懷孕三個月
近月專心在渣甸山大宅安胎的呂麗君，再度活躍。本周三（ 30日）下午，穿着平底鞋的她步出大宅外。現場所見，其腹部已微微隆起。
去年 8月已經成功為大劉繼後香燈，誕下 8磅重慈姑椗的呂麗君，自從去年 12月 26日首度帶兒子到「飯堂」福臨門，與劉家各人聚首一堂飯敍後，一直鮮有外出。
生仔沖喜
據知現年 34歲的呂麗君之所以如此深閨，皆因她要專心安胎，「大劉呢兩年好旺丁， Yvonne（呂之洋名）生完冇耐，話咁快又有咗，大劉知道咗不知幾開心。其實大劉大仔劉鳴煒上年離咗婚，兩個龍鳳胎嘅孫仔孫女大部分時間都喺劉鳴煒前妻度，大劉當然想屋企多啲細路仔熱鬧吓啦，依家 Yvonne大肚，仲可以為屋企沖喜吓㖭。不過因為 Yvonne之前喺養和係開刀生，都擔心傷口復元冇咁快。雖然之前梁洛施都係類似情況，仲生孖胎都冇問題，但大劉就叮囑 Yvonne盡量唔好外出，等到佗足三個月穩定晒至好走動囉。」知情人士說。
現時呂麗君已懷孕三個月，本周日（ 27日），大劉專登叫齊劉老太、細劉劉鑾鴻和細妹劉玉珍等人到福臨門午膳，順道向眾人宣布喜訊。當日呂麗君更罕有帶同 8歲女兒秀盈和僅七個月大的細仔一同前來。現場所見，毫不避忌抱實細仔出入的呂麗君心情大靚，笑容滿面。下午 2時半眾人離開時，得悉再做嫲嫲的劉老太更向記者露出微笑，難掩興奮心情。
狂掃日本奶粉
呂麗君在家休養安胎期間，日理萬機的大劉亦不忘細心地為她四處張羅。他眼見近日因日本地震而影響嬰兒奶粉的供應，為防細仔和預產期 10月出世的 BB「缺糧」，大劉即命人狂掃奶粉。知情者透露：「依家大劉個仔係食緊日本明治細 B奶粉（即適合 0至 9個月大），大劉覺得隻奶粉唔錯，阿仔依家七個月已經有 25磅，腸胃又好，所以佢上個星期就入定 10箱（即 80罐）。另外又買多 5箱大 B奶粉（即適合 9個月大以上），咁就唔使擔心囝囝同遲啲出世嘅 BB冇啱食嘅奶粉啦！」
請看護營養師
此外，大劉亦為呂麗君額外聘請了兩名貼身看護及一位營養師，主要負責安排呂麗君的作息時間和產前進補事宜。呂麗君媽媽亦會不時煲定滋補湯水，如花膠杞子響螺煲雞、頂級血燕等讓女兒補身。本周三（ 30日）下午，腹部微隆、穿上平底鞋的呂麗君，與細仔在其渣甸山大宅花園曬太陽玩拋波後，就獨自乘保鑣駕駛的座駕到母親位於白加道的大宅。
甘比獲靚車牌
周旋在兩個女人之間的大劉，向來安排得宜。今次大劉御准呂麗君再生，明顯得寵度提升，而近日伴隨大劉四圍去的則大多是甘比。上周五（ 25日），大劉就帶同打扮成熟的甘比出席李志強的嫁女喜宴。 08年他以 150萬投得「 1 LOVE U」車牌送給呂麗君。去年 4月，一位黑衣女子代大劉再投得一個「 1 LOVE U2」車牌補送給甘比，拍賣價僅 18萬。本周二（ 29日）記者發現甘比到福臨門午飯時，就是乘坐掛有這個新車牌，剛落地一星期的豐田紫色七人車到場。新車牌似乎顯示出大劉永冇偏心，意義深遠。
其實現時甘比除了每日忙於湊女和陪大劉，亦會抽時間鞏固自己的人際網絡。她不單常與大劉大仔劉鳴煒打好關係，亦與圈中藝人不時聯絡。雖然未知呂麗君今胎「劉種」是仔是女，但已有一子在手的呂麗君，數月後更加人多勢眾，相信甘比廣布網絡之餘，肚皮亦要爭氣。
福臨門宣布喜訊
近月幾乎絕迹福臨門的呂麗君，本周日（ 27日）中午罕有現身。雖然懷有身孕，但她堅持親自抱囝囝入酒樓。由於當時下毛毛雨，保鑣亦不敢怠慢，以遮陣侍候。囝囝頭圓圓，加上 skin head髮型，與大劉一個餅印。
婦產科醫生：追得咁急會辛苦
呂麗君剖腹產子四個月再度懷孕，似乎太急進。對此婦產科醫生郭志偉表示：「舊式的剖腹生產採用直切刀法，所以醫生認為最好開刀後一年再懷孕比較保險，但新嘅係橫切，咁快再有都唔係唔可以嘅！
「基本上生完三個月，子宮傷口已經埋口，到孕婦腹部再脹大嗰陣，傷口已經完全復元唔成問題。」郭醫生表示因為剖腹每次均是同一位置，理論上時間相隔愈遠愈好，而最多可以剖腹生產三次，否則恐怕引起傷口位置較難癒合及易發炎情況。
對於有說剛生完不久的女士較易再懷孕，郭醫生則糾正此誤解：「其實冇關係，主要係要有排卵就可能成孕。如果太快再懷孕的話，孕婦會比較辛苦。」
3呎企鵝贏甘比
甘比多年來都鍾情卡通動物 Pingu企鵝公仔，記者發現在大劉渣甸山大宅內，近日就多了 4隻 3呎高的巨型 Pingu公仔。據知原來呂麗君女兒秀盈同樣喜愛此卡通動物，大劉為愛女特別訂製不同款式的企鵝仔放在花園每個角落，為女兒果然計仔多多。
甘比企鵝隨身
娛樂記者出身的甘比，當記者時已經鍾愛 Pingu，即使貴為大劉紅顏知己後， Pingu亦不離身。她除了將企鵝仔作為座駕的裝飾之外（右圖），即使手持 10幾萬的貴價 Hermes手袋，她亦會掛住 Pingu。
富豪老來得子
男人生仔唔一定後生至得，不少年紀 50歲以上的城中富豪，為了享受家庭樂，亦不介意與子女年紀相差一大截。其中最為人津津樂道的相信是賭王何鴻燊，即使年過七十仍繼續生，四太曾說他有心有力。
甘比動作多多
甘比除了陪大劉、撐劉鳴煒之外，亦繼續與明星打好關係，在其微博內亦發現她多次親自整蛋糕給明星好友品嘗，認真識做。
留言列表
