懷胎四個月嘅千嬅，不時摸住肚皮，大晒幸福。
剛响元旦在微博自爆有孕嘅楊千嬅，事後一直未有現身，專心安胎。但為咗賺奶粉錢，上周四（十二日）佢終於出山，仲同吳彥祖（Daniel）過澳門出席威尼斯人酒店嘅新年活動。
懷孕四個月、首度現身公開場合嘅佢，見佢都肚凸凸，但卻貪靚着上四吋高船踭鞋出現，搞到在場人士不知幾緊張，見佢去邊都睇到實。佢坐船進場，Daniel好小心扶實佢落船和行樓梯。除Daniel緊張外，工作人員同在場記者都錫住佢，在做訪問時，記者們主動要求佢坐低，怕大肚企得耐辛苦，其助手亦醒目為佢披上披肩同換上平底鞋。睇嚟千嬅有喜，除老公丁子高錫到佢燶外，大家都錫晒佢！
千嬅上落台期間，大會高層和工作人員也爭相扶實佢。
Daniel（右）雖然也是嘉賓之一，但當日則做埋bodyguard，睇實千嬅出出入入。
大肚婆凍親就唔好，助手醒目即時為佢披上披肩。
台上祝酒無得飲香檳，千嬅為BB着想只飲清水。
千嬅指老公不滿佢着高踭鞋，故活動後即換鞋。
着番平底鞋嘅千嬅，即時輕鬆晒。
文章標籤
全站熱搜
留言列表
