宅鹿茵山莊。
本週一（ 14日）， Carol在電話中否認鬍鬚男是男友：「佢唔係男朋友，佢係工作上認識嘅朋友啫，嗰晚係我經理人叫佢送我返屋企，送完我，佢都返咗自己屋企啦！（點識佢？佢幾有錢喎！）我嘅私人嘢真係唔想講！」
撩交嗌
出道年多， Carol一直視周秀娜為假想敵，又不斷明寸暗潤，新正頭又撩起新火頭，潤 Chrissie同男友去泰國旅行是自掏腰包兼借男友炒作。此外， Carol上週五出席的 Bubbles酒吧活動（下圖），亦係從 Chrissie手上平價搶回來，據知收 2萬的 Carol比叫價 8萬的 Chrissie平足 6萬，連酒吧經理 Sam亦說：「 Carol符合經濟效益。」
留言列表
