11月 23日返橫店開工陳嘉桓返港兩天，處理咗遭陳浩民及馬德鐘抽水事件， 23日即要趕返橫店完成戲份，風塵僕僕。

19歲的嫩口宅男女神陳嘉桓，上周五（ 11月 18日）橫店收工後，跟隨洪天明與馬德鐘及陳浩民消夜，遭兩餓男擒啜兼上下其手，狎玩足足兩小時。
照片曝光後，陳嘉桓經理人冼國林震怒，周二下午即為陳嘉桓報警，更召開記招譴責兩餓狼獸行。連日來，馬德鐘在微博發功，不但將攬啜演變成「安慰」舉動，更有傳他會轉做污點證人篤死陳浩民。
不過，本刊收到消息，原來當晚在場的洪天明，原來是另一男主角。據知洪天明與陳嘉桓暗交四個月，表面以「兄妹」相稱，其實晚晚黐實夜蒲。可惜陳嘉桓所託非人，以為跟住洪天明可以玩得安心，卻未料男友兩個老死會獸性大發。

陳嘉桓受辱事件曝光後，其經理人冼國林即代出頭，找律師採取法律行動。周一（ 11月 21日） Rose（陳嘉桓）被急召返港，翌日開記招兼報案。記招中，她痛斥陳浩民及馬德鐘︰「兩位前輩有幸福家庭，我以為佢 哋會當我小妹妹看待，但點知佢哋變 咗另外一個人，我反應唔到……」
傳媒質疑她當時為何唔反抗及先行離開時，她強調︰「我有反抗，但反應唔切，佢 哋係我信任的人……我人生路不熟，唔知點離開。」又話：「洪天明係信得過 嘅人……因為我要同天明一齊走……」陳嘉桓口中所指可信任的洪天明，其實與她暗交四個月，近日齊齊在橫店拍戲，戲棚內外都出雙入對。



為阻截記者埋身訪問，女經理人安排一名空姐全程為陳嘉桓擋駕，記者甫舉機已被趕走。

機場特別開放休息室予陳嘉桓候機，其間面容憔悴的她，攰到差啲瞓着。

香港夜店狂歡

明年三月將與女友周家蔚拉埋天窗的洪天明，一向是圈中蒲精。據知大約四個月前，兩人因拍《獎門人》認識，迅速打得火熱，而洪天明更背住準新娘周家蔚，不時邀陳嘉桓到他有份投資的夜場 Basement狂歡。
知情者話︰「天明同班 friend話當 Rose係妹咁，但佢 哋 嘅舉動真係好親熱，不但拖手攬頭攬頸，有時飲大兩杯，個頭仲黐到好埋。而 Rose亦因為成日落去 Basement，識埋陳浩民，因為陳亦係老闆之一。但有洪天明 喺度，個個都識做唔會埋 Rose身。」



事發後翌日，陳嘉桓在微博將消夜前的食飯相轉發，更加上笑哈哈圖案，因此被網友寸爆為何仍有心情轉發微博！

狎玩兩小時上周六凌晨陳浩民對陳嘉桓粗暴掩嘴、強吻又上下其手，陳流露痛苦表情，女方於是向馬德鐘求救。

馬德鐘借勢安撫，將陳攬入懷，由額頭錫到落頸，兩男輪狎達兩小時。

好嘢梗係我食先！（設計對白）

片場黐頭芒

今次陳嘉桓遭兩男輪流狎玩，間接因洪天明而起。洪天明與陳嘉桓在橫店拍攝王晶新戲《笑功震武林》，兩人人前人後都以兄妹相稱，放工亦如黐頭芒，形影不離。《笑》片曾志偉有份主演，而洪天明又與志偉熟落，在其穿針引線下，陳嘉桓亦成為主角之一。劇組人員爆料：「天明對 Rose好好，可謂照顧周到，佢 哋 喺片場成日細聲講大聲笑，眉來眼去，天明有時仲會拖住 Rose隻手㖭！」
據知兩人連續幾晚都到串燒店消夜，而馬德鐘及陳浩民亦是鐵膽之一。「其實佢 哋去 咗好多晚，根本班人晚晚都飲醉玩到癲。 Rose跟實洪天明蒲咗咁多晚都冇事，戒心當然冇咁大，而發生事 嗰晚佢哋仲一晚走足三場，先去晚飯再落卡拉 OK，洪天明先醉到不省人事，癱 咗 喺張 枱度，陳浩民至敢膽粗粗埋身搞個女仔 啫！個女仔走 嗰陣仲俾馬德鐘幫佢 着褸，唔覺得佢 哋好唔熟。」



今年 7月，陳嘉桓被邀拍攝《獎門人》，當時周家蔚及洪天明都在場。

周家蔚驚愕：兩次合作就拖手！

就準老公與陳嘉桓發展「兄妹情」一事，求證準新娘周家蔚，佢話洪天明口中從未提過陳嘉桓，但卻難掩醋意，不停以「個女仔」稱呼陳嘉桓，更宣示未婚妻正印地位！
記：陳浩民、馬德鐘攬啜陳嘉桓，洪天明被指護花不力，你點睇？
周：據我所知當晚唔係天明叫個女仔去，係之前佢哋兩晚已經一齊食飯，依家個責任要佢孭，佢好唔開心！
記：有周刊爆天明曾打電話教陳嘉桓講大話喎。
周：以我所知天明有打俾嗰邊，但唔係直接打俾個女仔，只係用求情方式叫佢哋俾次機會，唔好搞大件事！
記：天明黐埋陳浩民度，怕唔怕學壞？
周：要壞一早壞！咁耐以嚟我都只係見過陳浩民兩次啫。天明都話過陳浩民飲大咗會好熱情，連男人都咀！男人應酬我明嘅，但都提醒佢要就住自己酒量。
記：知唔知天明同陳嘉桓嘅關係好密切，有劇組爆佢哋兄妹相稱，仲拖手㖭！
周：兩次合作就拖手，咁佢哋都幾好感情喎！我就唔知佢哋咁熟（聲音提高八度），之前合作《獎門人》同個女仔見過，但從來冇聽天明提起佢半句，佢哋今次合作我都唔知！（突然又轉口氣補鑊）不過天明係好細心，好識照顧人嘅男仔！
記：有人喺 basement見到佢哋好親暱，攬頭攬頸！
周：邊度話？ Basement？冇可能！我成日落去，冇理由唔知？如果件事係真，我唔會接受！但都係人哋話啫！我選擇相信佢，咩兄妹吖，我係佢未婚妻，佢好愛我！




兩人本來今年六條一結婚，但因為要就洪天明拍戲，婚期改為下年三月，但兩人就預先影婚紗照。

夾定口供

陳嘉桓遭狎玩照片曝光後，經理人冼國林誓要追究到底，但苦主陳嘉桓卻因此事弄至心力交瘁。而洪天明曾致電陳嘉桓，夾定口供，想息事寧人。洪天明唔想事情搞大，最重要是怕與陳嘉桓的親密關係曝光。
其實陳嘉桓在照片曝光後不知所措，還未回魂，已經被經理人鬧爆。夾在經理人公司及洪天明之間，陳嘉桓飽受壓力，連日來徹夜痛哭弄至失眠，面容殘爆，眼圈勁深。
周三下午三時許，陳嘉桓由女經理人陪同下，飛返橫店繼續拍戲。當日所見，瘦了一圈的陳嘉桓，面色蒼白。記者埋身訪問，問到心情如何時，陳氣若游絲說︰「我晚晚失眠， 瞓得兩、三個鐘咋！」問到係咪成晚喊？她點頭默認。記者再問她與洪天明關係時，女經理人即時上前擋駕，示意陳嘉桓收口，並說︰「佢要講都講晒！你 哋俾 啲空間佢啦。佢依家冇 嘢好講！」然後急急拉開陳嘉桓。



07年陳浩民與馬德鐘被周刊指輪上阿佘香閨，而兩人亦經常孖住外蒲。《壹週刊》圖片

近年，馬德鐘積極洗底，不時一家人出席活動，建立好男人形象。可惜今次事件一鋪打殘佢！

陳浩民與大陸模特兒出身的蔣麗莎今年七月奉子成婚，他更安排老婆來港生仔，並入住昔日與阿佘的大坑舊愛巢。

浩民嫂微博撐老公

11月 23日，浩民嫂在微博撐老公，大部分網友插佢盲目，但亦有小部分人支持佢。



突然轉口風

女主角封口，而淫亂新章的男主角洪天明亦玩失蹤。本刊多次致電他，其電話卻轉駁留言信箱。至於洪天明的未婚妻周家蔚，對準老公與陳嘉桓這段「兄妹情」全不知曉。不過，回應中卻不忘宣示「未婚妻」主權，並暗寸當晚並非洪天明邀請她應酬，而是女方跟住去。
狎玩照片曝光後，洪天明首次回應事件時亦表示當時大家純粹嬉戲︰「迷糊印象中，浩民玩食羊鞭，問 Rose食唔食？但 Rose覺得好核突好驚。浩民就咬住羊鞭哄埋去要佢食，先至有錯覺係錫佢 啫！（有冇見到攬？）係扶 嘅動作！以我所知浩民真係玩咋！」



《獎門人》撻着後， 9月洪天明與陳嘉桓再合作葉念琛的《猛鬼愛情故事》，於十月上映。

洪天明與陳浩民都是 Basement的股東之一，洪更不時落場劈到啤啤夫！《壹週刊》圖片

馬德鐘兩發微博馬德鐘兩發微博，本來想獨善其身，但換來網民及王晶圍插，認真捉蟲！

發聲明陳嘉桓於記招上指馬德鐘「變了另一個人」，翌日，馬即發聲明反擊，指會保留追究權利。

律師經理人傍實記招發言後，陳嘉桓對外封口，並在微博發言，着大家給予她空間。


王晶寸爆兩餓狼《笑功震武林》導演王晶，先寸陳浩民如「公車非禮女學生的色狼」，後再寸馬德鐘「賣友求榮」及「榮任鑽石冇義氣大獎！」認真大快人心。

突然一轉口風

之後天明見全城鬧爆，惟有轉口風，企圖置身事外︰「我 嗰晚醉得好緊要，佢 哋食 嘢我真係唔知。我明白其他人睇到相後，都會覺得佢 哋好過分，但都希望冼師傅原諒。」
洪天明的態度，令陳嘉桓心淡。「阿 Rose好傻，以為天明對佢 嚟真，但呢件事發生後，佢覺得天明只係掛住自保，對呢個男人徹底失望。加上呢件事她俾經理人鬧得好犀利，情緒極度低落。
除了洪天明外，傳近日有勢力人士亦開始介入，打算擺平事件，陳嘉桓亦默認：「有人叫我收聲。」而其經理人冼國林亦話︰「係有唔同界別 嘅人聯絡過我，好多都有頭有面。但暫時還未有解決方案，事件已交俾律師處理。」
至於陳浩民及馬德鐘兩位餓男，亦搞到一身蟻。事發後馬德鐘在微博兩次發功，又話會捐錢俾東華三院，又將攬啜行為變為「安慰」，話後悔當時沒阻止陳浩民不當行為。獨善其身言論出街後，即時被《笑功震武林》的導演王晶寸爆，指他「賣友求榮」，而各方網友亦圍插，嚇得馬德鐘要急急將微博刪掉。
不過， G4出身的馬德鐘，當然不會坐以待斃。微博發功失敗後，他又再出招。有傳他為表清白，有機會轉做污點證人。而記者問陳嘉桓律師是否一次過告兩個人時，他亦有保留話︰「呢個容後再決定……依家仲未知係咪一次過告兩個。邊個係證人，邊個係被告都未知。」 11月 23日，馬德鐘更向傳媒發聲明，強調自己清白，並 着傳媒小心報道。

一日跑四場

 



3:00pm開記招22日，素顏的陳嘉桓為遭狎玩事件召開記者會，她力斥陳浩民同馬德鐘事發時卻變成了另一個人，更話自己唔識保護自己。

3:30pm觀塘警署記招後，陳嘉桓與經理人及多位黑人保鑣到觀塘警署報警。

4:45pm將軍澳警署到達觀塘警署後的陳嘉桓，未幾竟被警車送到將軍澳警署繼續落口供，記者亦聞風趕至。

11:00pm返公司做訪問報警至深夜，陳嘉桓依然未有氣唞，最後還返公司為何麗全的 now做訪問，直至凌晨時份，真係辛苦晒！

浩民嫂撐老公

陳浩民之前在微博發表完「好客」及「帶眼識人」的言論後，不但被網友鬧爆兼形象插水，據知連即將臨盆的老婆蔣麗莎，亦大受打擊。陳浩民被圍剿後，才知衰道歉，急急返港向老婆補鑊，更於本周四召開記招，親自交代事件。
雖然浩民嫂在微博力撐老公，但其實她擔心不已。知情者說：「陳浩民搞出個大頭佛後，已經急召香港的朋友幫手睇住老婆。但由於陳嘉桓已報警，浩民嫂真係好擔心，怕老公會捲入官非，對外更死撐有人借佢老公炒作新聞，有苦自己知。」老公獸性大發，做老婆的要力撐到底，而另一個即將要解畫的男主角洪天明，應該仲頭痕！



阿嬌在微博力撐師妹陳嘉桓，更暗指某某已經唔係第一次（抽水），去年阿嬌亦與陳浩民拍攝內地劇《大唐女巡按》飾演情侶，「某某」呼之欲出。

翻雲覆雨兩兄弟

42歲的陳浩民和 43歲嘅馬德鐘，餓狼資歷相當深，這對沙煲兄弟更口味一致，除擅長北上獵艷外，更試過和佘詩曼搭上。兩兄弟亦面皮成呎厚，同時間出席阿佘的生日 P，震驚娛樂界。


搞掂阿佘
陳浩民 00年成功溝掂阿佘，更搬埋同居於一幢大廈的上下層， 02年網上更瘋傳二人情慾對話，非常露骨。二人拍拖五年後分手收場，不過錢照搵， 07年就齊齊接拍大陸劇《帶我飛帶我走》，照嘴可也。



台灣《壹週刊》圖片

夜嘴台妹
陳浩民被阿佘狠飛後，新女日日車輪轉， 07年就被拍得與台灣奀星連靜雯夜蒲唱 K後當街咀嘴。


滾埋國貨
去年聖誕節，陳浩民就帶住內地女星張檬到北角打邊爐，之後二人就滾埋返屋企。


辣㷫阿佘
高大威猛的人夫馬德鐘， 08年赴中山拍《東山飄雨西關晴》時，和阿佘朝夕相對之下爆出春情，二人在片場經常黐到實。


舞出愛火
馬德鐘 07年到湖南參加《舞動奇跡》期間，本刊就拍得湖南日報編輯親自駕着平治房車，載他晚膳，關係非淺。

arrow
arrow
    文章標籤
    陳嘉桓 洪天明 天明 rose 警署 老公 事件 未婚妻 曝光 口供 兄妹 本刊 老婆 消夜 pm 今次 兄妹情
    全站熱搜
    創作者介紹
    創作者 stacy4life 的頭像
    stacy4life

    娛樂八掛大分享☆

    stacy4life 發表在 痞客邦 留言(0) 人氣()

    E-mail轉寄