「福祿壽」王祖藍、李思捷和阮兆祥將於下月4日進軍紅館，舉行一場「那些年，爆笑不離3兄弟演唱會」，上週四（19日）新碟發布會上，更宣布演唱會已爆滿，搞埋盆菜宴慶祝。
演唱會3大死因睇到厭
「福祿壽」本來只係一個表演環節，發展到今時今日能夠進軍紅館實在異數，不過「福祿壽」做到爛，今次票房失利，新意欠奉確係最大死因。
「福祿壽」由電視起家，做咗4年幾實在毫無新意，就算李思捷扮蔡楓華幾似都好，觀眾扭開電視就睇到，加上今次演唱會主打話向80年代星致敬，即係又扮阿梅羅記張國榮。
嘉賓弱
前年「荃加福祿壽宇宙最長演唱會」喺會展搞咗兩場，都請到鄭秀文撐場表演，今次公布咗嘅嘉賓只得鄭少秋同劉子千等，吸引力大減。
宣傳少
今次開騷宣傳太少，3子扮鬼扮馬又派雪糕亦無補於事，冇乜回響連王祖藍自己都話：「我哋呢兩個星期要忙住綵排，應該都冇乜時間谷飛！」
紅館騷齊救亡
「福祿壽」做到爛票房慘淡，而其他農曆年前後嘅演唱會亦唔好得好多，只得Wyman最掂爆場，而大部分只得最平價飛賣清，睇嚟眾歌手係時候諗辦法救亡。
任賢齊入深切 6年來再踏紅館，嘉賓有五月天、黃品源同蘇永康，聽落唔弱，可惜4種門票都未賣清，小齊要努力啲宣傳至得喇。
梁漢文要急救梁漢文入行20年再開個唱，雖然有大肚千嬅、復合許志安加鄭秀文撐場，但銷情依然唔理想。
陳奐仁再觀察陳奐仁係唱得之人，2月尾少開騷最平$180門票已賣清，又有好友鄭秀文做表演嘉賓，應該未使擔心票房住。 ####
林峯唔願意幫「福祿壽」救票房，林峯今時今日自已開騷賺晒好過啦！使乜做陪襯！
「福祿壽」宣傳新碟，英皇娛樂執行董事兼行政總裁吳雨（右）亦嚟撐場，隻碟未出街，吳雨已爆響口話：「《爆笑一條龍》下年實攞金曲金獎呀！」福祿壽忍得住唔笑，唔知林峯聽到會唔會連獎都掉埋呢！
王祖藍去年單拖開過扮嘢演唱會，仲叫埋女友李亞男表演巴黎鐵塔反轉再反轉搞綽頭，回歸「福祿壽」即被林峯嫌棄，同門師兄弟都冇情講。
記者上週六（21日）視察「福祿壽」演唱會票房，發現貴價及中價飛仍有位剩，並非如「福祿壽」所講已經爆滿。
留言列表
