開口恨攞獎
謝安琪出席拉票活動時,向本刊透露最想在1月1日的《叱咤樂壇頒獎禮》攞「我最喜愛女歌手」獎。放心啦,高層做緊嘢㗎喇!
經理人夏森美
與傳媒關係欠佳的夏森美,近年已甚少與Kay一齊出席公開活動。據知佢主要外出幫Kay傾job多,避免再與記者發生衝突。
記招企中間
上周五(16日)商台舉行《叱咤》拉票活動,Kay被安排與黃貫中企正中間,而阿Sa與蘇康都要企埋一邊。
獎項大執位
去年「叱咤女歌手金獎」由容祖兒奪得,謝安琪攞銀獎。今年千嬅唔出席,連「我最喜愛女歌手」獎都冇份角逐,銅獎由王菀之頂上。而Kay就因環球力撐,好大機會揮低祖兒攞金獎。《壹週刊》圖片
環球商台一家親
環球董事總經理黃劍濤(Duncan,右)和商台總經理甘菁菁係夫妻關係,每年環球歌手喺《叱咤》成績都唔會差得去邊。《壹週刊》圖片
出唱片
今年10月謝安琪推出廣東碟《你們的幸福》,喺台灣樂壇發展亦唔錯。 在宣傳不多的環境下,唱片都賣約兩萬張,今時今日算飲得杯落。《蘋果日報》圖片
孖影帝拍戲
今年上半年謝安琪全面投入拍戲,更有幸埋到影帝任達華身,合作拍《大追捕》。Kay話獲益良多,「喺華哥身上學到好多嘢,覺得拍戲好好玩!」
留言列表