博セ呀 人仔好搵，一線小生如鄭嘉穎、林保怡等爭住上去拍劇賺大錢，喺香港撈極唔起的劉丹仔劉愷威更快人一步，早過師兄返祖國掘金。
05年棄港攻強國，劉愷威狂接內地電視劇，08年憑冇乜香港人睇過的《風穿牡丹》爆紅，更被指大執樣，愈整愈似林峯。升呢做當紅小生的威爺，最近公開同內地新女神楊幂拍拖，有錢又有女，公然在微博狂晒恩愛。當年被廖碧兒嫌窮狠撇，威爺事隔多年依然記仇，竟然唔肯喺微博關注前度，男人之家小器咗啲喎！


05年開始返內地拍劇，37歲劉愷威近年發展愈來愈好，雖然香港人唔識欣賞呢位明星二代，不過內地觀眾超級受落，令威爺忽然升呢變內地爆紅小生。

自爆嗒女神
地位提升，劉愷威連揀女友都相當有要求。剛剛宣布同內地新晉一線花旦、上年憑穿越劇《宮鎖玉心》hit爆的25歲嫩口楊幂拍拖3個月，兩人齊齊在微博公開戀情，更被傳已去到半同居階段。「終於可以大聲說我有女朋友了，對於這次公開的確需要很大勇氣！」女友細佢足足12年，威爺話會好好保護女友，「佢自細脾氣好急，但認識我之後脾氣好咗好多，因為我唔太有脾氣。而佢外表好堅強，其實有時會好脆弱，呢個係我鍾意保護佢嘅原因之一。」

唔關心前度
比起劉愷威同楊幂sweet爆，威爺前度廖碧兒就慘情得多。當年拍《皆大歡喜》撻着，不過拍拖3年後，有傳碧兒嫌棄男友冇錢冇前途，決定狠飛劉愷威轉黐陳豪，後來識到假金龜林忠豪後又再撇陳豪，結果貪字得個貧，最終人財兩失。冇錢冇仔，雙失廖碧兒勝在念舊，晨早主動在微博關注了舊愛劉愷威一舉一動；反而威爺關注名單有92人，但就一直唔肯「關注」碧兒，究竟係當年被飛嗰啖氣未落，定怕楊幂呷醋咋？本刊致電恭喜劉愷威有拖拍，但威爺忙爆趕收線，「我趕住埋位，轉頭搞掂晒再覆你！」不愧為新晉劇王。

威冪有幾紅
一個係當紅小生，一個係新晉天后，兩人唔只微博粉絲人數暴升，連片酬亦十級跳，威爺現時收20萬人仔一集，女友楊冪更誇張，盛傳收40萬一集亦片約不斷！加上公開戀情後的人氣，年賺半億絕對唔過分！

廖碧兒孤伶伶

豪嫂晒幸福
因為廖碧兒拜金而冷手執個筍盤的陳茵媺，自從成為豪嫂後身價幾級跳，劇集同騷都接到手軟。事業得意，豪嫂亦唔介意喺微博晒吓幸福，除咗開工相，又將平安夜同陳豪浪漫撐枱腳餐廳環境相放上博，恨死碧兒咩！ ####


歌影視三線發展的楊幂，假公濟私搵男友做〈刺蝟的擁抱〉MV男主角，奉旨攬錫，更將二人得半邊面的合照低調上博。

 
上年拍《如意》合作做情侶而撻着，劉愷威同楊幂最初唔認拍拖，但最後都忍唔住公開。

 
01年拍拖，04年分手，廖碧兒再見亦是朋友，喺微博關注前度劉愷威，不過就從未留言。《蘋果日報》圖片

 

 
喺內地紅爆，威爺微博粉絲人數接近1百萬；女友楊幂更厲害，有1千3百幾萬粉絲，僅次於微博女王姚晨、小S及謝娜，粉絲數目更係阿Sa一倍。




高調認拍拖，有網友更偷影到劉愷威同楊幂喺私人活動上喪咀，勁sweet！


女友出碟，威爺主動喺微博幫手宣傳。


自從同林忠豪甩拖，翻撻陳豪又無望，碧兒的微博都係一個人飲飲食食居多，間中有屋企人同朋友解悶，dry爆！


冇仔陪，碧兒聖誕流流惟有攬住幾隻狗過節。


老友朱凱婷生B，Aimee爭住幫手湊，睇嚟陳豪要快啲搵夠奶粉錢做老豆喎！


同陳豪仲係熱戀期，兩人平安夜食法國菜做節，冧爆Aimee更形容當晚係「wonderful night」！

arrow
arrow
    文章標籤
    拍拖 女友 小生 上年 aimee 香港 一集 sweet 平安 返祖
    全站熱搜

    stacylife 發表在 痞客邦 留言(0) 人氣()

    E-mail轉寄