孤清搭飛機
一直坐喺行李車上嘅 Lucas，雖然成日周圍擰，不過冇扭計又冇跳上跳落，算好乖喇！
媽媽咪呀
拉姑偏心栢芝細仔　 Lucas失寵
2011年01月19日

復出短短半年已接拍多部電影的張栢芝，上月到內蒙拍《楊門女將之軍令如山》時墮馬受傷，不過回港小休後又立即返內地繼續拍攝，兩個仔想見阿媽一面都難。
阿爸阿媽忙住掘金，大少爺 Lucas（謝振軒）同二少 Quintus（謝振南）惟有靠嫲嫲婆婆睇住。
據知湊唔掂兩個孫的嫲嫲狄波拉選擇照顧只得 8個月的二少，而開始返學的 Lucas慘變小人球，一時由栢芝家姐戴碧芝或芝媽湊，一時就由工人搞掂。
本刊上週發現 Lucas由北京搭飛機返香港，同行的竟然只有栢芝經理人及化妝師。係就係有大把人睇住，不過 Lucas得嗰 3歲人仔，確係陰功豬囉！
忙住拍戲的栢芝，上週三（ 12日）由內蒙飛去北京出席內地時裝雜誌的頒獎禮，其間見到戴住橙色耳罩扮 cutie的台灣著名主持人蔡康永，掛仔掛到出面的栢芝即忍唔住話，「看見你這麼戴，好像看見了兒子一樣親！」


臨上保母車前， Lucas記得拎番自己件行李， 3歲人仔已經識照顧自己，又難怪霆鋒兩公婆咁放心交畀人湊嘅！
 
化妝師保母
本身幫 Angelababy、鄭伊健化妝嘅 Will Wong（左），亦係栢芝御用化妝師，經常一齊出 trip開工，估唔到佢捱義氣做埋客仔保母。
 
近排長駐內地拍戲嘅栢芝，獲內地粉絲送上自製「最佳媽媽證」，氹到栢芝四萬咁口。 
近排忙住宣傳新戲《新少林寺》，不過霆鋒上週五（ 14日）仍然抽時間返香港陪兩個仔。
 
接戲接到手軟嘅霆鋒，本月中以公司名義擲 130萬買入一部黑色 Range Rover，睇嚟 Lucas又有新車坐喇！


自己拖喼
開口埋口講個仔，原來栢芝靜雞雞安排 Lucas上京探班。兩母子難得見面，栢芝當晚完騷後即時返酒店湊仔，享受親子時間。但由於栢芝要趕回氣溫低至零下 40度的內蒙拍戲，於是將乖仔交托畀化妝師 Will Wong同經理人 Emily湊返港。
上週四（ 13日）下午， Lucas坐住行李車由化妝師推出機場，冇父母喺身邊的 Lucas非常精靈活潑，不時左扭右扭氹人笑，臨上車又識主動拎番自己個喼，相當乖巧，之後坐上車頭位直返舂坎角寓所。
Lucas太活躍
Lucas變人球，據知係因為嫲嫲拉姑偏心細佬 Quintus，「拉姑呢排好少湊 Lucas出街喇，佢話 Lucas家咁大個唔使佢理，仲嫌 Lucas活潑得滯搞到佢筋疲力竭，有時間寧願睇住個細嘅！佢仲話兩個孫太黐身，一定唔會湊返屋企！」
嫲嫲唔得閒理， Lucas近排多由栢芝娘家照顧。除芝媽外，栢芝家姐戴碧芝亦會幫手湊姨甥仔，有時更會帶 Lucas返屋企過夜，等 Lucas可以同表姐一齊玩解悶。霆鋒忙住四圍飛宣傳《新少林寺》，栢芝又將為王晶的《無價之寶》開工，睇嚟 Lucas繼續要做小人球喇。 
自從 Quintus出世後，因為佢肥嘟嘟任搓圓㩒扁，拉姑就開始偏心二少，去到邊都爭住抱。 
本刊喺 Boxing Day當日，發現 Lucas由姨媽戴碧芝照顧， Lucas仲幫手拎外賣，非常生性。
 
一度被拉姑嫌棄嘅芝媽，最近終於獲准湊孫，更帶 Lucas返教會聽佈道會。《忽然 1周》圖片

賺人仔唔湊仔
張栢芝由上年復出至今，已接拍黃百鳴的賀歲電影《最強囍事》、馬楚成的《極速天使》、陳勳奇執導的《楊門女將》及王晶月尾開拍的《無價之寶》。據知栢芝最新片酬高達 1千萬，即是短短半年已穩袋 4千萬！而現正忙於宣傳《新少林寺》的謝霆鋒，即將同周杰倫合作拍林超賢執導的《逆戰》。電影一部接一部，難怪冇時間湊仔啦！

張柏芝大兒子失寵變人球 狄波拉偏心只管二少

張柏芝謝霆鋒忙于賺錢，大少爺Lucas很少能見到親人
複出短短半年已接拍多部電影的張柏芝，上月到內蒙拍《楊門女將之軍令如山》時墮馬受傷，不過回香港小休後又立即返內地繼續拍攝，兩個兒子想見媽媽一面都難。

謝霆鋒張柏芝忙著賺錢，大少爺Lucas(謝振軒)同二少爺Qunitus惟有靠爺爺奶奶照看。據知照顧不過來兩個孫子的謝霆鋒母親狄波拉選擇照顧只有8個月的二少爺Qunitus，而開始上學的Lucas慘變人球，一時由張柏芝姐姐戴碧芝或張柏芝母親照顧，一時就由保姆照顧。

記者上周發現Lucas由北京搭飛機返回北京，同行的竟然只有張柏芝經紀人及化妝師。確實是有一堆人看著他，不過Lucas只有3歲卻沒有雙親貼身照顧，確實不妥！

arrow
arrow
    全站熱搜

    stacy4life 發表在 痞客邦 留言(0) 人氣()

    E-mail轉寄