急忙拉褲鏈
蔡楓華當街小便行動迅速，完事後他轉身繼續用手整理下體位置，邊拉褲鏈邊施施然走上車。
停車小解
上周六（ 8日）舉行完歌迷聚會後，蔡楓華與三名女歌迷去尖沙嘴 The One食飯。晚上 9時許坐女歌迷的 Benz返家。當車駛出大欖隧道後突然轉入小路，人有三急嘅蔡楓華唔理車上有女 fans，即跳落車喺車旁小便，還不時四圍望。
全程 cool爆
當日司儀車淑梅一出場便說：「阿 Ken係五棲藝人，歌影視電台廣告樣樣得，但佢好有性格，唔係樣樣都做！」之後 fans即在台下大叫：「就係鍾意阿 Ken有性格！」 Fans熱情，但蔡楓華出場即冷冷地說：「其實我冇約大家 10年見面，不過都多謝大家，其實 10年嚟我冇離開過樂壇！」之後他獻唱一曲〈十年〉，又與歌迷大玩遊戲及收禮物，但全程他仍然沒有笑容。
其間蔡楓華多次發言，但部分內容十分騎呢，他說：「以前國家主席江澤民都請我上北京開演唱會，不過佢要我先俾 5百萬，我冇應承，嚟緊我諗住打俾胡錦濤，叫佢批我去工人體育館開演唱會。」繼而他又提及之前被黑勢力打爆眼，「我一直好想返出嚟同大家見面，不過之前有黑勢力搞我，想我消失。佢哋問我憑咩做歌手，我話憑我有 fans囉！以前有 5千歌迷，而家就算有十分一都有 5百，在場都有 50，你哋話係咪？」 Fans隨即大叫：「係！」
現場直擊
寸劉華開個唱
之後他更寸劉德華，「依家個個都喺紅館開演唱會，好似劉華咁，我真係唔恨……不過總有一日，我同你哋會喺紅館見！」一時一樣！不過要數最騎呢是聚會後，數位女歌迷揸車送蔡楓華返家，但行駛至中途，他卻忽然叫停車，然後在馬路旁當街小便。難得 fans沒有驚訝，事後若無其事繼續送他回家。
記者事後致電當晚司儀車淑梅，她表示自己與蔡楓華並不熟絡，「其實今次聚會都係阿 Ken嘅 fans喺網上自發性搞，個搞手係新加坡人，係一間公關公司老闆。佢鍾意咗阿 Ken好多年，今次係佢主動搵我幫手做司儀。大家都知阿 Ken隻眼有事，都想幫佢，其他嘢我唔清楚。」當晚蔡楓華歌迷聚會附設簡便自助餐，埋單只需俾四千元，主辦單位向每位 fans收取$320，並要求入數至蔡楓華曾經開設的「歌富製作公司」。粗略估計，扣除成本開支，蔡楓華可淨袋一萬多元，終於有錢醫眼。
賺萬多元
當日蔡楓華歌迷聚會在專搞音樂聚會的「音樂人家」舉行，約有 50人出席，以每人收取$320入場費計，總收入有$16,000。扣除租用場地及食物費用$4,000，估計淨賺$12,000。
神秘參加方法
其實今次蔡楓華搞歌迷聚會，事前嘅參加方法都幾神秘，參加者先要填個人資料及有咩想同蔡楓華講，並以電郵形式與搞手聯絡。之後搞手要求參加者先到銀行入數，才有專人通知聚會的時間及地點。當中更有一份注意事項，話蔡楓華有青光眼，叫參加者到時唔好用閃光燈影相。
青光眼難以完全康復
養和醫院眼科專科醫生許少萍醫生指，青光眼早期病徵不明顯，「如果患者冇及時發現，患者四周視力會逐漸減弱。如沒有適當治理，最後更會導致永久失明。任何年齡人士均有機會患上青光眼，而成因包括眼睛曾經受創（被打或意外）、家族性遺傳、眼球內的壓力過高、深近視或深遠視等。醫生通常會以眼藥水、雷射手術或口服藥物來治療青光眼，不過受損視力難以完全康復。」
當街小便可入獄
梁永鏗（圖）律師指，隨街小便可能會觸犯到兩條法例，「如果咁啱被警察當場見到的話，就可能會以簡易程序治罪條例，檢控佢在公眾或無掩蔽的地方或其他不適當的地方大小便。一經定罪，最高可處罰款$500或入獄 3個月。不過如果咁啱有人經過報警追究的話，就有可能觸犯刑事罪行條例，即任何人無合法權限或辯解，在公眾地方或公眾可見的情況下，猥褻暴露其身體任何部分。一經定罪，可處罰款$1000及監禁 6個月。不過當事人可以人有三急為辯護理由，通常都唔會告刑事。」
留言列表
