年廿八當日，陳茵媺殺落人頭湧湧的尖沙咀買拜年賀禮。

陳豪、陳茵媺拍拖一年， keep住熱戀，甜蜜滿瀉。農曆年前，男方事先張揚會帶埋女友同豪媽拜年。咪以為陳茵媺鬼妹仔，淨係識送朱古力做禮，即使不是頭一次見家長，豪嫂一樣揸正做，趁住唔使為新劇《大太監》埋位，殺落人頭湧湧的尖沙咀周大福，買足金鏈墜，作為豪媽的新年賀禮。

豪媽呢杯新抱茶，有着落！

做定功課

 

「雙陳戀」浮晒面，年初三（一月二十五日）陳茵媺出席公開活動，自動波交代新年同未來奶奶拜年，又大賣口乖讚豪媽廚藝了得。「 Auntie煮盆菜好叻，好好味。」至於拜年賀禮，陳茵媺說：「心意最重要。」
據了解，並非第一次見家長的陳茵媺，對今次拜年相當着緊，明知自己對過年傳統認識不深，早在個多月前已經四圍問人，請教有關新年送禮的避忌。「 Aimee（陳之洋名）見到啲有番咁上下年紀嘅工作人員，就叫人俾意見，有人教佢送海味，夠大方得體，有啲話送金或者首飾，最後揀咗乜就唔清楚啦！」一名無綫幕後人員透露。



 

陳茵媺在金行揀足大半小時，最終睇中一個龍形福字鏈墜，重 4錢，照現時金價， 7千 4走唔甩。
陳茵媺在金行揀足大半小時，最終睇中一個龍形福字鏈墜，重 4錢，照現時金價， 7千 4走唔甩。



 

陳茵媺在金行揀足大半小時，最終睇中一個龍形福字鏈墜，重 4錢，照現時金價， 7千 4走唔甩。



 

辦完大事，放下心頭大石的陳茵媺素顏繼續 shopping，專攻藝人必備的太陽眼鏡
辦完大事，放下心頭大石的陳茵媺素顏繼續 shopping，專攻藝人必備的太陽眼鏡。



年廿八買金



正忙於新劇《大太監》拍攝的陳茵媺，年廿八（一月二十一日），星期六）不用開工，下午一時殺落同胞最愛的廣東道海港城，雖然陳豪未有同行，但經過「特務豪」的一年特訓，陳茵媺一落車已四圍望，睇清附近環境才落車。
第一站連卡佛，唔夠半小時已經有收穫，陳茵媺先將戰利品放上車，再折返商場，睇水牌搵周大福金行位置，即使戴住大副黑超，但商場內仍有唔少人認出她：「陳豪個女朋友呀！」
入到金行，陳茵媺目標明確，主攻款式適合長者的金器，主力揀鏈墜，花多眼亂，她不時將鏈墜拼埋身問店員意見，睇咗大半個鐘，終於揀啱心水，扑槌俾錢。
買完送豪媽的過年賀禮，陳茵媺繼續四圍 shopping，眼鏡、時裝一律唔放過，直至發現有記者才急急離開。



 

 
戀情公開，陳豪、陳茵媺因利成便，不時以情侶檔拍住上搵食，今年除夕倒數，兩人夾埋 25萬袋袋平安。



 

榮升豪嫂的陳茵媺，與男友一樣廣受商戶的愛戴，本月中單拖同古天樂出席品牌新店開幕
榮升豪嫂的陳茵媺，與男友一樣廣受商戶的愛戴，本月中單拖同古天樂出席品牌新店開幕。



 

 
兩人同居試婚三個月，食維他命丸都要女友餵埋入口，陳豪已認定陳茵媺為終身伴侶。



 

同陳豪感情要好的豪媽，對陳茵媺有讚冇彈，極得其歡心。
同陳豪感情要好的豪媽，對陳茵媺有讚冇彈，極得其歡心。



兩年計劃



公開承認拍拖後，陳豪、陳茵媺名正言順「孖咇」接騷，吸金能力直線上升唔在講，最重要是現任同前度待人態度差天共地，陳茵媺深得豪媽歡心，令一向孝順的陳豪，認定對方是豪嫂的最佳人選。
「 Bernice（廖碧兒之洋名）有港女公主病，唔單只阿 Mo（陳豪）要服侍佢，每次同 Mo媽食飯，佢都係坐喺度唔郁，永冇幫手； Aimee就剛啱相反，對男友好服侍，連 Mo媽都照顧周到，所以 Mo媽好鍾意呢個女仔。」知情人士說。
四十出頭的陳豪，近日不時被傳媒催婚，他口口聲聲：「慢慢嚟，依家好好！」實質自去年九月同居試婚後，他已認定陳茵媺為結婚對象，但陳豪知道女友想在事業方面再努力，所以亦贊成多等一、兩年再算。
「阿 Mo知道 Aimee唔似前度（廖碧兒）咁有野心咁進取，係個好女仔，所以佢好有信心，就算等佢一、兩年，大家依然可以一齊。」陳豪的身邊人透露。



 



 

《金枝慾孽 2》未開工，陳豪匆匆接騷搵真銀，即使名草有主，依然深得各階層人士，包括菲藉外傭（箭嘴示）的支持。



 



 


有傳陳豪為了令陳茵媺事業更上一層樓，向《天梯》監製李添勝落足嘴頭游說加戲份，令女主角張可頤（左圖中）大感不滿。（《蘋果日報》圖片）



奶奶政策



「野蠻奶奶」唔係做戲先有，如果「野蠻奶奶」遇着「大牌女明星」，世紀大戰必定一觸即發，但往往都係媳婦認輸，不敵奶奶。



 



 

李嘉欣
與許晉亨結婚初期，李嘉欣因為公開話唔想生 BB，搞到與奶奶關係一般，後來大美人改變主意，一索得男生了小 JM，成功氹掂奶奶。



 



 

劉嘉玲
有指梁朝偉媽咪不滿劉嘉玲與偉仔拍拖以來一直緋聞多多，直到婚後嘉玲修心養性，又不時陪食飯，送名貴珠寶，雙方關係越來越好。



 



 

張栢芝
謝霆鋒瞞住狄波拉娶張栢芝，激嬲拉姑不認新抱，但栢芝火速為她添了兩名男孫，兩婆媳一度關係好轉，直到霆鋒同栢芝離婚，兩人再度反面。

arrow
arrow
    文章標籤
    奶奶 拜年 mo aimee 尖沙咀 新年 拍拖 女友 服侍 深得
    全站熱搜

    stacylife 發表在 痞客邦 留言(0) 人氣()

    E-mail轉寄