方力申與Stephy鄧麗欣，上月被踢爆拍拖遊馬爾代夫後即默認戀情，但兩人堅稱未婚。雖則未婚但早已一家親，上周二（23日）小方與父親便帶Stephy遠赴北京，探望住在北京的小方外公和外婆，關係升級。
原來小方明年農曆新年要開工，所以趁有幾日空檔，即帶Stephy返老家向長輩拜個早年，Stephy仲收到未來外公外婆封大利是。過完三日兩夜家庭樂，上周四（25日）小方和Stephy回港時在北京機場被記者撞破，更罕有地大方任影，非常甜蜜。


自今年10月在雲南以情侶檔拍完《風雨桃花陣》回港後，方力申和Stephy即把握機會休息，只係閒時出席公開活動。12月初小方將要到內地拍《大唐雙龍傳》三個多月。即將與女友小別的小方就夾啱時間，上周二（23日）孖埋父親返北京探親，提早拜年。

探親兼利是
據知一向理財有道的小方，早於11月初已買定經濟艙機票。三人上周二（11月23日）到達北京後，先到老家探望外公外婆及其他長輩。知情者說：「小方近年咁忙，都有年幾冇返去探親，難得有幾日空檔，咪帶埋Stephy返去囉！公公婆婆之前都有見過Stephy，一早當佢係一家人啦！不過今次提早拜年意義重大，老人家當正Stephy係孫新抱，仲俾定新年封大利是佢㖭！」
據知Stephy甚得老人家歡心，雖然Stephy唔多出聲，不過人前人後都充滿笑容，又識尊重老人家，成個小方背後女人一樣，班親戚個個都對Stephy有讚冇彈。

帶Stephy搵名畫家畫人像
家庭聚會後翌日（24日），Stephy與國內當代藝術家祈志龍會面，「近年小方都有買賣名畫賺錢，Stephy跟咗小方咁耐，亦開始對畫有興趣。今年6月北京畫家祈志龍嚟香港同方父見面，小方介紹咗Stephy俾佢識。後來祈志龍話想搵Stephy做佢模特兒，畫啲人像畫。今次難得去北京，小方咪約祈志龍幫Stephy畫畫囉！佢哋嗰日用咗全日去畫，方父都有跟埋去睇，Stephy見到自己嘅人像畫不知幾開心，仲話勁靚。不過啲畫就要留喺北京，Stephy惟有用電話影低留念。」
三日北京之旅話咁快就結束，上周四（25日）小方與Stephy、方父齊齊坐夜機返港。在北京機場Check in期間雖被記者撞破好事，不過三人未有因此黑面，小方與Stephy更大方回應到北京畫畫一事：「我哋搵咗北京一線畫家祈志龍幫佢（Stephy）畫畫，人哋一張畫賣幾百萬o架。」其間小方更主動拿出Stephy的iphone，向記者展示Stephy的人像畫，而Stephy亦唯命是從，十足小方老婆！


方氏一家親
方力申、方父和Stephy的三日兩夜北京行全程有講有笑，而Stephy更樂做小方背後的女人。


上周六（27日）小方拒絕透露更多有關北京之旅內情，更同記者講：「我依家咩都唔講住，等你哋出咗書我至喺微博講啦！」


共用一喼
上周四（25日），北京氣溫只得2度，小方回程上機前就除低大褸，叫Stephy幫手放入喼。二人用一喼，關係不言而喻。


小方一向家庭觀念好重，俾記者影過唔少家庭飯局相，與母親（中）關係甚好。


大頭人像畫
據知北京畫家祈志龍花了一天，為Stephy畫了3幅畫，而這幅大頭畫是祈志龍最滿意的一幅。


半身人像畫
Stephy說最喜歡這張半身人像畫，難怪她放上微博啦！


甜蜜騷相
小方拿着Stephy iPhone，將Stephy的畫騷俾記者睇，非常大方，而Stephy就冇出聲任小方指揮。


機艙各自各
在機艙內，小方和Stephy因記者在場而隔開坐，小方玩ipad睇書解悶，Stephy就閉目養神。


緊貼左右
返到香港，小方好有風度地推行李車，而Stephy就跟在小方身邊，甚有默契。


同車返家
之後小方與Stephy乘搭同一架保母車返家，去到碧荔道美琳苑，Stephy先落車，但行李就留低俾小方帶返屋企。


住正對面屋
放低Stephy後，小方立即返到對面街的獨立屋，車程唔使10秒！

arrow
arrow
    全站熱搜

    stacy4life 發表在 痞客邦 留言(0) 人氣()

    E-mail轉寄