陳嘉桓非禮案後第五日，陳浩民拖住大肚老婆喊到腳軟認錯，再搵曾志偉做和事老，欲大事化小，可惜陳嘉桓老闆冼國林（師傅）唔俾面，高調表示要追究到底，反而放生要做善事贖罪的另一人狼馬德鐘。一單圈中色慾醜聞，愈來愈多人插手加把口，表面為公道發聲，實質各懷鬼胎，借勢抽水。
本週一（十一月二十八日），非禮案再現新版本，受害者陳嘉桓被揭在受辱過程中，雖略有反抗，但全程傻笑。貪玩闖禍，為保玉女形象，陳嘉桓借勢自爆坎坷童年，並公開與經理人的母女關係。

借勢抽水

陳嘉桓事件發生後，人狼兄弟陳浩民、馬德鐘各自發功，希望擺平事件；陳浩民找曾志偉出面求情，馬德鐘就有無綫高層樂易玲撐腰。結果，只有馬德鐘獲特赦，陳嘉桓老闆冼國林上週召開記者會表示要報公安，咬住陳浩民唔放，又聲言從沒偏幫徒弟，甚至試過怒摑陳嘉桓。「佢落重本捧徒弟做玉女打女，依家形象有損，投資 咗 嘅錢同心機隨時化為烏有，梗係激氣。」知情人士說。




陳嘉桓跟經理人 Ronnie在微博自爆是母女關係，更就近日媽咪為她受了不少壓力而公開說對不起。

順水人情

馬德鐘能夠甩難，全靠樂易玲。據知，她跟冼國林是多年好友兼鄰居，才輕易講掂數，「雖然馬德鐘仲有個零月就約滿，但無 綫嘅態度只要一日係無 綫人，都會保住你，樂小姐仲同冼師傅講到明，今次要死咬住陳浩民，放過馬德鐘，日後大家合作就有偈傾。」知情人說。
後台唔夠力，陳浩民拖老婆認錯都無用。據知有份參與國內新劇《濟公》的他，劇組隨時嗌停，陳浩民可能因好色見財化水。
至於在微博發文章鬧爆陳浩民、馬德鐘的王晶，變身正義之士背後，亦為了維護個人利益，保住導演地位，陳嘉桓 孭飛的新片《笑功震武林》。「齣戲未拍完就出事，唔 㷫就假，佢同兩隻狼又冇乜交情，梗係落力插，當幫套戲宣傳吓。」



返橫店開工，為怕記者埋身問問題， Rose不單有媽咪保護，更由多名大漢護駕，阻止記者拍照。

得冼師傅放生後，在橫店拍劇的馬德鐘唔再龜縮，在外景場地時，任由記者影相。

非禮事件中，樂易玲跟冼國林聯袂開記者會，曝光率之高，絕不低於三位當事人。

人狼陳浩民拖大肚老婆出來公開道歉，喊到腳軟，被指唔理老婆感受兼做騷。

單親長大

原本盡收同情眼光的陳嘉桓，因再被揭受辱期間仲識傻笑，令非禮事件疑點重重，而正身在橫店開工的她，連日封嘴避記者，但因有傳媒挖到料，為免愈描愈黑，經理人 Ronnie（陳瑰霖）突然在微博自揭二人母女
關係。
據知， Ronnie十六歲誕下 Rose及幼子後，便獨自飛加拿大，將一對兒女交由親戚照顧，直至女兒十二歲、七年前才回港跟他們一起生活。 Rose為維護母親，多年來一直隱瞞身世。
女神今次先行自爆複雜背景，明顯是想沖淡非禮事件。
「成個過程（非禮）係點，只有 Rose先最清楚，所以對記者 嘅問題，佢唔敢講得咁詳細，事發嗰晚有份同佢哋去 嘅劇組人員話， Rose嗰晚俾人感覺幾主動，食飯時仲飲咗少少酒。」知情人士透露。



17歲的 Rose因樣靚身形好，早已被時裝品牌睇中，拍住另一模做代言人。

未入行前， Rose鍾意跟 TB朋友影相，然後放上網跟朋友分享。

阿媽陪試鏡

十五歲入行做模的陳嘉桓，曾處於反叛期，跟住一班 TB朋友周圍玩，由於樣甜身形又夠高，在屯門區妹界相當有名氣。在讀書時期，已開始替雜誌做模特兒，自己亦不斷試鏡探路，最後加入冼國林的國藝簽約獲力捧。
「佢去試鏡簽約，都係 Ronnie陪住佢，其實有段時間 Rose唔係咁聽話， Ronnie有搵過圈中朋友呻，叫佢哋幫手教女。 Rose簽約國藝時未中學畢業，當時公司要求佢一定要完成中五，仲要佢學功夫。佢跟咗冼師傅之後，乖咗好多， Ronnie都睇得 Rose好緊，唔做化妝轉做經理人，都係為 咗個女， Ronnie明白後生女有反叛期，佢後生都係咁，所以 Rose同咩人玩，佢都要一清二楚。」知情者說。



週一中午，陳浩民拖住老婆及外父外母到迪士尼掃米奇產品，明知有記者影相，他當眾餵老婆食嘢，由人狼變人夫。


非禮事件後，王晶幾乎日日在微博鬧爆陳浩民，出口之狠近年少見，原來是為他執導電影女角 Rose出氣。

曾志偉擔任陳浩民和事佬，不過未獲冼師傅原諒。

行為解讀


 

陳嘉桓非禮案，幾位涉案者反應各異，耐人尋味。臨床身心行為心理學家李寶能，嘗試從他們的行為反應，解讀他們的心理狀態。

點解笑



陳嘉桓

橫店狎玩事件中，陳嘉桓被人質疑不但冇反抗兼面露微笑。不過，據臨床身心行為心理學家李寶能指出，很多強姦、非禮案的受害者，在受虐過程中，潛在本能會蓋過理性駕馭能力，甚至發出錯誤訊號，令施暴者誤以為對方非常享受和期待。

拖妻壯膽



陳浩民

至於要太太陪同下公開道歉的陳浩民，李寶能指，他的行為顯示未有足夠信心處理事情，情感上需要多一個人壯膽，例如太太或女友，作為強大保護者，跟他一起面對群眾壓力，要身邊人與他共苦的表現。

驚執輸



馬德鐘

有份攬錫，但冇份受罪的馬德鐘，李寶能指出，人的行為是傳染性，「見有好 嘢就會跟、會搶」，這是羊群心理；尤其是性的訊息，容易誘發動物本能，令施暴者同伴怕執輸，做埋一份。

兜巴星



冼國林

嬲爆的冼師傅，公開承認曾怒摑徒弟陳嘉桓。李寶能認為冼師傅的行為，在心理上已取代陳的父母角色，並且視徒弟為資產，引致會用行動去表現他的強烈關心。

詠春變鵪鶉

雖然有媽咪護航，但一次睇漏眼即出事。據了解，由她代言的香港航空，有意飛起這個在危急關頭冇晒反抗能力的詠春師妹。
「 Rose老闆出事之後特登打電話俾香港航空 嘅負責人，想盡力 掹番代言人位置。事關航空公司搵 Rose開班教空姐防狼，點知 Rose自己有事竟然唔識反抗，詠春變鵪鶉，雖然航空公司最後決定繼續用 Rose，但就會淡化佢代言人形象。」
大難臨頭，在橫店開工的陳嘉桓，一度秘密搬酒店躲避傳媒，劇組更全面封鎖消息阻止採訪，直到本週日（二十七日），才見她換上女裝戲服在外景場地開工，同行尚有媽媽兼經理人 Ronnie。
至於有無 綫高層樂易玲幫手調停的馬德鐘，高調在橫店開工，為獲特赦接受傳媒訪問，並在本週一（二十八日）急急腳趕返香港慰妻。
另一邊廂被冼師傅死咬唔放的陳浩民，連日來扮好老公陪實老婆，週一下午十二時，帶同大肚老婆、還有外父外母，一行四人山長水遠去迪士尼家庭樂，對於冼師傅不接受道歉，陳浩民表示可以做的已經做晒，日後再有狎玩照片流出，只是在傷口上再灑鹽噃。



陳嘉桓開班教空姐防狼，想不到當面對狼兄弟，卻完全無用武之地，詠春變鵪鶉，險失代言人之位。


陳嘉桓簽約加入冼國林（右二）國藝娛樂旗下，並拜為師傅學詠春，成為葉準（左三）的徒孫，杜宇航（左一）的師妹。

開記者會的翌日，陳嘉桓偕母親兼經理人 Ronnie，飛返橫店開工，之後一直迴避記者採訪。

抽水現形記


arrow
arrow
    文章標籤
    陳嘉桓 rose ronnie 老婆 理人 事件 徒弟 代言人 抽水 反抗 有份
    全站熱搜

    stacylife 發表在 痞客邦 留言(0) 人氣()

    E-mail轉寄