近年「靚聲」加「翻唱金曲」係賣碟保證，香港靚聲代表衛蘭(Janice)出道都係以翻唱老闆Leon嘅金曲食糊。
最近新加坡歌手Olivia Ong以Bossa Nova曲風，重新演繹多首經典英文金曲，熱賣台灣。估唔到在零宣傳下，更長踞本地HMV銷量榜數月，賣贏唔少本地歌手。
其中由Olivia自家創作嘅歌曲〈You and me〉除咗商台勁煲，仲成為咗港台兩地婚禮嘅熱播金曲。Olivia嘅外形歌聲同Janice一樣sweet爆，忽然變喜事之王，估佢唔到！


23歲嘅Olivia Ong（「Ong」於新加坡語為「Wong」），中文名叫王儷婷，17歲以三人女子跳舞組合「未來」唱J-pop出道。後來在日本經理人建議下，Olivia錄咗兩張Bossa Nova日本大碟，更被譽為「Jazz界女王」小野麗莎接班人，甚至係王若琳勁敵，但Olivia就話：「我覺得她(小野麗莎)的嗓音性感成熟，而我還是比較偏可愛一點。另外，我覺得老是拿我和王若琳做比較也比較牽強，因為我覺得我們沒有什麼相似的。」
09年Olivia被台灣唱片公司招攬，出咗兩隻Bossa Nova大碟，尤其今年年中推出嘅《Olivia夏夜晚風Live影音專輯》，收錄佢以Bossa Nova形式翻唱王菲嘅〈我願意〉和The Beatles等人嘅金曲。以甜聲唱舊歌，反而冧死一班二至三字頭嘅年輕歌迷，唔只在台灣、新加坡大賣，在香港亦好賣得。
以口水歌唱響名氣，Olivia與當年Janice嘅出道路線差唔多。樂迷覺得Olivia把靚聲夠溫柔，在台灣有唔少人喺婚禮播佢嘅歌，而近嚟香港就以佢首〈You and me〉揮低一拃老餅情歌，成為婚禮新寵，連YouTube熱播嘅求婚片《Bowie's Perfect Proposal》都用嚟做BGM。
「Olivia隻碟口碑好，我哋未做宣傳佢都已經喺HMV賣到上晒榜。（上月）20號喺香港個音樂會仲一早賣晒飛添！」其香港唱片發言人讚住話：「佢家準備緊新碟，未必會再唱Bossa Nova，今次佢會親自填詞寫歌，到時候會再嚟香港宣傳o架！」


Olivia嘅CD分別在HMV「Rock and Pop」（左圖）和「Jazz」（右圖）排行榜各有唔錯成績，職員Howard都話Olivia好賣：「佢把聲好甜，好多男仔都鍾意，試過播佢嘅歌，有人客聽完之後就買咗隻碟。佢隻碟出咗咁耐都可以一日賣出5隻，好多香港歌手出新碟都做唔到。」

港星齊撐
據Olivia的香港唱片公司發言人透露：「Olivia之前上電台做節目，撞到李治廷和陳奐仁，打完招呼，李治廷話：『原來你就係Olivia Ong呀！』」Olivia聲靚又唱得，當然有唔少人識貨啦！

金剛
「我喺台灣見過佢真人，好似個名門閨秀咁。佢唱歌幾好聽，聽得人好舒服。啱啱佢喺香港開音樂會，我仲介紹畀胡蓓蔚，叫佢嚟聽添！」

王菀之
「我知道佢係好靚聲，我喺HMV買碟都見過佢啲介紹，自己都好留意啲靚女聲。」

陳奐仁
「我十幾歲時真係識Olivia，當時我返part-time幫日本老細做嘢，咁啱佢簽咗Olivia入girl band，我哋就咁識咗。我不嬲都想同佢合作o架，佢份人好有passion、好可愛，佢把聲好親切，佢會畀到人親切感覺，好溫馨。我祝福佢好，亦希望佢嚟搵我合作，人哋家紅喇，公司有好多考慮，唔係我想就可以。」

攻勻3地
新加坡出生嘅Olivia和同鄉前輩孫燕姿一樣，離鄉別井到外地發圍，14歲起9年之間行勻2地，星途都頗崎嶇。

日
14歲時Olivia在雜誌上見日本經紀公司招募歌手，於是佢影大頭貼填表應徵而被取錄。「當時決賽去日本發展，其實家裏有點反對，父母給我的唯一條件是，在日本也要好好唸書。」

坡
07年Olivia回家鄉讀書，另外自組Bossa Nova樂團繼續唱歌，後來遭台灣華研唱片發掘再次單飛。

台
去年8月Olivia被安排上《超級星光大道5》做PK踢館選手，但被網友指佢「插隊」和出過碟冇資格去踢館。佢話：「畢竟出過唱片，上去『參賽』的感覺有點難受。」


Olivia Ong雖然係唱口水歌，但因為以Bossa Nova重新編曲，將金曲年輕化，不但台灣歌迷受落，亦受本港年輕Hi-Fi迷歡迎。台灣第 185 期 大乜週刊 圖片


上月20日，Olivia在九展Star Hall舉行《Olivia Ong Bitter Sweet音樂會》，佢着住白色Tube Dress晒腿，除咗唱英文及國語經典歌之外，仲唱咗林憶蓮嘅〈傷痕〉。《蘋果日報》圖片


09年Olivia加入華研唱片做S.H.E和林宥嘉師妹，一入門就立即被欽點做師兄林宥嘉嘅《林宥嘉2009迷宮香港演唱會》嘉賓。


Olivia人靚歌甜，在台港婚禮通殺。




HMV日賣5隻



Howard






Olivia（左）17歲以三人女子組合「未來（Mirai）」攻日，以J-pop和J-rock加舞蹈為主，組合3年玩完。


今年Olivia衣錦榮歸替新加坡大台「新傳媒」嘅劇集《小娘惹》唱主題曲〈如燕〉，亦係佢第一首國語歌。


Olivia在《星光5》中高分KO對手，但就引起「公憤」。

arrow
arrow
    全站熱搜
    創作者介紹
    創作者 stacy4life 的頭像
    stacy4life

    娛樂八掛大分享☆

    stacy4life 發表在 痞客邦 留言(0) 人氣()

    E-mail轉寄