延續旺氣
若自覺虎年做乜都從心所欲，運氣勁掂，咁就要選定吉日嚟大掃除，留住旺氣嘞！
做法：由屋企大門開始掃起，向內掃入屋，咁樣可將今年旺氣留在屋中，延續至下一年。
吉日選擇：
趕走衰氣
若果閣下喺虎年諸事不順，頭頭碰着黑，甚至惹埋官非又大破財，咁黑仔，就要選擇破日嘅吉時去大掃除，有「破舊立新」之義。
做法：由屋底掃到出大門外，象徵着把整年的衰氣掃走，再重新開始過！
＊沖某生肖即不宜由該生肖的人進行大掃除。
破日選擇：
新曆 1月 28日（星期五）/農曆十二月廿五日/破未日（沖牛）
吉時： 3am-1pm、 5pm-9pm
So Time
讀者小小女士問：
蘇師傅你好！本人生於 197X年 10月 X日早上 8:10，女，現有以下問題，懇請解答：
1.我剛剛流產，是否命中注定呢？現在仲有手尾要跟，可能要做手術，我為此事很擔心，不知手術是否成功？有甚麼方法或風水陣可解救？
2.本人甚麼時候可再懷孕呢？今年得唔得？我想生女，有機會嗎？
3.本人有否大運？想再工作，我適合做甚麼呢？
4.本人身形適合肥定瘦呢？
蘇師傅答：
你嘅命格屬「火」，生於秋天，「木」、「火」對你有利，「金」、「水」為忌，青色、綠色、紅橙色及紫色都係夾你嘅顏色。你的一生之中都有 20年大運， 41歲入大運，行到 61歲； 41歲前行幫夫運，能助丈夫發展事業，若果你係幫丈夫手就啱晒。你秋天出世，但八字上完全冇「火」，所以一生都唔會容易有 BB，同埋你剛剛流產，身體更加虛弱，咁就要放一個特別旺身體嘅局，喺屋企嘅東北及西南方，各放 8粒白色石卵，排成十字圖案，再用白卡托底（如圖），會助旺你身體同有 BB嘅。喺今年、 2013、 2014及 2015年你會易啲有 BB，所以快快養好自己身體，先可「盡力而為」。另外，你話有可能要做手術，如果真係，咁入院時要喺你屋企嘅牀底放一桶水，可以減低手術風險。嗱，冇話肥定瘦啱啲嘅，計我話有得瘦就梗係瘦啦，但一定要以健康為先，非安全地去減肥就千祈咪制！
撰文：蘇民峰師傅
留言列表
