Tomas Chan設計：楊千嬅於開騷前 5天，才將原先整批歌衫更換，疑似大肚的千嬅於演唱會中更經常赤腳上陣，大咗肚着高踭鞋唔方便嘛！

楊千嬅自 09年同丁子高拉埋後，一直恨做母親，狂食補藥兼做運動之餘，早前更有傳捉老公去驗精，實行做足功課催促小生命。
一輪密集攻勢後，據知 37歲千嬅終於造人成功，上週千嬅在 Star Hall開演唱會，除突然翻脹外，更在開騷前一星期急換大肚衫，台上件件鬆身孕婦 look。為養胎，千嬅實行停出埠兼推戲，養肥自己等生龍 B。
千嬅有心有力，恭喜晒呀！

丁子高早前自爆正研究授孕體位，準備同千嬅生個龍仔龍女，估唔到咁快就擊中。其實開騷前，一班歌迷已經在網上討論，覺得千嬅綵排時有異樣，千嬅在做騷期間又似足孕婦不時拍打背脊和伸懶腰，未見肚先做定熱身。

推戲停飛

千嬅密友透露︰「以往千嬅開騷，每日都起碼做三個鐘運動，今次係減少 咗，佢話老公唔畀喎，而且每日要 瞓足九粒鐘。」
千嬅上週四起一連五場《 Minor Classics Concert》大唱 side-cut歌，雖然唔係紅館大騷，但千嬅都好緊張，又 喺台上話︰「搞埋呢個騷就真係無憾，係完成 咗我事業 嘅一個階段，下次唔知幾時再開騷。」臨近年尾，歌手例牌忙住四圍飛吸金搵錢，反而千嬅猛推 job，要出埠更加免問。千嬅密友續說︰「 11月頭台灣有個首飾活動，千嬅好早前已經接 咗，而且佢又係代言人，先唔飛唔得。」據知本來曾志偉為邵氏開拍賀歲片《我愛香港 2》（暫名），點名找千嬅做女主角，但結果都推 咗，益咗同公司 嘅何韻詩攝位。



跑步操 fit老公丁子高向來愛運動，嫁入丁家後楊千嬅亦經常跟老公一齊跑步， keep fit身體等生 B。

推賀歲片盛傳懷孕的楊千嬅，最近已推掉曾志偉監製的賀歲片《我愛香港 2》（暫名），並改由何韻詩執死雞頂上。

唔賀細叔上月丁子高堂弟丁子峻（左）於杭州大婚，但千嬅並冇前往祝賀，只得丈夫丁子高（右）單拖赴會。有指丁子高怕大住肚的老婆坐飛機危險，禁千嬅出席。

「最緊要休息！」

推定 job閉關，據知千嬅為免於演唱會上微凸小腹曝光，專登於臨開騷前 5天全批歌衫換掉。唱片公司宣傳人員解釋︰「因為有批衫出 咗意外，運唔切返香港，開騷五日前先造過批新衫。」週日（ 27日）本刊問千嬅有冇喜訊宣布，千嬅懶神秘︰「我有預感好快 㗎喇，最緊要休息，所以完成年底的工作，我已經同公司有默契說想放假，主要是心情要輕鬆。」終於恨到啦！



Mary Ratrantzou品牌今次演唱會，千嬅開創先河在 Star Hall搭四面台，而且大部分歌曲都係第一次唱現場，為保安全，舞台以簡單為主，不過長到拖地嘅衫就考起千嬅。週日（ 27日）第四場騷，千嬅不慎踩到裙尾，幾乎成個趴低，好彩千嬅醒目用手撐住，有驚無險！

仆地嚇親


7吋危站演唱會中千嬅都有穿 7吋高踭鞋唱歌，但期間她顯得小心翼翼，而眼利網友亦稱她身形圓潤，孕味濃！


Eason踩台週日（ 27日）陳奕迅亦專登上台做嘉賓，不過平時玩得癲的 Eason，亦不敢大動作，似怕驚動到千嬅胎氣。

後台直擊劉偉強祝賀：導演劉偉強專程到後台恭祝楊千嬅：「恭喜晒喎！」似早知千嬅有喜。

全套家電千嬅將家中電水壺、雪櫃和微波爐等家電，全搬到後台應用，好滋陰啫！

上月頭千嬅曾往台灣替首飾品牌做 model，但據知該活動因早已落實，加上自己為代言人，故才難以推掉。台灣《蘋果日報》圖片

趕生龍 B

龍 B夠霸氣，除咗千嬅恨生外，下年仲有大批藝人要生 B，龍仔龍女排住隊出世。



陳慧琳　 39歲　預產期 5月

何思諺（ Leanne） 21歲　預產期 6月《蘋果日報》圖片

陸永太太陳紫琪 22歲　預產期 3月

arrow
arrow
    文章標籤
    演唱 老公 eason 密友 推掉 大肚 hall 今次 上月 代言人
    全站熱搜
    創作者介紹
    創作者 stacy4life 的頭像
    stacy4life

    娛樂八掛大分享☆

    stacylife 發表在 痞客邦 留言(0) 人氣()

    E-mail轉寄