有「港版林志玲」外號的林莉（Carrie），近月銳意進軍台灣，於是趁住林志玲去咗日本發展，Carrie就密密到台灣做宣傳。
上星期，Carrie就專誠飛咗去台北幫月刊《FHM》影專訪靚相，當地記者為咗要幫Carrie塑造到好似林志玲咁高貴，不惜帶咗五大袋冬季新款畀佢任揀任影，認真招呼周到。
東姑喺現場發現Carrie其中有一套透視服裝，前面睇有型有款，透視效果令人想入非非，但背面原來大有乾坤，see-through加T-back，睇到東姑當堂暈得一陣陣。Carrie平時喺香港淨係出騷先至會咁性感啫噃，今次去台灣博到咁盡，有啲大細超喎！
近六呎高嘅Carrie，着住條see-through加T-back，誘惑死台男囉。
為配襯服裝，《FHM》特意安排咗一間極具歐陸色彩嘅書店，環境幽雅。
Carrie非常重視呢一次嘅專訪，每影完一套服裝佢都會捉住攝影師問吓意見。
今次拍攝場地係一間書店，平時好鍾意睇書嘅Carrie見到啲台灣小說，立即愛不釋手，睇完再睇。
文章標籤
全站熱搜
留言列表
