黎明唱歌似碌木，已成為他的個人標誌，但相隔兩年再度在紅館舉行的《 Leon X U 2011演唱會》，可謂扭盡六壬，不但突然狂騷舞技，扭腰趷籮，更難得一反平日勁 cool個性，變得親民，主動又拖又攬 fans。臨近開騷日子，黎明與樂基兒傳完婚變又傳女方大肚，時間夾得 啱 啱好，天時地利人和，曝光率點都唔會弱﹗



樂基兒早前見到記者就摸住肚講：「依家要縮肚」，故弄玄虛呢招與老公好有默契。

黎明繼與樂基兒傳婚變後，在劉德華、楊千嬅有喜之際，樂基兒亦突然傳出大肚的消息。黎明答得故弄玄虛，無論孰真孰假，在開騷前，的確造就了話題。

無厘頭金句

本周一，一連七場的演唱會開鑼。木訥的黎明突然變得跳脫，還與李思捷打扮成孖寶兄弟，大跳貼面舞，扭腰趷籮的舞姿更為一絕，踢腿、跳馬、玩啦啦球，收起以往的斯文拘謹，完全豁出去。
有金句王之稱的黎明，金句依然滿場飛，例如「人生得來唔可能無真功夫，佢除 咗有毅力，仲用條命換到一個強字。」原來是介紹來看騷的甄子丹。熒幕本來要播出 Leon的舊照片段，但機件故障， Leon說：「唔緊要，有緣 嘅會睇到，無緣 嘅都總有一日睇到。」
當唱〈孤單的人孤單的我〉前，又話：「你唔想孤單，就忘記孤單，我知好難，快 啲去搵個膊頭挨吓。」又突然無厘頭爆出一句：「地球唔會因為我唔改而無 咗地心吸力，送 咗我上天﹗」雖然聽到大家爆頭，但足以令觀眾笑到肚痛。



演唱會上大玩親民，握完一次又一次，最後的握手環節更長達 15分鐘，連佢自己都話破紀錄。

並非跳舞出身的黎明，今次是跳得最多舞的個唱，無奈舞姿始終都係生硬。

李思捷抄足 Leon舊演唱會造型﹙右圖﹚，扮得維肖維妙，可惜個人表演時間太長，唔識見好就收，效果由好笑變沉悶。


21歲的 JW身高唔夠 5呎，但 C奶幾乎迫爆舞衣，同歌喉一樣令人驚艷。跟下午拜神的素顏（右圖）趕客 look完全兩個樣。
  

arrow
arrow
    文章標籤
    黎明 leon 故弄 演唱 扭腰 舞姿 大肚 突然 扮得 真功夫
    全站熱搜

    stacylife 發表在 痞客邦 留言(0) 人氣()

    E-mail轉寄