身高 5呎 9吋半，三圍 34E、 24、 35的周韋彤被日本傳媒以「 9頭身完美女性」形容佢，佢話自己可能因為頭細先令人覺得身體比例修長。
上年推出處女寫真《 Love Cica》 2星期便大賣 2萬本， 31歲又已經結咗婚的 Cica唔怕跟 o靚模較量，今年決定以原班人馬炮製第 2本寫真，更打算於 7月香港書展期間推出，今次除咗賣身材， Cica更打算親自執筆寫自己。
上月尾， Cica專程到本刊接受訪問，佢話雖然潘霜霜同佢一樣來自內地，但佢唔知對方係乜水，只係睇林峯的床照新聞先留意到對方。
陀地諗縮數
Chrissie出 app
上年書展期間出寫真及人形攬枕被人鬧教壞細路兼被書展主辦單位拒絕搞簽名會的周秀娜，決定今年棄寫真出冧宅男 app。 Chrissie經理人 Roy話：「今年太多內衣模出寫真，佢哋質素好高，所以我哋唔出為妙。」
Carol避蝕
楊梓瑤話今年唔出寫真，因為對手太多，根本冇錢賺，拍戲好過。
DaDa上海賣肉
Chrissie同 Carol唔玩，但 DaDa（陳靜）今年再接再厲，仲遠赴上海影寫真，「保證性感但就一定唔會意淫。」
Chrissie師妹，「新 8模」剩番 Hidy同 Jeana會出水着寫真，更會飛到塞班島及天堂島取景。
國產模攝位
咁蹺妄攝女周秀娜（ Chrissie）同楊梓瑤等陀地胸模都話今年唔再玩， Cica最大勁敵落在同樣來自內地的林峯前度「 36D」潘霜霜。提起霜霜， Cica直言唔知佢乜水，「我讀報紙才知，我不知她是誰，看到照片（床照）就覺得是被人洩露出來……太刻意不好。」
國產陰波功
張馨予
上圍有 35F嘅大陸乳模張馨予因為佢喺吳卓羲屋企自拍相流出響朵，佢話會食住個勢於書展出寫真，但就未決定會喺邊度取景。
潘霜霜
36D潘霜霜同林峯床照響朵後盛傳會於書展出寫真，但最近又有傳出品人因為怕得罪 TVB而隨時縮沙，嘥咗啲喎。
張中允
有「北京周海媚」之稱的張中允來港一年，今年暑假會孖住「 Canon妹」 Alice B.打孖上出寫真，中西合璧吸水。
剩番一半
近年唔少 o靚模都習慣喺書展期間推出寫真集吸金，但由於銷情麻麻，所以到 2011年唔少 o靚模都轉軚拍戲或出 apps，仲好搵。
Angelababy 唔出
周秀娜 唔出
楊梓瑤 唔出
Jessica C. 出
傅穎 出
陳靜 出
Donut（ Caroline及 Rainbow等） 出
舊 8模（ A.Lin及 DaDa等） 唔出
新 8模（ Jeana及 Hidy） 出
林莉 出
Leanne（何思諺） 出
妄攝女 Debby、 Cat及 Kinki等 唔出
Iris（鍾永慧，翻版超蓮） 出
Yumi（尹蓁晞） 唔出
劉欣宜 唔出
李蘊 唔出
年尾拍木村
攻日成功，在日本不斷有 job做， 311大地震時 Cica亦咁啱身在當地，「我那時候在東京工作，突然搖得很厲害，我當時感覺就好像世界末日，很害怕！而且那幾天電視都沒有播放任何娛樂節目，全都是關於災情的報道。」
地震唔只嚇親 Cica，更直接影響在日本的工作。「有些工作都延期了，但還是要幫幾本雜誌拍照，另外要上一個電視節目，是跟藤原紀香一起教觀眾中文，挺有趣的。然後今年年尾應該會跟木村拓哉拍一部電影，希望可以如期進行吧！」日本核災未解決， Cica選擇轉軚攻港最穩陣。
剝到 40歲
正規模特兒出身、曾奪得「中國十大模特」的 Cica，有樣有身材，打得開日本市場實屬正路。對於香港唔少 o靚模出身的港模都話要攻日， Cica就話唔怕有競爭，「我知道 Angelababy跟 Chrissie在日本都有工作，但沒關係，日本市場很大，正如有人喜歡點心、有人喜歡麵包，口味不同。（點睇 o靚模？）我覺得 Baby很漂亮， Chrissie的形象比較野性，我自己就不會太性感了，反而希望像紀香， 40歲都可以拍寫真！」
4月初的日本雜誌《週刊 Playboy》內亦有 Cica專訪及靚相，被雜誌形容為完美女性的 Cica幾乎全裸上陣，擺明又益 o架仔！
買水赴日
新寫真流出
夜場抽水
Cica喺日本勁 hit，雜誌經常刊登佢嘅迫爆水着相，唔單只令唔少港男都誤以為佢係 o架模，就連用慣 o架妹靚相印海報嘅尖沙咀夜場都以為 Cica係索 o架模，將佢嘅索相製成海報省招牌，一到入夜就貼滿街。 Cica亦知道肖像被盜用，正考慮採取法律行動。
夜場海報貼滿尖沙咀街頭。本週一記者亦到過懷疑盜用 Cica肖像的「皇都會」了解，負責人以唔清楚為由，拒絕回應。
留言列表
