Jeana同 La Ying夜蒲完，再一齊到旺角買外賣宵夜，其間二人笑唔停，證明 La Ying氹女係有一手。

封面

實戰夜蒲　 Jeana速食大隻仔　 DaDa拋胸湊鬼

《喜愛夜蒲》上週四（ 15日）上映，之前優先場已爆滿，首日正場全日收過 48萬，截至週日（ 18日）更累積過 250萬，票房報捷，導演錢國偉即吹雞拉隊夜蒲慶祝。
戲內 Jeana、 DaDa夜蒲上床仔當食生菜，上週二人更被發現分別出擊， Jeana趁男友睇唔實，即偷會同門師兄，而 DaDa就到蘭桂坊引「鬼」。實戰要緊，做戲其次。

互動片段

Jeana姣大隻仔 DaDa老蘭引鬼

Jeana已有圍村茶餐廳少東男友胡志鵬，男友家境亦唔差， La Ying想撬牆腳唔係咁易。

以年輕人夜蒲為主題的電影《喜愛夜蒲》，找來 Jeana（何佩瑜）及 DaDa（陳靜）兩位模孭飛。同行如敵國，二人於寫真戰已交過手， Jeana暗寸 DaDa大牙肉， DaDa又寸過 Jeana係變形金剛，各不相讓。適逢新戲上映，二人再決高下，上週分別出擊夜蒲。

背男友畀仔攬

上週五（ 16日）着住低胸衫配超短熱褲的 Jeana出席《喜愛夜蒲》慶功宴，之後便孖住導演錢國偉等到中環新蒲場 Play玩，同場亦有熱愛女嘅「萬寧哥哥」沈志明。
不過 Jeana並無睇上眼，反而跟同門師兄 Bro5成員 La Ying離開，其間 La Ying更不時用手輕攬 Jeana纖腰。其實 La Ying一向愛溝同門女，去年便被本刊拍得黐實 Chrissie同遊日本。今次轉向 Jeana埋手，早前得知 Jeana想唱歌， La Ying更立刻作曲畀 Jeana，擺明向 Jeana男友示威。
當晚離開 Play後， La Ying便駕車載 Jeana到旺角買宵夜，其間二人有講有笑。可惜 Jeana最後都係自己乘的士回家。 La Ying亦冇癮返回油麻地文景樓屋企。面對師弟力追， Jeana回應：「大家同公司啫，佢係幾大隻又有啲才華，（有冇機會發展?）將來嘅嘢大家都唔知。」

扯煙
行行吓 Jeana突然煙癮大發，即用口擔住支煙，邊行邊講，冇乜儀態。

誘惑籮邊
Jeana呢套夜蒲戰衣看似密實，查實一擰轉面就見到短褲下兩團靚「股」肉，非常性感。

摸腰
Jeana蒲完返歸， La Ying即變身柴可夫，攞車途中，仲不時摸 Jeana條腰，認真好服侍。

DaDa有老外埋身

女神觀音兵
La Ying最鍾意追同門， 09年就試過狂追同門師姐周秀娜，去到日本都死跟。

Jeana多仔溝。另一女神 DaDa雖然喺戲中逢仔上，但現實生活中竟然話自己甚少夜蒲。不過週日（ 18日），為證明自己魅力唔差過幾位女主角， DaDa帶住本刊記者到蘭桂坊測試人氣，睇有冇靚仔埋身。
雖然 DaDa當晚都好搏命，換上少少性感夜蒲泰山戰衣，輕露 33D上圍，同 Jeana件溝仔裝擬似撞衫，不過由於當晚適逢週日人流不多，老外只敢走近，唔敢搭訕。
最後 DaDa喺蘭桂坊只逗留近 30分鐘，雖然冇人埋身撩，不過亦有唔少國內自由行途人對佢眼望望。對於直踩老蘭冇乜收穫， DaDa解釋：「今日星期日人流少，又咁啱有球賽（英超：車路士對曼聯）進行，所以就係咁囉，其實想引人注意，我覺得女仔唔好着得太性感，少少引死人就夠。」其實，肯着性感啲，贏 Jeana一啲都唔出奇。

DaDa拋胸湊鬼

34E DaDa對宅男絕對係蜜糖，《喜》片中亦係萬人迷，週日（ 18日）本刊與 DaDa到蘭桂坊，睇下佢電力有幾勁。不過結果令人意外，有唔少老外借意親近，但係就無人主動搭訕。可能當晚撞正兩場英超大戰，熱刺對利物浦，曼聯大戰車路士，大家掛住睇波，望唔到 DaDa啫！

DaDa企喺兩名老外身後，不過兩位老外口水多過茶，有靚女都睇唔到。

撞泰山裝
DaDa、 Jeana分別夜蒲，但大家選擇嘅戰衣都係一樣款式單邊斜膊，同樣鍾意露少少引仔。

老外行埋
呢位格仔老外，扮睇熱鬧，愈行愈埋，可惜最後無膽走去識 DaDa。

惹自由行
除鬼佬之外，當晚亦有唔少自由行眼甘甘望住 DaDa，但都係得個睇字，最後 DaDa主動出擊，叫一位自由行幫手影相，表叔當然無托手踭啦！

Jeana偷食慣

Jeana雖然已有茶餐廳少東男友，但亦不時被影到偷食，而且男女通殺。

當街啜女
今年 8月， Jeana夜蒲後被發現當街錫女，擺明來者不拒。《蘋果日報》圖片

坐仔大髀
除 La Ying外，今年 6月 Bro 5另一成員 Dominic何浩文，亦曾經嗒 Jeana糖，仲試過同 Jeana一齊跑步，之後坐大髀。

DaDa廁格野戰最激

雖然《喜愛夜蒲》最近嘅宣傳，都集中喺 Jeana同 Phoebe嘅是非身上，不過套戲真正主角其實係 Da Da同連詩雅。二人亦有床戲戲分，不過講到最激一定係 DaDa，戲中她飾演一位平面 model，但鍾意玩一夜情，其中一幕喺廁格野戰，同 Square成員 Brian(李柏煥)，有超激場面。絕對係《喜》片高潮所在。大家唔好遲入場。