大封面

16歲模謝芷蕙(Cammi)與陳冠希一啜成名,連日頻頻出來「獻世」的她,一時稱冇咗第一次,一時話自己仍是處女,求仁得仁,日日見報。至於再一次衰影鹹濕相的陳冠希,則要龜縮避走溫哥華,睇怕有排唔使旨意返香港。

情場老手陳冠希竟然栽在一個16歲妹手上,相信冇人會估到,但更估唔到的是,原來圈中亦有一男星中伏,此人正是在十條一(本周五)與陳自瑤(YoYo)結婚的王浩信。

本刊收到消息,王浩信在八月一個生日會中,中第一次見面的Cammi,更瞞住女友陳自瑤,不止一次帶Cammi返屋企偷食。二人幽會期間,更試過遭提早返家的陳自瑤撞破,王浩信惟有急急認錯兼求婚補鑊。

原本臭屎密冚,可惜Cammi地雷連環爆,偷食男逐個浮面。盛傳有餡兩個月的陳自瑤,對本刊激動說:「我知佢(Cammi)上過屋企,我係有嬲佢哋……」

左閃右縮

對於準老公婚前偷食,着鬆身衫的陳自瑤周二(8日)回應時雖表現堅強,堅稱男友已把事情始末向她報告,不過她回應期間不時左顧右盼,又怒斥Cammi:「個女仔有咁多相流出,咁多版本,佢又可唔可信呢?」唉,明嘅,女人最痛算這種。但願過到呢種試煉後,兩人的愛得到昇華。

派對搞上

王浩信和Cammi於8月初在阿叻旗下新人蔚雨芯的生日party上認識,據知同場還有狄易達、沈志明,其間王中Cammi,收歸為「散餐」朋友。

 

陳冠希貪圖模嫩口幼齒,可惜偏偏踩着屎。遭年僅16歲的Cammi一招遺失手機擺上枱,濕吻慾照大公開。豈料食女食着山埃的原來唔止陳冠希一人,還有周五(11日)迎娶大肚陳自瑤的王浩信。據知,今年八月,王浩信與Cammi在阿叻旗下新女蔚雨芯的生日派對上初次認識。縱使未上妝的Cammi似十足形象設計師NelNel,但「易容」後的她如笠了女神baby面具,加上一對纖瘦長腿,輕易將王浩信征服。據當晚有份參加party的人透露:「Vincent(王浩信洋名)嗰晚遲嚟,原本坐埋一邊同狄易達飲酒猜枚,點知Cammi主動坐埋嚟,話想同Vincent影相,之後仲交換咗電話。」

陳自瑤撞破男友偷食

翌日,王浩信即向Cammi發動sms和電話攻勢,約女方到他位於維景灣畔的住所短聚偷歡,更試過半夜到女方秀茂坪屋企樓下接她返家過夜,事後王浩信曾私下向友人自爆曾偷嗒Cammi。8月尾,王浩信趁女友陳自瑤離港工作,再次約Cammi上寓所「開餐」,點知卻遭突然早一日返港的陳自瑤撞破。陳身邊好友透露:「YoYo喊住同我哋講,話嗰晚返到屋企,一開門見到Vincent同個女仔(Cammi)喺廳入面。YoYo即刻質問Vincent,Vincent就好緊張解釋話屋企搞緊party,仲有其他朋友上緊嚟。YoYo即喊住一輪嘴狂鬧佢兩個,鬧Vincent當佢係白癡,仲趕走埋個女仔。」據知,遭陳自瑤鬧走後,Cammi當晚漏夜上萬寧哥哥沈志明家中哭訴。周二(8日),本刊求證萬寧哥哥,他亦承認Cammi曾對他透露,當晚在王浩信家中的確被陳自瑤撞破「好事」。陳自瑤撞破男友偷食後,一度與對方分手,更搬離愛巢。但至九月尾,驚覺自己有餡的她,局住與經手人王浩信商量,王遂向女友求婚,又承諾不會再出軌,二人和好如初。在上月中,王浩信在自己有份參演的舞台劇《辛辣人妻》上當眾求婚,甚有face的陳自瑤,將所有不快事都忘記得一乾二淨。

 

Cammi不止一次踩上王浩信跟陳自瑤同居的維景灣畔愛巢,為免女友「觸景傷情」,王浩信近日已搬往領峯居住。

求婚搞花臣

王浩信演出舞台劇《辛辣人妻》尾場時,忽然搞花臣當眾下跪向陳自瑤求婚,哄動全場。

甜蜜曬婚戒

答應求婚的陳自瑤,在男友完騷後,於後台向傳媒甜蜜騷婚戒。

奉子成婚

二人突然傳出婚訊,有指陳自瑤已身懷王浩信B兩個月,而YoYo的朋友如陳敏之,更在微博留言暗示她有喜,並送上祝福。

愁住開工

本周二(8日),回應記者後,陳自瑤照常為新劇《東西宮略》於荔枝角公園開工,心情受影響的她,鏡頭後表現愁眉不展,又經常拎着電話傳短訊。

陳:我知個女仔有上屋企

周二(8日),有餡兩個月的陳自瑤,着上鬆身衫繼續返電視城拍新劇《東西宮略》,她口震震承認Cammi有上過家中,更曾為此事嬲過。陳自瑤:陳 記者:記記:你知唔知Cammi上過王浩信屋企?陳(緊張地抿嘴):我知個女仔有上過去,係一次咁多啫……嗰晚佢哋成班人開party,Vincent有同我講過呢件事。記:我哋知道你喺王浩信屋企見過Cammi,你哋仲嘈過?陳(唞完大氣問非所答):……佢哋開party嗰晚,我好似唔喺香港!記:萬寧哥哥承認,話Cammi哭訴你鬧走佢?陳(眼神閃爍):其實Vincent有同我講整件事,我係有嬲佢哋。我未見過咁主動嘅女仔,同埋……我選擇相信浩信。

Cammi:上過唔止一次

周三(9日),搞到滿城風雨的Cammi,冇返學卻有心情陪父母到藍田飲茶。對於曾上王浩信屋企偷食,她最初避而不談,但當記者指萬寧哥哥已向本刊承認有此事時,她即扁扁嘴不斷重複表示「只係傾吓偈」,此外她更爆出不止一次上過王浩信寓所,並非陳自瑤所講的「一次咁多」。 Cammi:C 記者:記 記:萬寧哥哥同我哋講,你搵佢傾同王浩信嘅感情問題喎。C(睩大眼):佢有同你哋講?……我唔想再講感情嘢!記:係咪上過王浩信屋企,佢仲灌你飲紅酒?C(嘟嘴):係有上過去幾次。佢屋企有好多紅酒,不過次次係佢飲,我冇飲。總之我哋傾偈啫,我哋只係傾偈囉。記:你哋次次都喺屋企單獨見面?C:……唔記得啦!記:有冇見過佢女友陳自瑤?佢有冇鬧你?C:(猶豫,繼而沉默數秒)唔講啦,唔方便講。



跟王浩信確定11年11月11日11時11分結婚,待嫁姑娘陳自瑤,於周一(7日)揀選婚宴用的首飾時依然心事重重,男友於婚前被爆風流帳,確實點滴在心頭。

王浩信主動解畫

記者亦曾多次致電王浩信,惟一直未獲回覆,至截稿前一刻,他才主動聯絡記者解畫。對於偷嗒Cammi,他說:「呢個女仔成日主動出擊,願者上釣,我今次俾佢利用,相信嚟緊仲有ABCD君出現囉。」把持得住,又點會俾人利用吖!

停課嘆茶

在嘆茶期間,Cammi爸爸忽然主動對記者友善表示:「仲未影完咩?」反之Cammi媽則以頸巾蒙頭,避開鏡頭。

分手三次 修成正果

08年初,陳自瑤跟王浩信因合作《野蠻奶奶大戰戈師奶》而邂逅,雖然無對手戲,但因不時出席演員聚會、打羽毛球而熟落。女方和舊愛蔡淇俊分手後,王浩信展開追求,兼火速同居,遭雜誌拍到同車相後,二人戀情浮面。10年12月,YoYo因男友性格愛蒲愛玩而吵大鑊,YoYo執包袱搬離愛巢。事後男方發過千短訊箍煲,唔夠兩星期已掂女友返屋企,二人更被影到帶狗睇獸醫。今年2月,有指兩人復合不久又再冷戰,更被雜誌拍到YoYo再次離家出走,搬往大角咀必發街一單位。及至6月,兩人在愛巢被斷正肉搏72小時。今年9月,陳自瑤在家中撞破男友偷食Cammi,盛怒下搬離愛巢,及後驚覺自己有餡,幾經波折,最終與王浩信結婚。



陳自瑤與王浩信拍拖三年以來,兩人性格同樣火爆,曾多次傳出吵大鑊,分完又合的兩人終於雨過天青,在本周五(11日)結婚。可惜在大婚前夕,爆出王曾偷食Cammi。

萬寧哥哥獨家剖白「Cammi手段很厲害。」

早前被Cammi拖落水,指霸王硬上弓的萬寧哥哥沈志明,為怕事件愈鬧愈大,一直啞忍硬食。隨着女方近日因鬧出「慾照事件」,經本刊再三努力遊說,萬寧哥哥終於打破沉默,力證Cammi年紀雖小,不過黐男星上位已玩到出神入化。記:記者 沈:沈志明記:Cammi之前話你夾硬嚟 ,件事係點?沈:(普通話答)我們在一個party上認識,是她先跟我要手機號碼,之後我們就短訊聯絡,想不到她年紀那麼小,手段已經很厲害。記:點解佢會被人影到上你屋企?沈:我們只見面過兩次,第一次是party,第二次就是雜誌拍到的那天。她打電話給我,說她在我家附近,要我陪她吃東西,吃完我先走。她晚上再主動給我電話,說因為感情而不開心,想要去我家聊天。怎麼知道會有記者拍照,報道出來這樣寫,如果她真的給我侵犯,不是找記者,應該是報警。記:Cammi因咩感情問題要搵你訴苦?沈:她說給一個男藝人玩弄感情。記:是王浩信嗎?沈:(愕然)嗯,你怎麼知道?記:有傳Cammi去過王浩信屋企幾次,有次俾王浩信女友陳自瑤撞破,Cammi嗰晚係咪同你講呢件事?沈:她那晚有跟我說,因為被那個男生的女友撞到,她還遭那個女友罵到哭了。記:依家同Cammi仲有聯絡嗎?沈:事情發生後,她有打電話向我道歉,解釋是記者亂寫,後來我才發現原來她哭着給人拍照,就沒再聯絡啦。

Cammi 新牀照流出

Cammi爆獵仔事件後,新聞日日新鮮,本刊近日在網站又再發現有多張Cammi的新牀照,其中一張更是疑似在陳冠希的酒店房中,她以女僕造型拍照。

網友插爆累鬥累

08年淫照風暴後,陳冠希再衰一鑊,遭網友圍插鹹濕兼病態。Cammi更慘,除多次遭網友key圖外,網友更指她咎由自取,唔抵可憐。 ####






蔚雨芯王浩信



蔚雨芯Cammi



與陳冠希多張牀上啜嘴相流出,令模一舉成名,近日更愈爆愈多,偷食男逐個浮面,人人自危。



維景灣畔嗒Cammi



搬領峯箍老婆



《蘋果日報》圖片



《蘋果日報》圖片



三年感情,幾經風雨終於修成正果,陳自瑤忍不住攬住友人,眼淚奪眶而出。












Cammi 8月尾漏夜到訪萬寧哥哥沈志明家,據沈表示,當晚Cammi是對他哭訴遭陳自瑤狂鬧。Cammi離開沈家時,卻巧合地遭雜誌記者偷影到。圖片



事件愈鬧愈大,Cammi多天缺課。周三(9日)她再度冇返學,反而陪父母到藍田飲茶。對於曾上王浩信屋企一事,她承認:「我試過上佢屋企幾次。」



《蘋果日報》圖片















本周二(8日),沈志明咬牙切齒地跟本刊作獨家剖白,大談Cammi為人。



卡嘩依女僕



半躺誘人



赤膊典牀

arrow
arrow

    stacy4life 發表在 痞客邦 留言(0) 人氣()