十月一日同初戀男友Johannes响意大利佛羅倫斯完婚嘅莫文蔚，星期日（十二月十八日）終於返嚟香港補擺喜酒。一對新人當日早上到中環文華東方酒店套房，向無去到意大利睇個女出嫁嘅莫爸爸跪地斟茶，到咗下午，就移師到大潭美國會舉行結婚派對。

 
著上全球獨一無二嘅Escada灰色晚裝，莫文蔚再戴上由華籍珠寶設計師 Cindy Chao提供嘅鑽飾現身，一身打扮貴氣逼人，新娘子更請嚟五名西裝bodyguard護航，其中一個仲係陳振聰昔日嘅貼身保鑣James Bryce。想當日陳振聰以年薪過百萬由英國請James嚟香港保護自己，呢位金牌保鑣擅長反恐、反間諜及自由搏擊，但自從陳振聰爭產官司敗訴，James同其餘六位保鑣慘食無情雞，家陣為搵食逼住轉行保護明星，都算大才小用。


####

 


莫文蔚返香港補擺喜酒，身旁嘅西裝bodyguard居然係陳振聰前保鑣James Bryce！


由James Bryce領軍，仲有四位同事望住唔同方向保護一對新人，但偏偏睇漏記者一眼，莫文蔚差啲被咪牌扑中頭。


一對新人對記者相當好招呼，除咗每人有二百蚊利是，仲有三文治同汽水款待。


莫爸爸因為身體問題唔可以坐長途機睇個女出嫁，莫文蔚於是換上傳統裙褂做多次斟茶儀式，莫爸爸終於飲到Johannes呢杯女婿茶。

arrow
arrow
    文章標籤
    james bryce bodyguard 斟茶 johannes 新人 意大利 出嫁 香港 喜酒
    全站熱搜
    創作者介紹
    創作者 stacy4life 的頭像
    stacy4life

    娛樂八掛大分享☆

    stacylife 發表在 痞客邦 留言(0) 人氣()

    E-mail轉寄