娛樂八掛大分享☆

尷尬傻笑（四個月肚）偷着四吋斗零踭的陳自瑤，發現記者影相後，即面露尷尬笑容。

　去年11月，陳自瑤被傳有餡才急急嫁王浩信，當時準新郎遭踢爆與陳冠希新女Cammi有一手，結果陳自瑤選擇信任老公，堅持結婚，更否認大肚。　紙包唔住火，日前，
本刊發現已懷胎四個月的陳自瑤挺着大肚出巡遊商場，更主力掃四吋斗零踭高踭鞋，認真高危。

第一次做老竇的王浩信，得劇集《換樂無窮》帶挈人氣，狂接登台、商場騷搵真銀，陪妻時間相對減少。為了安撫大肚婆情緒，惟有乖乖奉上附屬卡任由老婆shopping解悶。他曾於活動中埋怨老婆買唔停手：「大肚婆坐响屋企係悶啲，不過都唔使買咁多嘢㗎！」

驚俾老公知
陳自瑤試足一粒鐘鞋，最後爽快扑槌買下三對斗零踭，埋單盛惠二千元。離開鞋店時，記者上前問她買了甚麼，她即口震震笑說：「哎吔，你哋唔好影啦""買嘢之嘛！（王浩信講過唔俾你買高踭鞋喎？）我就係驚俾Vincent（王浩信）知道，你哋唔好影啦！」老婆唔聽話，現正日夜趕拍新劇《名媛望族》的王浩信，得悉老婆抗旨狂掃高踭鞋，原本攰到冇神冇氣的他，即時睜大眼說：「都叫咗佢好多次唔好再掂高踭鞋啦，大住個肚點着，話極唔聽，如果整親點算！」話晒新婚兼生第一胎，老公自然緊張，陳自瑤下次咪咁貪靚啦！ ####

粗腰巨躉紙包唔住火，佗B四個多月的陳自瑤，坐低時腰間即現士啤呔和巨躉。

 
唔認奉子成婚陳自瑤和王浩信去年6條1（11年11月11日）結婚，雖然死口唔認大肚，但當日王浩信每行一步，都小心翼翼扶實老婆，明眼人一睇就知。

除了主打買鞋，陳自瑤亦到附近的精品店，為肚內囡囡買定毛公仔。

唔想俾佢知！(真實對白) 離開鞋舖時，陳自瑤求記者唔好影相，事關怕老公知道後會鬧爆佢。

佢話極唔聽！(真實對白)