壯男 1號狄龍仔譚俊彥
壯男 2號米雪外甥徐偉棟
除夕　倒數前夕，一行三人食完飯周街行， 2個男仔刻意同陳嘉桓保持距離。

早前於橫店俾 2餓狼陳浩民、馬德鐘輪玩，被師傅冼國林兜巴星鬧「死蠢」嘅陳嘉桓（ Rose）似乎仲未知驚。事隔近兩個月，本刊發現身在雲南拍攝電影《光輝歲月》的陳嘉桓，繼續爛玩。
撞正聖誕兼除夕倒數，經理人兼阿媽 Ronnie又不在身邊， Rose忍唔住作反。上次衰喺前輩手，今次 Rose唔多埋黃日華同莫少聰身，寧願 mark住藝人二代，狄龍之子譚俊彥、米雪外甥徐偉棟倒數唱 K，今次唔飲橙汁隊埋酒！

於記者會聲淚俱下 嘅陳嘉桓抹乾眼淚， 12月又到雲南拍戲，即時變回開朗少女。
據知，為免影響陳嘉桓情緒，監製曾志偉一早已令劇組不准提及餓狼一事，不過，陳嘉桓似乎一早拋開傷痛，仲同劇組打成一片，一班老豆級 嘅演員曾志偉、黃日華同莫少聰亦樂於照顧。之不過年紀始終差一大截好難啱傾，又撞正聖誕， 19歲 嘅陳嘉桓當然黐住班後生仔玩埋； 30歲 嘅狄龍仔譚俊彥、 29歲 嘅米雪外甥徐偉棟、 24歲 嘅內地新星李煒輪住陪 Rose過節。

 

放大圖片
 

27/12
27號晚，劇組搞 咗個聖誕 P，已平伏心情 嘅陳嘉桓同徐偉棟仲齊齊戴住聖誕帽慶祝，鬼咁 sweet！（網上圖片）

放大圖片
 

全套戲陽盛陰衰，有曾志偉（左三）同 黄日華（右一），不過陳嘉桓（右二）咁有異性緣，又有咩所謂？（網上圖片）

被封小姣

放大圖片
 

餓狼抽水事件後，陳嘉桓被踢爆經理人 Ronnie（右）就係生母，悲慘身世繼續揭開。

聖誕當晚，志偉同導演熊欣欣擺 咗幾圍，初時陳嘉桓亦表現得好文靜，劇組中人說︰「大家都好錫佢（陳嘉桓），始終咁大單新聞，怕佢情緒未平伏。不過玩熟 咗，佢都幾熱情 㗎，成班人玩得好放。」
劇組每日早拍早收，就算蒲到夜一夜。陳嘉桓都好精靈好 talk得，十足女版「吹神」。唔使埋位，就拎部 iPhone出 嚟自拍。更因為佢嘅熱情舉動，被工作人員喺背後話佢同另一位演員 46歲嘅陳雅倫係「大姣、小姣」。

K房倒數

返到酒店門口，撞正劇組工作人員，仲約好一齊去酒店內 嘅卡拉 OK倒數。

 

放大圖片
 

 

放大圖片
 

 

除夕晚，《光》片上下去吃飯慶祝，呢張打邊爐相（左）同橫店出事嗰張（右）有啲似。

 

放大圖片
 

雲南（網上圖片）

放大圖片
 

橫店（網上圖片）

大姣小姣

放大圖片
 

 

46歲 嘅陳雅倫遇上 19歲 嘅陳嘉桓，竟然冇被比下去，依然風騷身材好，二人更被劇組封為「大姣小姣」，兩代女星同場交流甚少，見到面都唔打招呼 㗎！

隊酒倒數

每天太陽落山，劇組就一車人返酒店，亦係自由活動時間。戲內知情人士續說：「只得 3個後生仔， Rose好鍾意同佢哋玩，而且譚俊彥、徐偉棟 嘅老豆都係打星，同陪佢去橫店拍戲嘅洪天明一樣，話題自然多，不過譚俊彥開口埋口都提住自己女友，全劇組都知，搞到 Rose好冇癮。」
上週除夕晚， 7點未夠，劇組已收工，一班人到酒店附近食飯。知情人士說︰「有人提議話一齊倒數， book咗酒店入面間卡拉 OK，包 咗最入 嗰間房，唔想俾人打擾，呢一晚最齊人，志偉又離 咗隊，大家玩到癲晒，由 11點玩到 2點，個個都有飲酒，而且熟絡 咗， Rose都好主動同人玩，同 Edward（徐偉棟）最 啱 key， Rose仲幫佢點歌。」

 

放大圖片
 

2/1
收工之後，志偉吹雞食晚飯，陳嘉桓同徐偉棟齊齊由酒店出發。

放大圖片
 

元旦
元旦一早開工， Rose好受在場男士歡迎，有人搵佢攬腰影相亦來者不拒。

放大圖片
 

傍晚收工，即黐住劇組買日用品。

放大圖片
 

晨早 6點已經到片場，雖然只係 瞓 咗幾粒鐘，但陳嘉桓好精神，仲黐住米雪外甥徐偉棟行來行去。

放大圖片
 

週一上午唔使埋位時，陳嘉桓就跟住徐偉棟周圍行，撞正 3個都唔得閒？唔緊要，仲有黃日華陪佢玩啤牌。

3男侍候

而戲中同陳嘉桓有感情線 嘅內地男星李煒，係上年 2010湖南衞視《快樂男聲》全國總冠軍，短短一年已差不多走遍全中國舉行簽唱會人氣超強，不過李煒 喺片場多數都匿埋保母車，除 咗 Rose，甚少同人交流，知情人士說︰「 Rose可以自出自入佢架車，係人都知道佢哋 friend。」同後生仔玩埋，點都好過被做得佢老豆嘅陳浩民同馬德鐘欺負呀！ Rose其實已經醒目咗！

 

米雪大隻外甥

29歲的徐偉棟係香港影星徐少強及雪梨兒子，亦係米雪外甥， 09年曾參加溫哥華新時代電視主辦的新秀歌唱大賽，其後加入新時代電視，現為熒幕八爪娛節目主持，亦係創作歌手，高大靚仔 嘅 Edward仲會行騷做 model， 喺佢微博發現唔少明星合照，仲同 HotCha好鬼 friend添！

 

放大圖片
 

徐偉棟身高 6呎，又係運動健將，又識些少功夫，自然同陳嘉桓 啱傾 啱講。

放大圖片
 

徐偉棟同姨媽米雪感情要好，姨甥仔去無 綫開工，米雪都到場支持。

狄龍仔多女黐

放大圖片
 

差唔多息影 嘅狄龍，由阿仔譚俊彥延續其演藝生涯。《壹週刊》圖片

入行 10年 嘅譚俊彥，近年主力攻影壇，雖然香港知名度唔高，但國內就有唔少人識，去年亦開始試吓做導演拍短片，加上老豆係影壇大哥大狄龍，自然多女埋身，可惜譚俊彥已名草有主，仲聽聞就快拉埋天窗。

快樂男聲最靚仔

放大圖片
 

 

由湖南衞視於 07年舉辦 嘅歌手選秀大賽《快樂男聲》，李煒是 10年總冠軍，靚仔兼唱得，雖然只有 3首單曲，但仍然在國內走紅，今年開始殺上《舞動奇蹟》，令佢曝光率更高。除夕當晚佢就被湖南衞視邀請出席倒數派對，陪唔到 Rose過年。

餓狼齋噏
陳浩民捐錢得個講字

放大圖片
 

《蘋果日報》圖片

開完記招兼登報公開道歉，又做咗老豆嘅陳浩民表示再會捐款予「護苗基金」，最終得到陳嘉桓同師父冼國林原諒，事件先得以平息。不過陳浩民原來「得個講字」，蕭芳芳早前出席「護苗」活動，踢爆未收到陳浩民的捐款，「護苗基金」亦沒有收過陳浩民來電。

馬德鐘新劇押後

放大圖片
 

 

馬德鐘形象繼續插水，有指為無綫所拍新劇《飛虎》因此要押後播出。馬德鐘現身在內地拍《藍蝶》，其實餓狼事件後，馬德鐘揚言會捐款予東華三院，有冇做到？三太就話：「我冇問喎！睇報紙話佢有捐 㗎喎！」

陳嘉桓：行性感？ 注定要犧牲！@@ 成人禮

arrow
arrow
    文章標籤
    陳嘉桓 放大 rose 外甥 老豆 酒店 除夕 生仔 湖南 捐款 ronnie
    全站熱搜
    創作者介紹
    創作者 stacy4life 的頭像
    stacy4life

    娛樂八掛大分享☆

    stacy4life 發表在 痞客邦 留言(0) 人氣()

    E-mail轉寄