舞小姐 A約廿多歲，濃妝艷抹，二人在夜店門外拉扯了一會，最後傾唔掂數，女方獨自返回夜店。

宅男女神陳嘉桓被兩餓狼抽水一星期後，陳的經理人冼國林已明言放生馬德鐘，但對陳浩民卻咬住唔放，誓要追究到底！
被冼國林狙擊的陳浩民，日日拖老婆做騷， 30日陳太蔣麗莎在聖保祿醫院誕下女兒，仍不忘微博晒幸福。而一直死撐只是「安慰」陳嘉桓的馬德鐘，甩身後表現更風騷，頻頻拖老婆張筱蘭上演恩愛騷，完全置身事外。
不過，上得山多終遇虎！花弗爛蒲的馬德鐘，早前被本刊斷正他在上海夜店連勾兩北姑，還劈酒醉到在酒店門前趴街，狼狽不堪。
酒後亂性，多年來玩女無數的馬德鐘，又睇吓今次點拆！

餓狼事件後，死撐過骨的馬德鐘在上海橫店復工。 11月 26日，他表示感激冼國林還他清白，又特別多謝老婆︰「這件事影響了她的工作和生活，令她費心，多謝她的體諒。」
早幾年，馬德鐘因緋聞形象下跌，被無 綫雪藏，老婆激到紮紮跳帶埋個仔遠飛歐洲，其後他知衰箍煲。難得包容量無限大的馬太肯原諒，為花弗老公洗底。本以為浪子回頭，可惜有人死性不改。
近年不時返大陸工作的馬德鐘，沒有老婆實，即刻作反。早前，身在上海的馬德鐘愛在新天地的夜店流連。當晚十時許，馬德鐘與兩個男性友人，齊齊到新天地的私竇夜場消遣，劈酒玩女。




11月 30日苦笑回應11月 30日，被問到夜店勾北姑一事，馬德鐘不發一言，苦笑後即離去。

帶小姐出街

 



凌晨時分，馬德鐘在夜店玩樂後，拖舞小姐 A出街，更在門口調情，其間馬的電話響起，他即示意叫對方不要出聲。

講完電話，馬德鐘與舞小姐 A拖住手吹水，其間馬腳步浮浮，似飲大咗！

推埋牆問價

 



舞小姐 A返回夜店後，馬德鐘慾火未熄，在夜店外將企街 B小姐推埋牆，兩人面貼面耳語一番似在問價。

馬德鐘及後從後攬住對方纖腰，兩人糾纏一番，最後女子離他而去。

嘔兩輪兩度被拒後，馬德鐘無癮離開。醉得厲害的馬德鐘，要司機兩度停車，在路邊嘔個夠。

醉到趴的士返到酒店門口，馬落車時腳步不穩，成個人趴落地。

夜店揀女

據現場目擊者說︰「馬德鐘當晚同兩個男人一齊落 嚟，佢 哋好熟架步，負責人一見貴客到，即 call了 10個舞小姐坐 枱，俾佢 哋任揀。馬德鐘坐低冇耐已經嗌了啤酒同紅酒，左擁右抱，見佢一邊劈一邊同小姐玩得好開心。
「初時佢都算斯文，冇太大嘅動作，但飲大兩杯就開始 嚟料，攬住個女仔不停摷之外，講講吓 嘢仲手舞足蹈。劈足兩個鐘，馬德鐘似飲大 咗，仲攬埋個女仔齊齊碌落地㖭。呢個場守 衞森嚴，有唔少金毛飛駐場，生面口 嘅客會被睇場到實，所以 啲客都玩得放心。」

帶女出街

凌晨時份，馬德鐘腳步浮浮由夜店出來，身邊拖住一個年約廿多歲的舞小姐 A，擺明想有下文。未知是否其醉態嚇親同行的舞小姐 A，只見馬德鐘與她在門前拉拉扯扯好一陣子，舞小姐 A最終拂袖而去，返回夜店。
醉後發情的馬德鐘，眼見獵物離開，一臉無奈。慾火焚身的他，惟有轉攻夜店門外企街兜客的妙齡女子。只見他醉步連連的步向該名妙齡女子，然後一手把她推埋牆，攬住對方耳語。
馬德鐘與企街 B一輪頭貼頭糾纏一番後，女子最終都沒有跟他離開。連勾兩女遭拒的馬德鐘，勁冇癮，惟有打的返酒店。當晚所見，馬德鐘醉得相當厲害，坐的士時候，司機曾兩度停車，讓他在馬路旁嘔個夠。到達酒店時，馬德鐘下車亦醉到一仆一碌。

苦笑唔答

今回陳嘉桓抽水事件脫罪後的馬德鐘， 11月 30日上午，一臉風騷的步出酒店到片場開工。記者上前向他求證早前在夜店連勾兩北姑一事，原本心情靚爆的他，即時面色一沉，苦笑後不發一言，匆匆上車。
餓狼事件後，馬太不但在微博撐老公，更親身上橫店會合老公。 28日，為了答謝老婆的包容，馬德鐘亦低調返港與老婆慶祝生日補鑊，翌日即返回橫店開工，風塵僕僕。
「馬太表面話信老公，但阿 Joe（馬之洋名）個底有幾花，你估佢老婆唔知咩！不過，馬德鐘 喺老婆面前死撐咩都冇做過，一心諗住大事化小。但其實馬太嬲爆㗎，阿 Joe為 咗平息老婆怒火，惟有 喺微博澄清！點知就俾網友插到彈起。」知情者說。



11月 26日脫罪偷笑與冼國林傾掂數的馬德鐘，態度一百八十度轉變，大方接受訪問之餘，又公開多謝老婆。

11月 25日強撐封嘴餓狼事件後，馬德鐘在微博留言，引來王晶及網友狂插，為免講多錯多，他對記者封嘴。

對記者封嘴，但在工作人員面前笑口噬噬。

11月 26日，樂易玲及冼國林齊齊開記招，冼表示已原諒馬德鐘，不再追究他。

隨時被飛



樂易玲細心觀看馬德鐘勾北姑照片，並戮力為他解畫。

即將過檔王維基旗下「創藝製作」的馬德鐘，亦因為餓狼事件，合約暫時被抽起。「其實阿 Joe（馬德鐘）同『創藝製作』嘅合作細節同條件，之前已經傾好晒，只欠動筆。 12月 31日他約滿無 綫後，本來可以即刻過檔。不過，發生 咗陳嘉桓單 嘢之後，『創藝製作』 嗰邊即時 hold住張約，話要睇吓 嚟緊情況點先決定。」
求證「創藝製作」營運總監劉傳弘，他表示︰「合約嘅事唔方便透露。（我 哋影到佢早前喺上海勾北姑，新聞出街會唔會影響你 哋簽約？）我未睇過 啲相，暫時不予置評。」
而 26日開記招力撐馬德鐘的樂易玲，回應馬德鐘上海勾北姑時幫他解畫，她看完照片後說︰「係咪拍緊 嘢，定係工作人員？（ 喺夜店發生 嘅！）用觀眾眼光睇， 啲相唔係好特別，做演員風流倜儻係可以，但只限熒幕內。（會唔會叫佢飲少 啲？）盡量少飲為佳啦，但我覺得 啲相似係同工作人員傾偈多 啲，唔算親暱。」
雖然馬德鐘身邊一向多貴人，但桃色新聞一浪接一浪，近年辛苦建立的好男人形象毀於一旦。據知被本刊揭發上海勾北姑後，他已第一時間向老婆報案，而對他不離不棄的馬太心情亦跌落谷底。

隨時爆發焦慮症

自幼由養父湊大的陳嘉桓，早前被陳浩民狼擒索吻都不懂反抗，但心理學家葉妙妍醫生指，保護自己與單親家庭成長無關，「就算孤兒院長大都會有人教導，所以同單親家庭長大冇關，其實識唔識得保護自己係經驗問題，例如：之前有冇遇過呢 啲人，先會知點樣從中學習，點樣應付同保護自己，或者有冇人教導應該點去做。」
　她又指陳嘉桓經過被狼擒後，隨時會爆發焦慮症，「一般人突然遇到受到威脅性 嘅事，都會出現情緒上 嘅唔穩定，因為受驚嚇創傷後壓力症，會成日諗起件事，會發惡夢、失眠，所以會避開有關件事 嘅 嘢，唔想接觸，佢（陳嘉桓）因為工作要再去接觸，唔容易面對。如果過 咗三、四個星期都冇減退，仲係持續就需要見醫生或心理學家輔導，若持續失眠者更要請醫生開安眠藥，有心跳加速及手震，更會隨時爆發焦慮症，需要服用鎮靜劑。」

11月 28日愁爆拍戲

 



陳嘉桓動作戲不少，當日有場她與三男的對打戲。打得似模似樣的她，身手靈活，很難想像被狼吻卻毫無反抗之力。

準備拍大動作的陳嘉桓，全日苦瓜乾、頭耷耷。

陳母微博認親

陳嘉桓被傳媒爆其經理人 Ronnie（原名陳苑恩）其實是生母， Ronnie更坦承 16歲時在「母親的抉擇」生下 Rose，並在微博鋪出與 Rose的母女關係，卻惹來唔少網民寸爆。




 

網友寸爆

 



 

微博撐老公

抽水事件發生後，烈女嘅馬太張筱蘭不單飛到橫店睇實老公，更在微博引用孔子《論語》的「克己復禮」，當冼國林還馬德鐘清白後，馬太又在微博寫「 Every cloud has a silver lining!」意思是指「黑暗之中總有一絲光明」，唔少網友亦留言祝福他們。




11月 25日論語還擊


11月 28日網友祝福

專吼花旦

今年 43歲的馬德鐘，與老婆張筱蘭結婚 18年，風流的他 01至 06年緋聞多籮籮，多次背住老婆偷嗒花旦，激到老婆張筱蘭走佬嗌離婚，形象插水，自此馬德鐘便開始戒色，乖乖做廿四孝老公。

05及 06年郭羨妮
郭與馬德鐘在內地合作《爭霸》時撻着，兩人曾被傳媒拍到尖沙嘴連卡佛拍拖，因緋聞疑幻疑真，馬太嬲到要離婚，更帶埋囝囝避走歐洲。

06年圈外女友 Katherine
馬德鐘被傳媒拍到與圈外女友 Katherine秘遊泰國三日兩夜，兩人不單拖手行街，更返酒店度春宵。



01及 05年郭可盈01年馬德鐘與郭可盈合作《智勇新警界》傳出緋聞。 05年，他們再合作《酒店風雲》，被郭的內地經理人王怡卿指「一男一女仲有咩發生呀！拍完劇後，馬德鐘仲成日 send短訊俾佢，話好鍾意佢。」

02年葉璇馬德鐘同葉璇合作《再生緣》而熟絡，兩人多次被傳媒拍到去卡拉 OK消遣兼約會。

03年陳慧珊馬德鐘與陳慧珊合作《衝上雲霄》時，傳戲假情真，之後又被傳媒拍到夜蒲酒吧，其間兩人大跳辣身舞，更飲到面紅紅一齊走。

04及 05年佘詩曼馬德鐘同佘詩曼先後合作《驚艷一槍》同《鳳凰四重奏》，馬被傳媒拍到秘密上女方香閨而傳出緋聞。

全家遭起底

馬德鐘一身蟻，而早前慘遭抽水的受害人陳嘉桓，一樣被傳媒愈挖愈深。近日不但爆出陳嘉桓與經埋人 Ronnie是母女關係， Ronnie更是 16歲時在「母親的抉擇」生下她，自小面對父母離異，與親生細佬及養父住在元朗的陳嘉桓，近年才與母親相認。最近，又有讀者向傳媒報料，指陳嘉桓在中學時曾帶男友返家親熱，卻被母親 Ronnie撞破。
愛女被質疑遭餓狼輕薄還識笑後，本刊又踢爆陳嘉桓與洪天明暗交四個月，不利傳言浪接浪， Ronnie勞氣護女說︰「黐筋！依家 啲人周圍吹，係咪想整死佢（陳嘉桓）？我真係好無奈、好心痛。」

罪成隨時踎監

據知抽水事件後，陳嘉桓出現失眠症狀，難怪她日日殘爆兼黑眼圈開工。不過，開工近一星期後，陳嘉桓情緒開始穩定，周三已跟埋師兄杜宇航，到台灣為新戲《秋瑾》做宣傳。
而陳嘉桓的經理人，亦密鑼緊鼓與律師開會，追究陳浩民。「冼國林打算在內地報公安，依家傾緊點搜證。因為兩地法律唔同，而內地非禮罪成，分分鐘要坐監，所以，陳浩民曾透過曾志偉搵冼國林擺平，可惜都無功而還。」
11月 29日，冼國林接受訪問時，亦大鬧陳浩民拖大肚老婆做騷非男人所為︰「陳浩民做錯事要自己承擔，唔應該要老婆一齊出 嚟，男人大丈夫，做錯要認。」
另外，他寸爆陳浩民謝罪冇誠意，又鬧爆其經埋人林查理態度囂張︰「佢經理人話陳浩民內地人緣好，唔怕公安，但我相信中國有法律，唔信有人可以隻手遮天，係佢局我撐大佢（指事件）。」
他表示自己是得饒人處且饒人，但一定要為陳嘉桓母女討回公道︰「佢（陳浩民）如果真係想和解，要自己提出方案，但大前提係 Rose（陳嘉桓）兩母女都接受。」
冼國林擺明車馬狙擊陳浩民，以為鬆一口氣的馬德鐘，又再被本刊踢爆上海夜蒲勾北姑，兩隻餓狼形象插水。色字頭上一把刀，背妻偷食的代價，有眼你睇！



11月 29日玩轉迪士尼陳太日日挺住大肚出來做騷，唔辛苦就呃你啦。

11月 30日微博報喜玩足幾日，陳太終於入醫院剖腹生女，以為可以在病牀唞唞，但陳浩民依然唔放過老婆，生完未幾即在微博上載合家歡照片。

陳太在微博中，還引用村上春樹的文章向老公示愛，揚言不理外界言論，對陳浩民的愛始終如一。

做錯事的陳浩民，似乎十分享受被記者追訪，陳氏夫婦每日恍如特首伉儷出巡，向大家揮晒手。

11月 23日浮誇道歉騷陳浩民帶埋老婆開記招，公開向陳嘉桓道歉，其間發軟蹄痛哭，更留下貓紙講詞，浮誇行徑惹來網友圍插，更辣㷫陳嘉桓經理人冼國林。

記者再到狼吻發生事件的地點燒烤店採訪，當店員得悉記者身份後，串燒店未幾即出現多名彪形大漢兇記者，就如招牌一樣，江湖味十足！

arrow
arrow
    文章標籤
    老婆 ronnie 小姐 11 抽水 事件 酒店 理人 老公 本刊
    全站熱搜
    創作者介紹
    創作者 stacy4life 的頭像
    stacy4life

    娛樂八掛大分享☆

    stacy4life 發表在 痞客邦 留言(1) 人氣()

    E-mail轉寄