闊太明星上岸恨生B，就算港女偶像徐子淇連生兩件都話想再努力造人，擺明有仔趁嫩生。
不過生仔其實講緣分，好似袁詠儀同陳慧琳咁，就算一索得男，據知仍頻頻幫襯中醫生仔聖手調理身體打好個生仔底。袁詠儀更說：「除咗人工方法外，我乜方法都試過。」恨追多件陪大B魔童。
老婆想有心生，老公張智霖都要加倍努力喎！


家陣生小朋友，養佢唔只要4百萬，就連生B之前亦一樣要做好準備，好似39歲袁靚靚同38歲嘅陳慧琳咁，生第一個就係仔，原來佢哋一早打好準備，靚靚戒煙戒蒲之餘，更搵定中醫聖手食中藥調理，打定個生仔底。

生仔度體溫
據知靚靚生咗魔童，一直想再追多件做伴，更密密幫襯有婦科聖手之稱的張琛女醫師。知情者說：「靚靚生之前都係睇佢，之後佢想追多件，就繼續搵張醫師調理身體，仲帶老公Chilam一齊睇，始終靚靚都差唔多40歲，要再生真係要快啦！」
早前本刊放蛇搵張醫師求生仔方法，張醫師就好純熟咁話：「如果想有孕，每日都要度體溫，度到體溫最高嗰日計，打後嗰一星期交合就最易有BB。」張醫生更表示要對症下藥調理好身體先開始懷孕對BB最好，又話：「如果想生仔機率高，就要同老公一齊調理啦！」一副生仔專家口脗，不過問到佢有乜名人幫襯時，只微笑唔肯露半句口風。
張琛醫師唔肯講，只因佢收費唔平但仍星客不絕，甚至連未結婚嘅鄭伊健同女友蒙嘉慧都係佢客仔。一索得魔童嘅靚靚袁詠儀都說：「我一向都有做開身體檢查，我家未有（孕）住，都希望承你貴言，除咗人工方法之外，我乜方法都試過，例如食療同中醫咁，係自然嘅方法就ok喇！」

靚女名醫
出名醫得又睇得嘅中醫師張琛除咗間中有上電視講吓藥理外，更出於醫學世家，既是香港大學中醫全科醫生，亦有於國內中醫醫院持續深造，更勁嘅係佢祖先原來係清末御醫，仲係上海松江區衛生院院長，有江南神醫之稱。

明星客仔密密睇
靚女中醫張琛嘅客仔除咗袁詠儀，據知仲有同是一索得男嘅陳慧琳兩公婆，連林珊珊都搵張醫師做過訪問，唔知細佬林曉峰生兩名乖仔關唔關張醫師事呢？

陳慧琳蝦餃仔都睇
出親活動都仔不離口嘅陳慧琳，生蝦餃仔（劉昇）前至現在都有搵張醫師調理身體，據知連肥肥白白嘅蝦餃仔都係食張醫師嘅療方大。

蒙嘉慧睇定入門
喺經理人林珊珊介紹，開始睇張琛嘅鄭伊健同女友蒙嘉慧，據知蒙嘉慧因為拍劇辛苦搞到身體差，所以要搵張醫師出手，雖然唔關生仔事，不過執靚副偈，嫁入伊門都隨時ready造B啦！

梁芷珊幫手出書
07年bma幫張醫師出過一本《御醫女》，理所當然bma老闆娘梁芷珊都成為佢客人啦，據知，梁芷珊生完乖女Eily後，都係搵張醫生調理。

林珊珊病後調理
06年患上子宮纖維瘤進行微創手術嘅林珊珊，病後十分重視保健，仲經常到張醫師的「藥妍坊」覆診，用中藥搞番靚副偈！


自然方法就ok喇！(真實對白)
靚靚早前盛傳有咗，記者上前恭喜靚靚有身孕，大方嘅佢就話：「我都想但仲未有，希望承你貴言。」


想再追
經常魔童不離手嘅張智霖同靚靚，從來唔怕被傳媒影到。


龍躉再現
今年9月，本刊影到便裝出巡嘅靚靚自06年生魔童後又突然巨躉再現，似乎想儲肥再生多件陪乖仔喎！



$950起表
張醫師實屬中產收費，基本由$950起，埋單時診所姑娘仲好sell得，將套餐介紹，起餐點為$2,656，30日基本中藥療程。


每劑中藥有多達10多種藥材，代煲藥盛惠50大元，唔算太貴！





arrow
arrow
    全站熱搜
    創作者介紹
    創作者 stacy4life 的頭像
    stacy4life

    娛樂八掛大分享☆

    stacy4life 發表在 痞客邦 留言(0) 人氣()

    E-mail轉寄