我都鍾意飲咖啡！（真實對白）
徐子珊本週一於電視城拍完電視劇《法證先鋒 3》，就夜訪陳豪家一事雖然例牌唔認，但就表現甜絲絲，笑住話鍾意飲咖啡，令人超多遐想！
唐僧肉
摸黑送上門　徐子珊偷食筍盤豪
2011年01月19日

廖碧兒瞞住正印陳豪，偷嗒李澤楷表弟林忠豪，結束六年情，雖然最近有傳廖碧兒飛起失匙夾萬林忠豪，人財兩失，但陳豪超有風度，出口向傳媒求情，望記者手下留情，畀啲空間前度！
回復單身的 39歲陳豪，有學歷又靚仔，絕對係圈中筍盤，引死唔少女藝人。據知 31歲的徐子珊快人一步，主動出擊，有讀者上月 4號晚目擊貌似徐子珊戴住口罩，鬼鼠由陳豪調景嶺港鐵站上蓋都會駅住所離去。當事人徐子珊甜絲絲向記者暗示：「我鍾意飲咖啡！」有啲玄機喎！
去年 12月，廖碧兒被雜誌影到搭上有過億身家的林忠豪（ Alastair），火速於對方淺水灣道獨立屋過夜，一心釣金龜成功，狠飛陳豪，形象大插水，反而被撇的陳豪仲幫口向傳媒求情放過前度，即時成為圈中風度男。 
'08假情侶
08年台慶劇《家好月圓》中，徐子珊同陳豪飾演情侶，估唔到 3年後仲有下文！《壹週刊》圖片
 
新劇《法證先鋒 3》徐子珊要喺超凍天氣開拍，但佢仍春風滿面，同對手吳卓羲狂吹水，吳唱 K出名愛溝女，點及陳豪專一。

十點幾離開
高調被飛，陳豪啱啱回復一支公，有居於調景嶺都會駅同陳豪做鄰居的讀者就目擊，曾於 08年合作拍電視劇《溏心風暴之家好月圓》，同陳豪飾演情侶的徐子珊，夜麻麻離開陳豪位於都會駅的住所，因為徐子珊當時戴上口罩表現鬼鼠而引起鄰居的注意，目擊者說：「上個月 4號晚，大約晚黑 10點幾 11點，返屋企時見到徐子珊喺大廈大堂離開，可能佢怕人認出，所以戴住口罩，頭耷耷急步步出大堂，向停車場方面離開，雖然徐小姐戴住口罩，但係一睇就知係佢啦！佢好熟路，可能見我望住佢，所以一支箭咁走，驚死人認出佢咁！」
多人爭

筍盤陳豪甩拖，一眾女藝人流晒口水，早前佢拍新劇《心戰》就即與落選港姐 5-趙希洛傳緋聞，筍豪果然多人爭。
擒筍豪路線
去年 12月 4日晚上十點幾，有住客目擊徐子珊戴住口罩，一身便服從陳豪居住的調景嶺都會駅 10座大堂離開，雖然當時大堂都有唔少住客，但徐未有理會，急步鬼鼠去停車場攞車，超熟路，明顯唔係第一次夜訪。
06年 8月，陳豪以 368萬買入都會駅頂樓一單位，據讀者爆料：「平時陳豪會晨早落街跑步，我個菲傭同佢同打招呼，佢都好有禮貌回應。」

情敵同台

 夜會陳豪翌日， 12月 5日台慶頒獎禮陳豪同徐子珊同台，身旁嘅阿佘曾經力溝筍豪失敗，姣佘一定估唔到徐子珊呢隻黃雀在後。
扮傻詐唔識

問到子珊有冇去過都會駅搵陳豪，佢竟然話：「都會駅喺邊度嚟 o架？」其實佢除咗成日喺 TVB將軍澳電視城返工，細細個就住將軍澳居屋裕明苑，將軍澳地膽話唔知都會駅喺邊，冇人信喎！
前度塌奶
狠撇陳豪的廖碧兒，自從俾富二代林忠豪（小圖）公開劃清界線，上週一（ 10日）打回原形繼續拍處境劇《依家有喜》，見佢裝假狗扮大肚婆，原來的 35C咪咪唔通都好似佢心情咁耷晒？
情侶檔不再 


去年廖碧兒與陳豪、詹瑞文一齊為 Shiseido旗下 BIO-PERFORMANCE系列做代言人賣廣告，當時二人仲以情侶檔出席 function，二人拍住拖賺錢令人超妒忌，不過此情不再喇！有傳 Shiseido最近已將二人嘅情侶檔廣告抽起。
廣告冇影

記者去過 Shiseido專櫃問過，職員表示公司會定期轉廣告，所以唔清楚係咪廖碧兒狠撇陳豪，令形象差而抽起廣告。而本刊亦有致電 Shiseido公關部，至截稿前仍未聯絡上。
阿佘頂上


去年尾仲見到廖碧兒、陳豪同詹瑞文嘅 Shiseido廣告，不過自從搭上富二代林忠豪，廣告都唔見埋，由佘詩曼代言的抗皺系列頂上。
「有冇影到相先？」
據土地註冊處資料顯示，徐子珊離開嘅都會駅第 10座，頂層正正係陳豪住所。週一（ 17日）徐子珊於電視城同吳卓羲拍攝《法證先鋒 3》時，竟向記者話唔知都會駅喺邊：「吓？你喺邊度聽嚟？有冇影到相先，我同阿 Mo（陳豪英文名）只係同事，（有冇上都會駅搵佢？）梗係冇啦，都會駅喺邊度嚟 o架？」雖然死唔認夜訪陳豪，但問到有冇機會同筍盤發展，佢就甜絲絲：「我冇諗過，不過我都鍾意飲咖啡嘅！」咦？同陳豪啱 key識歎咖啡，撻着有幾奇？

 

徐子珊勾引單身陳豪 摸黑送上門慰籍新男友

陳豪回複單身後十分搶手，徐子珊更是先下手爲強
廖碧兒瞞著正式男友陳豪，暗地勾搭李澤楷表弟林忠豪，結束六年情，雖然最近有傳廖碧兒甩掉林忠豪，人財兩失，但陳豪超有風度，向傳媒求情，望記者手下留情，給點空間給前女友！

回複單身的39歲陳豪，有學曆又長得帥氣，絕對是圈中鑽石王老五，吸引不少女藝人。據知31歲的徐子珊快人一步，主動出擊，有讀者不久前目擊貌似徐子珊戴著口罩，鬼祟到陳豪所住的樓盤離去。當事人徐子珊還甜絲絲的向記者暗示：“我喜歡喝咖啡！”十分有玄機！

arrow
arrow
    全站熱搜

    stacy4life 發表在 痞客邦 留言(0) 人氣()

    E-mail轉寄