捱足十年，胡杏兒月初憑台慶劇《萬凰之王》贏得三料視后，在台上向黃宗澤公開「互頂」宣言，七年地下情終於浮面，準視后更話到明非君不嫁。原本事業愛情兩得意，不過一番愛的宣言，卻令她早前以超高價十萬一集接拍的三十集內地劇《董小宛》臨門撻Q。據了解，本身是胡杏兒超級狂迷的投資老闆，當知道女神被私有化後醋意大發，最後因愛成恨，借國內審批為藉口，決定將女神叮走，令胡杏兒白白損失三百萬。

粉絲愛女神
胡杏兒原定拍完《怒火街頭2》，便會返內地拍劇賺人仔，雖然未及視帝每集二十五萬身價，不過接拍古裝劇《董小宛》，就由三萬蚊人仔一集跳升至十萬，可以袋走三百萬過肥年。「杏兒內地知名度唔高，同阿佘（佘詩曼）仲爭幾班，佢之前拍內地劇《跑馬場》都係三萬蚊一集，《董小宛》係攞視后之前傾落，之所以叫到十萬一集，其實因為投資方兼製作人係杏兒超級粉絲，先至咁手鬆。」知情者說。上週一（十二月十二日），《怒火街頭2》在烏溪沙大草地拍煞科戲，胡杏兒當日三點通告，由於將近收工，一班演員表現輕鬆，曹永廉將坐在道具輪椅上的鄭嘉穎推來推去玩到翻車，在旁的胡杏兒亦笑到彎晒腰。

冇行縮沙
據了解，胡杏兒拍完《怒火2》，在港休息數天後，便要在十二月中前飛上橫店開工兼過新年，不過上週出席活動的她，突然改口風要到一月先起程。「個老闆好鍾意杏兒，但聽完佢講『互頂』宣言後，即刻冇晒心機，加上講到非黃宗澤不嫁，老闆知道自己冇行，咪索性搵藉口話未申請到批文，閂水喉唔開劇，無綫都好積極，即刻幫杏兒傾到另一部劇，但價錢去返三萬蚊一集，杏兒仲係心大心細，一來驚俾人知道撻Q冇工開肉酸，二來做咗視后仲係收舊價，過唔到心理關口。其實內地有好多演員可以揀，如果杏兒响聖誕前唔肯答覆人哋，製作單位隨時搵過第二個。」知情者說。求證《董小宛》臨門撻Q，胡杏兒經理人支吾以對，回應未知開工日期：「可能一月先開拍，而家都唔知，要等劇組嗰邊通知我哋。」

愛你變成累你
在頒獎禮台上公開愛的宣言，另一半當下一刻又冧又開心，但激情過後卻演變成愛你變成累你，人氣冇得升之外，事業也大受影響。

許志安廚房宣言
02年許志安奪得最受歡迎男歌手獎，經典一時的廚房宣言，將他與鄭秀文的親密關係公開；可惜往後兩人感情不但未有進一步昇華，還於04年宣布分手，令許志安的人氣也大受影響。

陳偉霆新城宣言
去年底的新城勁爆頒獎禮上，陳偉霆（William）大方在觀眾面前，向蔡卓妍（阿Sa）講我愛你，但一番甜言蜜語外界反應一般，William繼續被指借女友搏宣傳。 ####


我唔制呀！（設計對白）


有我錫番補數。（設計對白）


上週一，《怒火2》拍煞科戲，曹永廉玩推輪椅，被推的鄭嘉穎玩到跌落地。


拍完《怒火2》，胡杏兒應在十二月中上橫店開工，不過因撻Q依然未動身。


鄭嘉穎跟胡杏兒齊齊獲獎後，二人均自爆會返內地掘金。


謝天華因Laughing哥爆紅，除跟陳法拉孖住出活動搵錢，又會拍住鄭嘉穎上內地拍劇賺人仔。


鄭嘉穎拍內地劇袋走接近千萬，又被指跟舊愛佘詩曼翻撻，胡杏兒則因愛的宣言而損失三百萬，冇得人財兼收。


胡杏兒去年跟黃宗澤情侶檔接拍內地劇《跑馬場》，只有三萬元一集。


鄭嘉穎憑內地劇《步步驚心》飾演八皇爺大爆而人氣急升，故近日再以廿六萬一集接拍新劇《英雄》。

arrow
arrow
    文章標籤
    宣言 一集 怒火 十二月 知情者 女神 三百 新城 william 被指
    全站熱搜
    創作者介紹
    創作者 stacy4life 的頭像
    stacy4life

    娛樂八掛大分享☆

    stacylife 發表在 痞客邦 留言(0) 人氣()

    E-mail轉寄