微博洩密　港台小天王滾大歌迷肚

娛圈中人個個舉手撐微博，唔少藝人喺微博玩自爆自推，當做免費宣傳平台，以為可以冧盡粉絲，點知微博同時變咗爆料勝地。
最近有位自稱「華誼小職工」（簡稱「小職工」）嘅網民，於自家微博揞名爆「某小天王在內地風流一夜，令一名 20歲不到的內地女學生懷孕」！踢爆藝人風流帳，即時引嚟童鞋超關注，有知情者後來更留言直指有人對女歌迷出手，然後用錢擺平事件！
一晚企滾大歌迷肚，賤男當然想冚得就冚。偏偏微博離奇變維基解密，成千上萬童鞋阿桑奇上身，日日人肉搜尋，播種小天王有排驚！
小天王 L


微博洩密
小職工於去年 11月 20日張貼賤男搞大歌迷肚一事，唔少網友瘋狂轉發兼討論，人人變塘邊鶴加把嘴競猜，後來小職工見大家愈估愈亂，索性再爆線索，更提到有人用錢將事情擺平。

•歌手出身
•曾接拍偶像劇
•樣子純品乖仔，少緋聞
•中港台三地均屬一線
有鋪爆料癮嘅小職工，早年已常於內地知名討論區如「華聲」、「天涯社區」等大爆香港、內地明星秘聞。
這位網民自稱曾在內地影業一哥「華誼兄弟」工作兩年，睇盡一班大星奀星嘅真面目；更與多位藝人打過交道，熟知邊位好脾氣邊位臭檔或唔妥邊位，甚至話自己成日同女星「一桌吃飯」，所以對各大女星在飯局上侍候老闆嘅情形瞭如指掌。
懷胎 6個月
小職工習慣用被爆之星嘅真實姓名，再結合名字嘅字母縮寫嚟暗示，畀足晒提示大家，唔使驚估唔到。去年佢開設微博後，更玩「明星 PK戰」，畀童鞋投票，揀踢爆邊位「贏家」嘅臭史，夠晒互動刺激又好玩！
小職工冇停口，但論最爆則是去年 11月中驚爆有某位位列小天王級數嘅男歌手，於內地與一個唔夠廿歲嘅女學生搞一夜情之餘，仲搞大埋對方個肚，按當時計該女生現已懷胎六個月！ 
林峯：冇喎！
林峯於上週六（ 15日）出席《十大勁歌金曲頒獎禮》慶功宴上笑住對本刊話冇聽過「小天王」一事：「冇喎！唔該晒！」跟住同助手趕住走。
 
因為被木村乃出書揞名爆玩 3P，屈到喊要宣布撤離香港轉戰北京嘅側田，表示事不關己費事回應。
 
古巨基：吓！？
 
古巨基聽到「小天王」始亂終棄一事，嚇到忍唔住「吓」咗一聲，跟住已經俾女友助手 Lorraine拉住走。
 
側田：呢啲嘢唔關我事，唔講喇！
 
王祖藍：未聽過喎，不過呢個世界咩人都有，咩事都會發生！
王祖藍事業剛起步，有索女友李亞男又係基督徒要守色戒，係小天王嘅可能比較低，問佢有冇聽聞過，難得佢唔會扮天真無知。
 
張繼聰：唔會係我囉！
喺香港都未成氣候嘅張繼聰聽完都知一定唔係講自己，自嘲話：「我？我諗唔會啩，唔會係我囉！」

乖仔得個殼
猛料一出，網友個個興奮競猜，更將尋人範圍擴展至港台一班已上位歌手，日日都有唔同人名輪住上微博「報到」，搞到小職工忍唔住要留言補充：「（他）拍過嘔（偶）像劇，聲音也不好聽，也不知道為嘛紅了，據說耍了一筆錢給對方事情不了了之了。」
據知情人士向本刊透露，該歌手於內地屬一綫級別，經常穿梭內地工作掘金，鮮有緋聞、形象亦算正派，誰知一出事就咁大鑊：「傳聞嗰個女仔其實係佢（小天王）嘅歌迷，今次佢搞到咁大單嘢出嚟，傳佢經理人都嚇到傻咗，最後惟有畀幾萬蚊叫個女仔自己搞掂，但係咪落咗（胎）定叫個女仔唔好揚出來，就冇人知喇！」 
一夜玩大
知情人士話該位小天王因樣子生得純品，氹得入世未深嘅女歌迷獻身，但一出事即刻原形畢露，用錢打發大肚女歌迷自己執生。
 
銀紙打發
 
成功冧莊做「亞太區最受歡迎」嘅林峯當然紅遍內地，不時往返內地出 show拍劇，更索性請內地姑娘做助手打點一切，最新上場嘅有貌似小儀嘅女助手。
 
古 sir早年憑《還珠格格 3之天上人間》、《情深深雨濛濛》等瓊瑤劇打進內地市場，再轉戰返港，一早儲埋唔少內地老嫩粉絲。

「呢個世界咩人都有！」
本刊就小職工提示，訪問活躍內地嘅男藝人，有冇聽過「小天王」啅完撇一事，本地男歌手代表如冧莊「亞太區最受歡迎香港男歌手」嘅林峯，及再蟬聯「最受歡迎男歌手」嘅古巨基都齊齊話冇聽過，跟住速閃。反而身為虔誠基督徒嘅王祖藍答得夠坦白：「冇聽過喎，不過呢個世界咩人都有，咩事都會發生嘅！」
而在台灣方面，因有不少男歌手在內地 hit爆，亦成為網民胡亂「提名」對象。
如台灣天王周杰倫，其助手就回覆本刊話：「沒有聽過這些事，杰倫他都三十多歲了，已不是小天王，他是亞洲天王！」
曾和阿 Sa合唱過《小酒渦》嘅林俊傑，亦透過助手回應：「不可能是 JJ，因為他是個談戀愛都要觀察一段時間的人，加上他在內地的通告都排得滿滿，連睡覺也沒時間呀！況且他不是小天王，是大天王！」
至於因在內地有無數粉絲，而無辜被口痕網友提到嘅羅志祥，佢助手透過電話譴責不負責任嘅留言：「每次有捕風捉影的事情，你們有證據就拿出來，別有的沒的扯到他，我們一定會投訴的！」 
何潤東：冇睇過（微博）、冇聽過，唔答！
 
週一（ 17日）何潤東來港出席時裝活動，被本刊問到有關「小天王」一事，助手一度出手阻攔記者，最後何潤東只話：「冇睇過（小職工微博）、冇聽過，唔答！」
 
新加坡出身嘅林俊傑，以唱作人身份走紅中港台及星馬一帶。 09年與阿 Sa合唱〈小酒窩〉掃走唔少合唱歌獎項。最近與秘密拍拖多年嘅林采薇分手，改與 o靚模「 E奶妹」陳立泠傳出訂婚消息。
 
勁惹桃花嘅羅志祥雖然以「老婆」稱號嚟冧粉絲，不過都怕惹事上身，搞抱抱會同歌迷接觸都要超君子，小心為上。《蘋果日報》圖片
 
唔少奀女星因「 J女郎」之名加持而彈起，最新「 J女郎」就有 o靚模羅康妮，多女埋身已經見怪不怪。而周杰倫的公司發言人秋珍對「小天王」一事表示有關網絡上不實以及不負責的報導，若是經媒體渲染，有任何影射不實報導的部份，一定會依法追究告到底！台灣《蘋果日報》圖片

噏得就噏
華誼小職工因經常爆料，早已上過內地娛樂報章，並話「壓力巨大」而曾經一度收聲，但奈何口大忍唔到再喺微博發功：「我回來了，現在不會八內地的事情了，現在專心八 HK娛樂圈。」不過有佢講冇人講，好難證實喎！


小職工於微博個人資料上只提及 01年畢業於香港城市大學，估計今年應至少三十歲，但微博頭像離奇用上 o靚模 Kama（羅凱珊）嘅相。
 
鍾意玩「明星 PK戰」嘅小職工，試過擺林峯同吳卓羲上枱，最後林公子不幸「勝出」，小職工就以林峯變靚同公子病傳聞回敬大家。
 
去年 12月中，小職工突然爆梁詠琪曾經結過婚，仲強調「真的，百分百！」搞到 Gigi粉絲都留言問真假。


小職工經常在微博上提及 Angelababy，最新鮮滾熱辣就係講 Baby同黃曉明將於春節在青島訂婚，話晒小職工做過華誼，收一哥嘅風，又令人信多啲！


天王俾女唱
以為唔熟唔食實冇出事，偏偏唔少男藝人都中伏過。


99年郭富城於澳洲遭女粉絲 Christine及其男友，於酒店以針孔攝錄機偷拍密會過程，並打算賣給傳媒。最後要經理人小美申請全球禁制令平息。
 
06年 7月有傳杜德偉遭一名妓女以嫖妓淫照勒索，而杜以「事件愈描愈黑，不需要澄清」，最後事件不了了之。
 
09年 4月有人自稱小豬並與女網友大玩 cyber sex，其後女方公開談話內容及相片。小豬經理人嬲到發聲明要對發放人提出誹謗控告。
 
去年 3月阮經天與一名長髮女子到酒店密會 7小時，並遭人公開有關相片，最後迫到佢要向女友許瑋甯認錯。

港台藝人內地風流賬 某小天王弄大歌迷肚子

網民“華誼小職工”微博上爆料：某港台小天王在內地的風流債
娛樂圈中人個個舉手撐微博，不少藝人在微博玩自爆自推，當做免費宣傳平台，以爲可以討好粉絲，誰知微博同時變成爆料勝地。

最近有位自稱“華誼小職工”（簡稱“小職工”）的網民，于自家微博爆“某小天王在內地一夜風流，令一名不到20歲的內地女學生懷孕”！踢爆藝人風流賬，即時引來不少人關注，有知情者後來更留言直指有人對女歌迷出手，然後用錢擺平事件！

一晚弄大歌迷肚子，賤男當然能躲就躲，偏偏微博離奇變成維基解密，成千上萬童鞋阿桑奇上身，日日人肉搜索，播種小天王有陣子要擔心！

 

arrow
arrow
    全站熱搜

    stacy4life 發表在 痞客邦 留言(0) 人氣()

    E-mail轉寄