與G.E.M.同樣被封巨肺的林欣彤，自9月在《超級巨星2》贏得冠軍後，身價似足樓價日日升，3個月已勁賺150萬，林欣彤除了買電腦、鋼琴獎勵自己，嚟緊仲密謀換大屋。
G.E.M.近日嘅聲勢看似唔夠林欣彤勁，查實她除了剛推出新碟《My Secret》外，密密現身活動的她，最近更爭贏林欣彤，以一百萬接拍美國Skechers波鞋硬照廣告，3個月狂賺295萬，拋離林欣彤。


出道2年、剛滿19歲的G.E.M.唱得又睇得，故一直人氣高企。但自9月《超級巨星2》爆出20歲的冠軍林欣彤，無綫即力撐她成樂壇小天后，幫她狂接活動、廣告。最近林欣彤更有份接拍邵氏電影《我愛HK開心萬歲》，令她3個月已狂搵150萬，G.E.M.聲勢明顯受威脅。

識冧高層
其實會扮金魚嘴夠晒cuite嘅G.E.M.一直不乏廣告商支持，近日她便一口氣接下3個代言廣告，當中美國品牌Skechers更不惜放棄林欣彤，花百萬與G.E.M.續約。知情人士說：「呢個品牌目標係十零廿歲嘅女仔，其實選角時真係有好幾個選擇，初時公司都有考慮過用30萬搵林欣彤，不過上次佢哋同G.E.M.合作過，CEO覺得佢好落力，出街反應又幾好，加上林欣彤仲係新，所以今次決定再用番佢。」
周一（20日）G.E.M.晨早9點未夠已到達拍攝現場準備，可能太早未瞓醒，G.E.M.大多都聽從攝影師要求去做，未見精靈。其間有工作人員叫外賣pizza當午餐時，G.E.M.更楚楚可憐咁話：「點解你哋個個都有得食，我就冇o架？」拍畢G.E.M.即衝埋pizza堆大啖大啖食。午餐過後G.E.M.開始回復本性，不時走來走去，見到品牌CEO到場，更自動自覺上前打招呼，十分識做。G.E.M.更愈影愈起勁，不時自創pose，其間她更擺出茶煲pose，更向CEO sell橋說：「Vincent，你將呢張相放喺紅隧口吖，一定個個人都望呀！如果你肯擺，我套套衫都擺呢個pose有咩所謂呀？一定worko架！」冧得CEO都哈哈大笑。雖然硬照影足13個鐘，不過G.E.M.未有呻攰，為擺動感pose更跳起40次，相當識做。

唔怕搶廣告
事後本刊記者問G.E.M.曾否擔心廣告被林欣彤搶去，她即滿有信心說：「唔擔心，我依家手頭上有嘅廣告，同我image好相近，而且大家都合作得好愉快。除咗拍廣告，我又做緊自己鍾意嘅音樂，好開心呀。（點睇林欣彤？）我有聽佢唱歌，都好欣賞佢o架！」而林欣彤本刊至截稿仍未獲回覆。

搵多一倍
出道只有3個月的林欣彤密密做搵150萬，原來G.E.M.喺3個月內搵多林欣彤一倍，所以收視率緊要之餘，客戶人緣都同樣重要o架！


想搶我啲客？好難喇！（設計對白）
拍攝Skechers廣告當日，G.E.M.非常落力，還自度茶煲pose。


我身價升得咁快，遲早實贏你！（設計對白）


G.E.M.一見品牌CEO Vicent，即識做自動埋身打招呼，仲不時sell新橋俾CEO，咁識撈，抵你冧莊啦！


G.E.M.狂跑狂跳半粒鐘營造動態效果，跑完真係喘晒氣，絕冇花假！


為咗廣告效果，G.E.M.做腳趾拱橋十分鐘，好彩近排佢有keep住排舞，否則呢啲高難度動作都幾難頂！


每個shot影完後，G.E.M.都會緊張睇playback，態度認真至留得住大客嘛！


G.E.M.
Neway、Maybeline及Skechers廣告共230萬
活動5萬x10=50萬
電影《借東西的小矮人亞莉亞蒂》主題曲15萬
合共：295萬


林欣彤
活動4萬5千x15=73萬
大新人壽及植村秀廣告60萬
電影《我愛HK開心萬歲》15萬
合共：148萬

arrow
arrow
    全站熱搜
    創作者介紹
    創作者 stacy4life 的頭像
    stacy4life

    娛樂八掛大分享☆

    stacy4life 發表在 痞客邦 留言(0) 人氣()

    E-mail轉寄