正當佘詩曼及鄧萃雯為視后爭崩頭鬥餐死之際,憑《飛女正傳》入圍爭視后的蔡少芬卻顯得置身事外,皆因她的人生已經中咗個大獎。11月30日,老公張晉親口宣布老婆已經懷孕三個多月。
08年飽受腰痛的蔡少芬,為了幫老公繼後香燈,曾停食止痛藥,兩人終於造人成功。不過,據知患上強直性脊椎炎的蔡少芬,佗B初期又嘔又攰,偶爾腰痛發作更是難忍,難怪張晉亦爆蔡少芬懷孕後脾氣更暴躁。

 
懷孕三個月的蔡少芬,10月尾已按捺不住興奮心情,在微博暗示自己有喜。目前還在內地拍劇《後宮殷環傳》的她,亦顯得容易疲倦,不過食得瞓得,老公張晉透露她除了間中有嘔外,算是佗得舒服。
11月30日,張晉在香港出席福音電影《流浪漢世界》慶功時,預早計劃定向傳媒自爆「老婆有咗」,但卻懶神秘話︰「唔好問我佗咗幾耐同埋仔定女,因為我都唔知。」據知兩個月前,身為教徒的蔡少芬知道這個喜訊後,已急不及待與一班教友姊妹分享,但着眾人保守秘密,待胎兒過了三個月穩定期後,便由張晉向外公布。蔡少芬好友透露︰「Ada好鬼馬,喺11月17日生日嗰日先同老公宣布呢個喜訊,而張晉亦好識做,送咗個iPhone4及iPad俾老婆做生日禮物。」

 

5人服侍周到
本刊在張晉公布即晚9時許夜訪錦繡花園寓所,張晉大方開門接受訪問,並不停口說︰「呢件係開心事!」談到目前老婆身在內地拍劇,他坦言亦擔心其身體,所以特別請了5個人(包括三個助手、一個司機及一個專責煮食的廚師)照顧她,而蔡少芬拍到農曆年就會煞科。他說︰「因為我要留港工作,暫時唔可以返大陸照顧佢,所以真係擔心佢,我會日日用電話同佢聯絡,最緊要佢身體健康。」
問到老婆的腰痛問題,他說︰「依家好咗好多,亦好少聽到佢嗌痛。」對於病情,張晉不肯透露太多,但卻指老婆懷孕有嘔,所以脾氣變差,不過,他表示就算懷孕期間老婆發脾氣,他都會死忍盡量佢開心。完全廿四孝老公。
他笑指本來脾氣唔好的蔡少芬,懷孕後脾氣更大︰「佢拍劇演皇后,我現在是全天候服侍佢,但服侍得好開心。」問到是否在養和醫院生,他拒絕透露,並表示現在還未決順產定剖腹。

日日飲補腰湯水
37歲的蔡少芬,算是高齡產子,加上患上脊椎炎,所以,今次亦會佗得格外小心。據知,蔡少芬偶爾會腰痛發作劇痛難當,所以現在除了減少大動作外,更差不多日日飲補腰湯水。
08年1月,蔡少芬與張晉結婚後,度蜜月返港後突然腰部劇痛,做磁力共振檢查後,證實患上「強直性脊椎炎」,此病嚴重會導致癱瘓。當時她亦不敢掉以輕心,曾一度打算延遲造人大計。不過,張晉父母一直恨抱孫,蔡少芬為了盡快幫夫家開枝散葉,去年尾腰痛稍為減緩便立即停藥,不設防積極造B。
而一直恨生仔的蔡少芬與張晉,今年6月齊齊接受東方衞視《華人大綜藝》訪問時,蔡少芬更豎起四隻手指高呼︰「我要生四個。」又大談仔女經︰「我問過專家,如果生4個,排中間的小孩可能會被忽略,但我希望第一個是女孩子,因為女孩細心又能幹,像我一樣。我的兒子一定要像爸爸一樣懂武術,因為吃過苦的小孩將來能力比較強。」而張晉一聽到老婆嗌生四個,即連忙說:「一個就夠。」

睇生仔名醫何永超
張晉的家人全部在重慶,但蔡少芬卻選擇在香港分娩,早前曾向剛剛生了對孖女的好姊妹黎姿取經。知情者話︰「Ada(蔡少芬)依家睇緊嘅婦科醫生何永超,係好姊妹黎姿介紹,佢亦已book了養和的豪華房,不過唔係最頂級嗰隻。黎姿仲介紹埋個陪月俾佢㖭,聽講個陪月好巴閉,有齊陪月、烹飪及家務助理三張證書,月薪成兩萬幾o架!」
結婚以來,蔡少芬夫婦狂接job,搵定奶粉錢,尤其蔡少芬,一年拍足三套劇《勝者為王2008》、《西津度》及《後宮殷環傳》,加埋廣告及兩部電影《越光寶盒》及《愛情維修站》收入,估計年賺過5百萬。
今年年初,蔡少芬更趁住樓價高企,把07年以442萬購入的沙田碧濤花園放售,套現550萬,帳面賺了110萬,買家正是保安局局長李少光。據知,蔡少芬打算暫時租住好姊妹的元朗錦繡花園獨立屋,待BB出生後才覓新愛巢。
周六(12月4日),蔡少芬會偕夫婿齊齊出席樓盤活動。有了身孕依然努力賺奶粉錢。

密賺奶粉錢

物理治療紓緩劇痛
據註冊脊醫及物理治療師何應輝指,「強直性脊椎炎」是一種炎性風濕科病症,與免疫系統有關,會令骨骼鈣化。何醫生說︰「『強直性脊椎炎』患者一樣可以懷孕,同普通人一樣,不過情況嚴重的患者,因持續發炎會令骨骼鈣化,若盆骨出現鈣化,便有機會影響BB出生的空間,所以剖腹的機會比較高。
「另外,患者如果不予治療,有機會令背部嚴重彎曲,形成駝背,加上孕婦佗BB的重量,好容易忽略姿勢,若果駝背情況持續,會影響心肺功能,要多加注意企姿及坐姿。如懷孕期間痛楚加劇,可做適當的物理治療,如敷熱及正確的伸展運動,游泳亦可以強化腰部肌肉,令病情得以紓緩。若情況惡化,孕婦更要卧牀甚至服藥減痛楚。」

神蹟旺丁屋
蔡少芬租住的錦繡花園獨立屋,面積約一千五百呎,是好姊妹兼教友謝寧所有。謝寧以580萬買入此單位作投資,未幾即租給蔡少芬與張晉居住,兩人住了大半年,話咁快就造人成功,未知是風水旺丁還是神蹟顯靈。


據玄學家吳佩孚表示,蔡少芬與張晉住所於旺位,配合屋外裝修,乃旺丁風水屋。他說︰「錦繡花園嘅屋外面係好靜的馬路,好似靜嘅河咁,水靜利人口,八運為艮卦,主運方位坐東北向西南,由2004年至2023年,共20年,呢度坐向東北,即坐住旺位,不但利丁更利財。
「而平頂嘅屋形四四方方,加上米黃(八運代表土)色外牆都係旺丁,至於裝飾方面,門口嘅圓形燈,即長明燈,加上大門應六數,即門上嘅六格玻璃,亦有旺丁作用。」

●生女機會大●
吳佩孚說︰「以蔡少芬同張晉命格,頭一胎生女機會好大,將來兔B會好孝順,同媽咪好似樣,會有演藝才華,入娛樂圈嘅機會好大。蔡少芬有可能早產,開刀嘅機會大啲。」


●兔B黐老竇●
至於堪輿學家麥玲玲指︰「蔡少芬同張晉嘅命格有仔有女,兔BB與肖虎嘅張晉比較投契,會黐老竇多啲。而屬火嘅蔡少芬適宜開刀生較佳。至於BB的個性則較文靜溫純,有啲婆媽。」

藝人好友贈興


11月30日張晉自爆做老竇後,圈中好友紛紛在他與蔡少芬的微博留言祝賀,而蔡少芬亦搞笑回應:「恭喜張晉Yeah!」

新歡舊愛陸續有喜
無獨有偶,今年大劉的新歡舊愛陸續有喜。正印呂麗君8月於養和為他產下慈姑椗,接着是李嘉欣9月自爆懷孕3個月,最近更證實是佗仔。事隔兩個月,大劉舊愛蔡少芬又爆懷孕3個月,喜事重重。


30/11 冧爆回應
晚上9時,張晉在錦繡花園寓所門外大方接受本刊訪問,提到蔡少芬有喜一事,他笑不攏嘴,並說開心事應與大家分享。



23/10
預告有喜



25/10
捱到爆瘡



2/11
等埋位瞌着



7/11
凸肚捧朱茵場



11/11
薑汁浸腳保暖



22/11
微博耍花槍



24/11
破戒食辣



30/11
胃口大開



高叫生四個
今年6月,蔡少芬與老公張晉接受東方衛視《華人大綜藝》的訪問,蔡少芬興奮表示:「想生四個!」當時還未懷孕的她已經恨仔恨到發燒。


11月30日,張晉接受娛樂直播的主持訪問,自爆老婆有咗,冧爆地接受眾人祝福。(電視圖片)


婚後經常以夫妻檔在大陸錢的蔡少芬及張晉,早前齊齊拍攝內地電影《愛情維修站》,兩人在戲中經常大打出手,又用菜刀互砍,剛好與現實的甜蜜夫妻關係成強烈對比。


早前,蔡少芬與張智霖合作的劇集《勝者為王2008》在亞視播出,但在慣性收視下,只得3點收視。


現正在大陸拍劇集《後宮殷環傳》的蔡少芬,拍罷此劇便會正式返港養胎。


08年,蔡少芬拍《飛女正傳》,由於經常要吊威也,令她的腰痛加劇。


蔡少芬的旺丁屋無論設計、顏色、座向都有利生仔,吳佩孚表示兩人如果繼續住此屋,蔡少芬更有機會在後年再懷孕。


蔡少芬夫婦是虔誠基督徒,兩人的門上掛有「基督是我家之主」的木牌。


買睡袍
記者在張晉的車內發現一件新的女裝睡袍,看來是他買給怕凍的蔡少芬。



換牀褥
為了減少老婆腰痛,張晉近日買了張護脊牀褥俾老婆,新牀褥放了在獨立屋的花園。




張晉與蔡少芬拉埋天窗,但蜜月期間,蔡少芬發現自己患上「強直性脊椎炎」,一度打亂兩人造人大計。


佢哋準備好耐
王祖藍:「吓!Ada有咗,咁我要即刻打電話恭喜佢,我知佢哋準備咗生仔好耐,依家終於如願以償。」


減少食辣嘢
韓馬利:「我一早知啦,我哋行得好埋,Ada有咗唔只3個月啦,佢算佗得舒服,冇面腫胃口又好,食得又瞓得,之前佢好鍾意食辣嘢,但依家為咗個B佢食少好多。係拍劇攰咗啲,佢話過無論生仔定生女,都會繼續追,佢同丈夫都好鍾意小朋友。」


送膏防肚紋
陳法蓉:「好戥Ada開心,佢喺我哋七姐妹中排第七,唔使上契我已經做咗姨媽啦!知佢貪靚,怕懷孕會有妊娠紋,所以送咗支膏俾佢預防肚紋。」


成日嗌有咗
戚其義:「有咗咪開心囉,佢求之不得啦!之前拍《飛女》嗰陣,都成日同我嗌話有咗o架,尤其佢一知道吊威也,就話自己有咗囉!」


斟茶必上契
黃德斌:「恭喜晒佢!遲啲我要同BB影番輯相。會唔會上契?嗱!如果個B斟茶(撒尿)俾我,我就一定收佢做契仔。」








李嘉欣年尾生仔
40歲的李嘉欣,08年下嫁許晉亨,年初在養和做體外養卵,今年9月自爆懷孕3個月,更不時在微博晒幸福。


呂麗君8月產子
今年8月,大劉正印呂麗君為他追多個仔,重8磅,而母憑子貴的呂麗君,得寵指數再升。

arrow
arrow
    全站熱搜

    stacy4life 發表在 痞客邦 留言(0) 人氣()