唐貝詩與毛玉萍兒子Eric分手後，自力更生搞網購生意，以月薪八千做行政總裁助理幫補使用，老媽子寇鴻萍助女兒闖一番事業，不但出錢出力，更搖身變虎媽，日日敲戰鼓，要唐貝詩準時返工，還要交數交貨，否則隨時接警告信。初出茅廬的唐貝詩最近開始向富二代同學埋手，求筍價入靚貨，滿足虎媽渴求。

接警告信
去年底，寇鴻萍大鑼大鼓開網上特賣公司（Purrrchase.com），有鄭裕玲、江欣燕等一班姊妹提供畫作，又憑人脈關係找來名錶名酒高檔產品，在網站出售；出錢出力，全為女兒唐貝詩鋪路創業。由公主降格做打工仔，唐貝詩試過返工遲到，被寇鴻萍警告。「Isabella（寇鴻萍）同個女講到明，唔會優待佢，遲到都冇情講，要收警告信，返工唔可以講私人電話，著衫要似個OL。」寇鴻萍身邊人說。
虎媽日日督工，唐貝詩亦戒蒲戒玩，不過令她感到最有功力的，是撲貨和交數。「初初學做網購生意，想做到生意，就要貨靚價筍，唐貝詩經驗人脈都唔夠，但好在佢有班老牌名店嘅富二代同學幫手，可以用筍價入貨。」

幫手講價
農曆假期前，寇鴻萍唐貝詩母女孖咇出動，同行還有兩個OL打扮的女子，一起走入九龍塘又一城內的領呔專門店Tie Rack，兩母女在店內細心研究，又跟同行兩名女子在櫃面討論。之後兩母女轉場往奧海城商場一家老牌藥行專門店，只見店內有一名二十多歲的年輕男子，逐一向二人介紹健康食品的功效。
「個男仔係唐貝詩嘅同學、位元堂後人，唐貝詩叫埋阿媽一齊去睇貨同講價。依家雖然啱啱起步，不過寇鴻萍見個女肯學肯捱，都好開心，賺蝕固然緊要，但最重要賺到經驗。」
唐貝詩發奮圖強，至於的前度Eric Yu，分手未夠三個月，已展開新戀情，雖有傳對方家長反對，不過兩人依舊經常在微博傳情晒親密照。唐貝詩與Eric分手，各有所得。

 

二代易辦事
名人二代愛蒲愛玩，也愛搞小生意，先天條件厚，有父母打本撐腰，創業easy！ 房祖名 07年房祖名與小小超李澤楷表弟林忠豪等友人合資搞生意，六位數字買斷瑞士薄荷糖Rio的香港代理權，短短幾個月已經賣斷市，錄得七位數字盈利。


何超雲何家三房長女超雲，大學未畢業已獲賭王打本百萬創業，09年底在蘭桂坊開設二手衫店chew，以自己和母親三太作生招牌。


蔡加讚「玩具大王」蔡志明孻仔蔡加讚，09年底獲父親打本600萬，在九龍城開設甜品屋，去年他再投資百萬，將甜品店再轉型為意大利餐廳，為了試菜，蔡加讚自己肥六磅。 ####

 
阿媽格價
當日下午三時，兩母女一身OL打扮襯到絕行商場，奉旨睇貨兼shopping。

 
兩母女在領呔店內睇貨辦，離開前還在店外跟該店職員繼續討價還價。


嘟嘟為撐老友寇鴻萍，將自己的畫作放上寇鴻萍的網站內，獨家發售。


寇鴻萍和唐貝詩早前特別找攝影師為她們網站拍宣傳照。


農曆新年，寇鴻萍帶着兩個女兒，到日本滑雪。


阿女睇貨
老牌藥店後人是唐貝詩同學仔，批發價當然有得傾。


阿媽出錢又出力，唐貝詩出動友情牌搵富二代同學幫手攞貨，更打醒十二分精神睇貨。


去年毛玉萍兒子跟唐貝詩（左圖）分手後，早前已爆出新戀情，兩人經常在微博傳情（右圖）。









arrow
arrow
    文章標籤
    母女 返工 警告 老牌 生意 出力 eric ol 分手 甜品
    全站熱搜
    創作者介紹
    創作者 stacy4life 的頭像
    stacy4life

    娛樂八掛大分享☆

    stacylife 發表在 痞客邦 留言(0) 人氣()

    E-mail轉寄