有錢好辦事！賭王女何超儀自資拍電影《維多利亞壹號》，奪西班牙影后兼打入荷里活市場，在影圈冒出頭，更花500萬捧好友麥浚龍（Juno）做男主角，開拍《復仇者之死》，可惜票房仆直，慘收80萬，有一半仲係派飛（贈券）。
最近，Juno再搵超儀投資新科幻動作片，但超儀見過鬼怕黑，今勻當然唔落疊，Juno惟有自己掟800萬捧自己。


何超儀投資拍電影《維多利亞壹號》，令浮沉影圈多年的她殺出一條血路，奪影后之餘，該片亦打開歐美及英國市場，加埋DVD收益，超儀800萬投資全數回本。
眼見血腥及變態戲種有可為，超儀雄心勃勃，再掟五百多萬投資拍《復仇者之死》。唔講唔知，原來《維》片變態殺手角色本屬Juno，最後Juno割愛，超儀有感欠他一個人情。所以當Juno落足嘴頭叫她投資拍《復》片，更拍心口唔收片酬時，超儀二話不說便科水。

累超儀蝕500萬
知情者話︰「《復》片Juno同導演黃精甫都冇收錢，佢哋對個劇本好有信心，諗住一定收得，有分紅先分錢。點知第一日票房得七萬，部戲仲要喺中國大陸唔上得，東南亞同歐美又唔賣埠，好在有個AV女主角蒼井空，喺日本同韓國先可以出DVD。套戲蝕到入肉，500萬投資費冇咗八八九九！所以Juno早排再搵超儀俾錢拍套動作新片，超儀梗係唔睬佢啦！」
超儀唔落疊，Juno惟有自組公司捧自己。據知Juno最近與陳自強合作開了電影公司「一間製作」，背後揼水的是Juno，但他卻向外聲稱是陳自強找他拍戲。今次他投資的科幻動作片，還未找到投資者，所以要先墊支800萬，然後再由陳自強出面搵投資者及傾賣埠。不過Juno有個中建電訊集團主席老竇（麥紹棠）撐腰，當然不愁資金。
就Juno投資開新戲，助手子良代回覆：「暫時係有套咁嘅戲，但部戲係陳自強負責，你都係問番電影公司好啲。」咁都得？記者惟有致電電影公司，但至截稿前又未獲回覆。

鬥變態核凸
何超儀投資的兩部電影《維多利亞壹號》及《復仇者之死》，有不少血淋淋的核凸場面，《維》片女主角超儀因買樓不斷殺人，而《復》的男主角Juno則因女友被差佬輪姦而復仇。

復仇者之死

維多利亞壹號


點解唔再開戲俾我？（設計對白）
你當我羊牯咩！（設計對白）


11月，Juno與陳自強在銅鑼灣「蠔吧」密斟，估計是談新戲合作。


《復》片中，何超儀用50萬重金禮聘日本AV女蒼井空坐鎮，但卻未能令此片票房起死回生。不過贏了口碑，唔算輸晒！


5月，《維》片宣傳時，Juno為超儀戮力宣傳。當時Juno已向她力sell拍《復仇者之死》。


輪姦
戲中蒼井空在差館中被差佬輪姦，Juno則破屈犯罪，認真無法無天。


自劏
Juno為復仇將差佬老婆劏肚取B，蒼井空為轉移警方視線，自行劏肚，場面恐怖。


插死
結尾一幕，Juno被一群小學生群起用鉛筆插死，非常變態。


劏肚
戲中殺人的場面很多，劏肚流腸，踩爆眼球及刀片頸，幕幕嚇人。


槍殺
Juno在《維》中亦有客串，被超儀槍殺，血流成河。


焗死大肚婆
大肚的葉璇被超儀用膠袋焗死，一屍兩命。

arrow
arrow
    全站熱搜
    創作者介紹
    創作者 stacy4life 的頭像
    stacy4life

    娛樂八掛大分享☆

    stacy4life 發表在 痞客邦 留言(0) 人氣()

    E-mail轉寄