減價益大家又點話！﹙設計對白﹚

曾因為「盆景貓」事件被網友鬧爆的唐貝詩，近日終於的起心肝聲言發憤圖強。阿媽寇鴻萍為幫個女洗底，打本俾佢做生意。而唐貝詩上月開始，以月薪八千蚊，出任由阿媽揼本搞的購物網站「喵擊」任行政總裁助理，負責網站運作。
阿媽出錢又出力，請來鄭裕玲（嘟嘟）、江欣燕等一班姊妹提供親筆畫，放在網站獨家售賣，藉此造勢。點知網站開唔夠一個月，一班藝人的親筆畫竟降至半價促銷，嘟嘟其中一幅更減到三折，但目前仍未售出。

 

搵星撐場
為了做起網站，寇鴻萍和唐貝詩兩母女早前便請專人為網站影宣傳照（圖）。本月8 日，網站搞開幕造勢大會，嘟嘟義氣撐場。


寇鴻萍投資近百萬，由女兒唐貝詩負責管理的購物網「喵擊」，於本月9日正式啟動，網站開了差不多三星期，瀏覽人數已有千多人。記者瀏覽網站，發現貨物琳瑯滿目，以孭飛的「明星喵擊」專區最煞食，其中嘟嘟就有五幅親筆畫售賣，定價至少兩萬。

出血價等賣
眾多藝人的親筆畫當中，以嘟嘟這幅（A Colourful Tree）減幅最驚人，三折後$8800提供埋送貨服務，仍乏人問津。

依然零成交
網站開業後，赫然發現所有藝人的親筆畫全部割價傾銷。嘟嘟的五幅大作依然未賣出，一幅名叫「A Colourful Tree」的親筆畫更三折求售，由原價二萬八減到八千八。雖然減幅驚人，但依然未能吸引到粉絲掏腰包。直至周二（27日），所有「明星喵擊」專區售賣的貨品，包括嘟嘟那五幅畫，仍錄得零成交。明星賣畫是網站一個賣點，為了盡早發市，寇鴻萍向各姊妹落嘴頭，實行減價傾銷。而寇鴻萍亦承認生意一般，她說：「網站都未開夠一個月，做生意要守嘅。至於啲畫折扣價已經同班姊妹傾好晒，佢哋會體諒。」嘟嘟亦十分大方地說：「我唔係畫家，我供畫都係為咗支持寇鴻萍，咩價錢冇乜所謂。」

搵大品牌合作
除了名星效應，寇鴻萍亦實行名牌效應，在其網站大賣名錶及名酒，她說︰「我會親自同廠商及商戶傾兼睇貨，但自己都唔係所有品牌都識，現階段我都係搵有信譽保證的大商戶攞貨，街外嘅水貨我唔會入，因為唔知真定假。我只是中間人角色，網友喺我網站買咗隻錶，付款後去商戶處提貨，我只是抽佣金。「其實好多宣傳橋都係個女度，佢好勤力！我哋個網站逢周日晚都會搞個『秒殺』，網友可以以超平價買嘢。又會放啲明星活動片段落個網度，吸引網友。」而唐貝詩亦已邀請其他藝人陸續進駐其網站，為了說服一班藝人供貨，當時唐貝詩拍晒心口，揚言戒夜蒲：「每日起身都知道今日做咩，成個人充實晒，唔再心思思想出街。」所謂力不到不為財，阿媽寇鴻萍用心良苦為女打江山，阿女真係要生性啲至得！

減得最盡
寇鴻萍老死江欣燕亦將三幅親筆畫擺上網站售賣，其中一幅叫《金》的畫減得最盡，唔使五千蚊！對此江欣燕說：「我事先已經同寇鴻萍講要定價定得低啲， 我想普羅大眾都可以買到。我唔知個網站搞成點， 不過呢幅《金》其實有好多元素。」藝術的確抽象。

名錶筍價出售
寇鴻萍的「喵擊」購物網除有藝人親筆畫出售外，還有名牌錶如勞力士、卡地亞、Panerai Franck Muller等出售，聲明全是新貨，亦有保養書及出世紙。記者向一般錶行查詢，發覺網站名錶標價與市面錶行相若，勞力士一般有九折，但Daytona得九五折， 而「喵擊」卻有18﹪的折扣價優惠， 價錢較低。

周日秒殺
逢周日晚凌晨十二點前「喵擊」會推出限量超平正貨讓網友鬥快購貨，到周一中午十二時截止 。 ####


阿女你乖啲啦！（設計對白﹚


我會俾心機！﹙設計對白﹚


為了催谷網站， 唐貝詩也有為網站在微博（下）和facebook開了戶口，截至目前為止，兩個戶口也有五千多名粉絲，算係咁。


Rolex Daytona ●全白金銀面數字


Franck Muller 紅金Colour Dreams ●自動皮帶


秒殺的貨物包括即食鮑汁螺片及健康食品，但吸引度麻麻，幫襯的網友亦唔算多。

arrow
arrow
    文章標籤
    嘟嘟 colourful daytona muller 周日 franck 一幅 姊妹 一班 明星
    全站熱搜
    創作者介紹
    創作者 stacy4life 的頭像
    stacy4life

    娛樂八掛大分享☆

    stacylife 發表在 痞客邦 留言(0) 人氣()

    E-mail轉寄