上圍 34C嘅 Barbie最近肥咗有個小肚腩，所以連經理人都詐型要佢減肥。
一年內落選港姐兼亞姐的寸嘴 Barbie（廖祉甯），因為把口唔收成日得罪人，加上選亞姐時三度甩底，慘遭兩間電視台封殺。
25歲女唔後生， Barbie的起心肝重新做人，簽畀星爺愛將邵子風旗下間製作公司，全力北上搵人仔。把口唔收的 Barbie更定下一連串賺錢大計，估計自己會有 65歲命並誇張到話要搵一百億，「遲啲我會去內地拍劇，我打算賺一百億人仔，不過如果賺到一千億我都唔介意嘅！」點止臭口，仲獅子咁大個口喎！
互動片段
北上 撳錢 寸嘴 Barbie：我要賺 100億
參選港姐時因為一句「贏咗冠軍先話你知我個名」，而被傳媒封為「寸嘴 Barbie」的廖祉甯，落選港姐後退一步轉戰亞姐，雖然樣貌身材都唔錯，可惜被評判認為佢操行唔合格，最終六強不入。
放大圖片
亞姐被飛
Barbie去年 10月選亞姐曾 3度缺席宣傳活動，最後連 6強都唔入。
放大圖片
'10港姐被叮
愛畫畫嘅 Barbie落選亞姐後，即被星爺身邊紅人邵子風睇中簽經理人合約。經理人預告 Barbie今個夏天會影 cosplay寫真引宅男。
同劉華起大學
「我同劉德華係可立中學校友，我哋間中學就嚟 40周年，我打算校慶當日向佢提出我個計劃，就係夾錢將可立升格為一間大學！」
學 Kelly生兔 B
「我同陳慧琳一樣屬老鼠，我計過老鼠同兔仔係好 match，所以原本諗住今年結婚生仔，點知撻 Q，惟有等下一個兔年！」
兩度參賽都落選， Barbie強調完全唔係自己問題，「我知點解評判唔鍾意我，佢哋問啲佳麗最鍾意邊個牌子，有人話 Dior、 Chanel，但我答 Vivienne Westwood，咁已經唔切合佢哋嘅嗜好，覺得我難登大雅之堂！」
無綫同亞視都唔識欣賞， Barbie曾接觸周秀娜經理人 Roy亦冇下文，好彩最近被星爺愛將邵子風（ Dean）中，簽經理人合約再幫佢重新包裝，簽約幾耐唔講得，但已經落實會推出寫真集兼到內地發展， Barbie繼續黎明上身講爛 gag：「我嚟緊會上內地，應該會先拍劇，而今年書展就會出本書。（出寫真撼 o靚模？）我呢本唔可以叫寫真，因為本書係講公司嚟緊對我有咩計劃，而唔係寫我嘅真實生」係咪真實唔緊要，宅男最關注你係咪堅剝啫！
家興富豪飯局， Barbie最初話會靠自己搵錢，但兩秒後又轉軚，「如果個富豪又有錢又靚仔都 ok，最好似吳尊，你識唔識佢呀？介紹畀我吖！」
唔恨賺錢買樓
「我嘅祖先比我生性，一嚟香港就買晒啲細細間嘅屋仔，所以我哋屋企人每個都有物業，而我本身都有樓揸手，所以我嘅目標唔係置業！」
兜圈讚自己
「如果一個人有 3個優點：善良、聰明、有幽默感，呢個人一定唔會窮得去邊，你睇我就知啦！」
失戀亂使 30萬
「我好等錢使，因為我好大使！我試過失戀碌咗 30萬咭數，後尾好辛苦地搞掂。其實嗰啲係我嘅嫁妝，不過家嫁唔出，所以使晒都唔緊要啦！」
哈爾移動城堡
「我希望整一個 move得嘅星球，好似宮崎駿個哈爾移動城堡，入面嘅人做番自己嘅嘢，唔會排擠外來嘅人。美國連黑洞都造到，我個星球應該指日可待！」
騎呢突圍
除咗一把寸嘴， Barbie由參選港姐至落選後行為極之出位，不過唔搞 noise冇人識， Barbie果然啱食呢行飯喎！
放大圖片
婚事撻 Q
去年同會計師男友 Chen Min排咗期註冊，可惜拍拖 2年，埋門一腳先發現有三不合：「時機、性格同意見不合！」
放大圖片
挑戰娜姐
Barbie曾自爆主動接觸周秀娜經理人阿 Roy，不過對方對佢冇乜興趣，娜姐更公開講過「唔知邊個 Barbie！」
放大圖片
健身漏奶
由天后搬往屯門浪濤灣後，在新居會所兩度失手，先在泳池旁邊換衫走光，玩划艇機時再次唔小心露點。
放大圖片
劉華上身
與劉華同一間中學畢業的 Barbie，選亞姐期間被記者追訪時，忽然劉華上身：「 o殊！乖就唔好問，乖就唔好影！」
留言列表
