謝婷婷和安志杰拍拖三年，人前一直sweet sweet，仲孖咇開工銀，最近仲傳二人有結婚打算；但神女原來另有異心，暗地裡對前民政事務局常秘李麗娟的靚仔混血姨甥戴尚安起痰，身為模特兒卻不收分文兩度出席戴家活動，逢請必到，逢到必早，更hea到最後先捨得走，實行用行動示好。

影相撻着
今年三十歲的謝婷婷，○八年在加拿大讀完大學返來做模特兒，因經常做騷認識了李麗娟妹妹、ball場常客李桂蘭一家人，李桂蘭兒子戴尚安（Sean）曾在社交雜誌《Tatler》任職攝影總監，去年離職後，他替婷婷影了輯靚相，誰知就此令婷婷暗生情愫，知情者話：「Sean離開《Tatler》後，佢幫《Prestige》影何超瓊及婷婷等，嗰次婷婷著得好性感，Sean表現得好gentleman又細心，就係咁婷婷開始欣賞Sean，加上佢哋兩個又鬼仔鬼妹，同聲同氣好啱傾。」其實婷婷與安志杰拍拖三年來，女方一直搵錢多過男友，兩人拍拖去玩都要就住就住，婷婷母親拉姑當然唔like工作量少的安志杰，相反Sean在英國大學畢業，除了阿姨李麗娟曾做過官，英籍父親Peter退休前是大律師，家住山頂豪宅，接觸得多，婷婷便心生愛慕，知情者說：「婷婷覺得Sean影相好掂，好有才華。」

逢請必到
三十三歲的Sean現在有自己的製作公司，外形又討好，碰巧Sean及妹妹戴尚蓮最近都有活動，婷婷多了時間見Sean，經常因女友之名才有騷做的打仔安志杰，隨時不是Sean的對手。知情者說：「Sean用四年時間拍攝了一條講述病者和癌症搏鬥的紀錄片，在國家地理頻道播放，他做資料搜集時認識咗麥當勞叔叔之家，上月Sean想幫佢哋籌款，搞咗個探訪，婷婷瞓晒身做義工幫手。」當日婷婷全程黐住Sean，兩個人孖住氹細路、派禮物，當日有份出席的嘉賓說：「婷婷抱住個BB挨埋Sean度影相，十足情侶。」其實之前Sean的妹妹亦拍了條紀錄片在演藝搞首映，知情者說：「婷婷差唔多係第一個到，幾俾面呀，婷婷呢兩次都無收錢，仲好晏先走，呢啲咪就係用行動示好囉。」不過Sean已有個做形象顧問，拍拖六年的女友Tina，「所以Sean雖然feel到婷婷有嘢，但一直無行動。」求證李桂蘭，她直認婷婷無收錢，「我叫佢嚟支持，為中大籌款，所以無諗到收費嘅事，可能係我做得唔好。」講到婷婷好冧Sean，李桂蘭說：「傳出嚟啫！」上週六安志杰出席《逆戰》宣傳活動時，問到女友同戴家過從甚密，他懵盛盛話：「唔知喎，婷婷冇介紹佢（Sean）俾我識，我哋唔知幾時結婚，但有plan。」感情出現危機都唔知，小心女友隨時被人撬。 ####

 
上月，婷婷和Sean（左）一齊去麥當勞叔叔之家探訪，因而傳緋聞。

 
探訪當日是李桂蘭生日，婷婷識做送花冧伯母。

 
上月初，婷婷義務出席戴尚蓮（左三）的首映，同李桂蘭（左一）及李麗娟（右一）打成一片。

 
Sean因替婷婷拍《Prestige》這輯相撻着。


Sean和女友Tina已拍拖六年。


做了婷婷男友，安志杰沒有戲拍的日子，便孖女友出席活動搵銀。


安志杰○二年拍《黑俠2》做男主角唔收得，之後都只當配角，一○年與湯唯拍《月滿軒尼詩》票房亦一般。


99年 Sean愛與半唐番拍拖，九九年便曾與前Theme太子女賴浣貞一起。


05年 ○五年和男模Jay Alexander相戀。


08年 ○八年換咗和DJ Drafus拍拖。

arrow
arrow
    文章標籤
    婷婷 sean 拍拖 知情者 女友 出席 prestige tina 必到 sweet
    全站熱搜

    stacylife 發表在 痞客邦 留言(0) 人氣()

    E-mail轉寄