06年參加「國民美少女比賽」，贏咗「模特兒獎」同「多媒體獎」，之後已有多間電視台搵佢拍劇，由model轉型做「模Art」。

一向以美少女攻陷宅男一族的日本藝能界，近年被韓國組合步步進迫，少女時代、Wonder Girls十幾對長腿超吸引，好在日本陸續有新血加入，同韓妹鬥過。新一代CM女王武井，上年聖誕節啱啱18歲，雖然年紀輕輕兼飛機場身形，但勝在靚樣夠天然，加上擁有一對冧死仔長腿，及甜到漏笑容，難怪出道3年已被大牌資生堂睇中，搵佢做代言人，嚟緊妹仲同萬人迷妻夫木聰翻拍電影版《愛與誠》，18歲女有得拍住一線聰仔做女主角，唔使搵麥玲玲都算到妹龍年行大運啦！


身高1米66的武井咲，雖然唔算top model身形，偏偏大把廣告商爭住用，單計2011年已有11個廣告在手，今年更取代師姐上戶彩，在新一輯Ghana朱古力廣告孖住長澤正美賣萌！身為雜誌《Seventeen》專屬模，咲妹生得唔高但勝在腳長長夠台型，無論平時出騷或影硬照，咲妹都鍾意着短裙晒長腿，不過佢對自己相當有要求，話對腳仲未夠靚，「我覺得我嘅身材唔夠好，尤其係對腳，嵋家太粗，要再幼少少先算靚！

勁代言

拍妻夫
新版《愛與誠》入面，咲妹做學生妹早乙女愛當然冇問題，但30歲妻夫木聰要扮18歲嘅太賀誠就似乎勉強少少。

大導激讚
廣告吃香，咲妹在電影界亦非常搶手。除咗漫畫改編的愛情片《今天開始戀愛吧》，又同妻夫木聰翻拍日本經典《愛與誠》，另外又會在《浪客劍心》飾演女主角神谷薰。《浪》片導演係執導《龍馬傳》的大導大友啟史，連佢都狂讚咲妹有前途，「武井咲今後肯定會非常了不起！佢有天真無邪嘅外貌同對工作嘅執着，我認為冇第二個人可以勝任神谷薰呢個角色！」三部戲輪住上，啱啱又出完首張唱片，歌影視都撈勻，拍得住同樣撈過界的大陸新女神楊冪喎！

新女輪住上


家政婦彈起　忽那汐里最近憑松嶋菜菜子主演的日劇《家政婦三田》上位（左圖）、劇中飾演大女阿須田結的19歲忽那汐里，亦都係國民美少女出身（下圖），被日本傳媒喻為「2012最期待女星」，未夠20歲已收8萬港元一集，威過返內地賺人仔的視帝視后。上位前，汐里只係路人甲乙，不過有導演大讚佢抵用又夠人氣，嚟緊會搶住搵佢拍戲拍劇！


靠老豆帶挈　多部未華子 22歲的未華子，畢業於盛產女星的日出中學，師姐有「日版法拉」新垣結衣等，未華子拍過多齣電視劇，其中更在電影《源氏物語》（左圖）佔極重戲分。有傳佢極速彈起全因有個名導演老豆多部博之，人面廣帶挈愛女有勁多演出機會。據知未華子身價達16萬港元一集，在22歲以下女星高薪榜排第5，僅次於AKB的前田敦子等人。 ####

 
今年繼續冧莊做MAQuillAGE代言人，當然咲妹係靚女，咲妹勝在靚得嚟自然，冇刻意碌大對眼，冇假眼睫毛，香港班整容模根本冇得比。

 
咲妹喺日劇《Gold》做過跳水隊成員，可能因此吸引adidas搵佢做代言。




零緋聞的武井咲，初出道時被踢爆同不良少年做朋友，不過靚女始終多人錫，幾曳都冇人介意。



 
咲妹有寫blog習慣，仲會將素顏相公諸同好，拎住公仔自拍咁cute，係仔都受啦！


咲妹嘅偶像係殿堂級樂隊「Glay」，新碟亦專誠請樂隊成員Takuro作曲，Takuro曾經幫宇多田光、中島美嘉等一姐作曲，咲妹今次真係升晒呢！








導演老豆

arrow
arrow
    文章標籤
    武井咲
    全站熱搜
    創作者介紹
    創作者 stacy4life 的頭像
    stacy4life

    娛樂八掛大分享☆

    stacylife 發表在 痞客邦 留言(0) 人氣()

    E-mail轉寄