星期日（十八日），澳門威尼斯人金光綜藝館，上演美國傳奇球星亞洲之旅澳門站，多位NBA籃球界精英齊齊嚟表演，當中包括响香港有唔少fans嘅「公牛二哥」柏賓，以及鍾意奇妝上陣嘅洛文。  


難得同NBA巨星近距離接觸，唔少圈中人都慕名而來，當中睇得最投入嘅係向佐，尤其當柏賓將簽名球衫波鞋毛巾逐一掟上觀眾席，向佐興奮到舉行雙手欄截，Race亦投其所好，幫手接埋一份，可惜最後空歡喜一場。至於嚟睇波兼拍拖嘅蔡加讚、汪圓圓，表現就冇向佐咁激動，只係耐不耐舉機影幾張相，但最離奇係陪佢兩個入場睇波人腳，居然有玩具大王蔡志明加緋聞情人陳妙瑛，四個排排坐十足一家人，陳妙瑛亦明顯嚟陪太子讀書，同朋友吹水玩電話多過睇波！ ####


蔡加讚、汪圓圓睇波不忘恩愛，餵食熱狗，玩具大王蔡志明亦睇得肉緊，只有陳妙瑛最唔專心，大部分時間搵朋友吹水玩電話。


向佐買唔到前排靚飛，就算偶像柏賓拋禮物同握手，Race幫埋手一樣冇收穫！


派禮物時間，見到洛文攞住對簽名波鞋準備掟出去，陳妙瑛終於醒一醒！

arrow
arrow
    文章標籤
    race nba 大王 球衫 玩具 投其所好 威尼斯人 公牛 拍拖 慕名
    全站熱搜
    創作者介紹
    創作者 stacy4life 的頭像
    stacy4life

    娛樂八掛大分享☆

    stacylife 發表在 痞客邦 留言(0) 人氣()

    E-mail轉寄