周顯爆 o靚模起雙飛,城中一眾姊妹齊齊否認兼聲討。

出書教炒股

現主力於楊受成旗下《新報》寫社評和財經專欄的周顯,自稱是「一條貪威識食、練精學懶,先使未來錢的廢柴。」專職炒股搵錢,有傳他曾於 07年 7個月內勁賺 7千萬,又於 08年輸清光,他又曾出過《周顯發達指南》和《炒股密碼》等教人投資的書籍。周顯跟蕭若元、向華勝等娛圈人相熟,因此見盡很多女星墮落生態,另有傳他因財技出眾,故不少城中富豪都視他為「軍師」,不過本刊問佢有乜優質股提供,他則說:「冇啦,唔好啦,我輸 o架!」

 

放大圖片

周顯:係我親身經歷!真實對白

 
放大圖片

老闆
楊受成

 

周顯對自己身世好小心,講明做訪問唔准影相,本刊問佢真實年齡亦唔肯講,問佢做乜職業,他只說:「做投資囉,不過自己做 o架咋,夠食飯。」問佢賺過幾多錢,他只說:「冇乜好講啦,喺啲富豪面前都係小數目,其實我唔想做訪問 o架,我覺得爆呢啲嘢唔馨香,不過出版社想我寫,我都要宣傳,咪惟有照做囉,下次我再出投資書,你再訪問我先影相啦!」

 

「楊生係我老闆!」

其實周顯炒股之餘,亦有於《明報》和《新報》寫財經專欄,現主力於楊受成旗下的《新報》寫社論,自信爆燈嘅周顯話:「楊生梗係我老闆啦!我哋有一齊食過飯,但就冇傾過投資嘅問題,楊生投資咁叻使乜問我,我喺金融界只係小角色,但講到我寫嘅財經書一定係香港 no.1,我唔係娛樂圈嘅人,我係香港 on the top嘅作家,對自己寫嘅嘢好有信心,喺香港冇一間報館寫社論嘅作家可以好似我咁,由頭到尾、每一隻字都係自己意思,公司冇人管我。」寫唔寫得未知,把口肯定吹得!

 

新書繼續爆

講就咁把炮,原來周顯 07年開始已出過 8本書,有科幻小說又有投資指南,又於網上連載小說,下月仲會出一本名為《肉食男女》新書,成本書都係講男女性關係同爆娛圈秘淫史,部分故事於他自家「周顯網」的「列女傳」中刊登過,由於回響大,故周顯在新書加碼大爆 o靚模淫史。書中周顯稱 o靚模 J因向佢多次借錢被拒,主動提議叫埋姊妹 Q陪周顯玩一皇兩后,周顯未有落叠;另外一則就話有一個名模朋友,貪消防員體格夠精壯,可以做高難度動作因而向周表示「一試難忘」,不過事後周顯又補飛:「佢哋唔係明星,未做過演藝界,純粹 model工作。」

o靚模齊否認

周顯續爆模界大鑊,成群 o靚模即時變得超正經。除 Lavina電話長期留言外,早已脫離 o靚模行列的 Janice Man公司發言人張家豐(阿喱),一聽有 o靚模賣淫,即刻劃清界線話:「風馬牛不相及。」連講明去盡只要 3點不露嘅 o靚模 Rainbow亦只話:「我公司冇 J同 Q字頭嘅 model,不過公司絕對唔容許我哋做呢啲事,我亦對得住天地良心,對得住父母。」
上週六( 12日)問女神 Carol(楊梓瑤)有冇聽過 JQ雙飛兼專嗒消防男一事,佢又驚訝又大笑:「起雙飛咁着數?咪益咗佢囉!我當然冇咁做,做女仔要自愛嘛!都知有啲 model有一夜情,應該珍惜自己,不如努力啲做嘢仲好啦!」

 

放大圖片

Carol 做女仔要自愛!
已貴為一線 o靚模嘅 Carol週五出席酒吧活動時,聽到有 o靚模撩 3P兼有名模跟消防員玩一夜情時, Carol好大反應說:「不如努力啲做嘢仲好啦!」而其餘周秀娜則表示不願回應。

 
放大圖片

周秀娜 唔回應

 
放大圖片

Ar Yu 女仔唔應該咁樣俾人咩嘢!

 
放大圖片

Villian 男人搵我我唔會做!

 

起雙飛實錄

周顯自稱有 o靚模想借錢,可以搵埋姊妹上床作為代價,聽落好荒唐,但周顯話明全本書真人真事,絕無虛構。「係我親身經歷,佢哋親口同我講嘅,不過我就係會寫咁多,你再問我係邊個都唔會講。」事後周顯補飛話:「佢哋唔係明星,未做過演藝界,純粹 model工作。」咁 JM同 Baby甩難啦!

 

放大圖片

J模 Q模

 
放大圖片

周顯《肉食男女》

 

夜場五級制

周顯於書內把香港夜店分為五級,他更表明「民主女神」周澄曾任職的尖東新花都夜總會只屬第四類別「二級夜總會」,只比 MK劈場稍高一級,咪以為去新花都係高檔消費呀!

放大圖片

《壹週刊》圖片

 

一級:高檔會所
「例如近期最大熱的 Garden(位於半山花園道)……此地全是金魚、坐枱小費另計,付三千至五千你還可以預約『 o靚模』,不少有名的 o靚模都曾在這裏客串……」周顯口中的 Garden,疑是早前有傳媒拍下「板長壽司」老闆鄭威濤拖女出街兼濕吻的「 Garden51」私竇。

二級:私人會所
「同 Garden差不多的制度,只是價錢較平,坐枱小費大概是五百元,上床是二、三千元吧……」

三級:一級夜總會
「大富豪第一級夜總會……客人不用付小費,坐枱計鐘錢……用行內術語,『街鐘』比『枱鐘』便宜,因此如果在夜總會做小姐,完全不出街的收入大約有一萬元……」

四級:二級夜總會
「即是新花都之流……周澄說做了三個月,收入是一萬多元,她的計算是對的;如果只做金魚,一個月的收入很可能只得 5、 6千元……」

五級:三級夜總會
「即是俗稱的『旺角劈酒場』,這類場是真的以劈酒為主,女仔幾乎全是金魚……據知現在這些夜總會已經淫賤得可以在場內『就地正法』。」

名模專嗒消防男

爆完有 o靚模援交起雙飛,周顯書內仲爆多單城中有名模跟消防員酒後一夜情,之後該名模對周顯說:「你有所不知,消防員的體力很好,可以做出很多難度極高的動作。」又話:「一試難忘。」估唔到啲名模需求咁大喎!

 

網誌早爆大鑊

周顯新書將他在自家網誌中所寫的「列女傳」揞名爆收錄在新書內,他自稱爆料原因只是「想寫一些有趣的實例,以及一些有趣的個人想法。」周顯又於書中寫道:「有人對號入座,猜測誰是誰之類,雖非作者原意,卻也是無可奈何之事。」

 

放大圖片

周顯於網誌爆娛圈淫史,唔少網友爭相競猜主角是誰。

 

落選港姐四面入水

「 S小姐是落選港姐……某位仁兄剛賺到第一桶金……他開始談起『高級戀愛』來……即一間九龍站的上蓋物業首期,外加六位數字的月薪,對象就是 S小姐。

「……這位仁兄是有妻室之人,……每天幽會的時間最多只有五六個小時…… S小姐也順理成章有一個年輕男友……

「 S小姐還有一位男友,也是每月付她薪水……沒幾個月,女性線人已把這故事告訴了第一號苦主……那苦主切斷了同這位女子的關係。

「傷心之下,苦主惟有寄情於嫖妓……那中間人把資料名冊交給了苦主。他一看,氣得差點暈了過去: S小姐正是名冊中的第一名。」

賣淫變輸錢的 K小姐

「 K小姐是模特兒……有一位四十歲左右的年輕富豪,付出了這一百萬元的高昂代價,同她搞上了。這位豪爽的年輕富豪,……我猜他身家在十億以上,稱呼他時,得稱為『博士』。

「……『博士』教導 K小姐炒股票,第一隻便是他旗下的一間上市公司。……於是便瞓身去買了……她不單自己瞓身去買,還叫她的家人都買……總數大概買了三五千萬元左右吧……總之,結果就是股價跌了九成半。」

弄巧反拙的 T小姐

「 T小姐是選美冠軍,現在的樣貌比起參選時更亮麗,這得多謝整容科技。……找一個數百億身家的,同時再找一個男模特兒……

「……她的『薪津』應該是二十萬月薪,另加千呎住宅……說回那位英俊的男模特兒……有一天,他躲在家裏的衣櫃,躲了老半天,終於等到了富豪的進入。……富豪當時之震驚……是可以想像得到的。

「……沒有了超級富豪的照顧……她只有做一些十萬八萬的『廉價』散 job。」

arrow
arrow
    全站熱搜

    stacy4life 發表在 痞客邦 留言(0) 人氣()