會第一時間話畀大家知！真實對白
週日（ 11日），糖妹出席音樂會活動，本來滿場飛等上台表演，直至本刊查問秘婚，初時以行程緊密為由拒絕回應。

封面

老公做網頁設計　傳 23歲糖妹結過婚

宅男女神糖妹黃山怡（ Kandy），憑 4呎 9吋高嬌小身形加埋童顏，成功俘虜宅男心。貴為宅男情人， 23歲糖妹自稱感情真空，經常話自己「恨拍拖」，早前更自爆向「身高超過 180cm」的暗戀對象示愛被拒，恨拍拖恨到出面。
以為女神情路坎坷，但最近本刊聽到傳言，指糖妹早在 06年以原名「黃麗怡」加入舊唱片公司「 Loud Music」時，曾有任職網頁設計師的另一半，後來更在男方牽線下認識糖兄潘雲峰。被指「私有化」兼假單身，糖妹反駁：「叫『黃麗怡』嘅人我都識 3個，係咪搞錯咗？」

互動片段

糖妹講婚事

細細粒又生得可愛嘅糖妹， 09年出道前已被人睇中簽做模，近年做埋歌手更成為高登女神。天真活潑嘅糖妹，在情感路上一樣主動積極，今年初，佢自爆對圈中某人有好感，經常出動短訊攻勢向對方主動示愛，後被本刊踢爆夜擒大隻仔、組合「 Bro5」成員 Dominic（何浩文），但事後糖妹改口話係「傾心事嘅朋友」，又話「呢啲霧水情緣阻礙我發展真實嘅感情」。

糖妹回應時表情多多，一聽見傳佢結咗婚，即刻嚇到眼都凸埋，勁搞笑。

神秘另一半
•年約三十
•網頁設計師
•糖兄及部分舊公司員工認識

介紹識糖兄

週日自稱工作在身的糖妹，在保母車護送下返家，經理人話：「有工作喺身趕住走」，似乎唔係喎。

原來糖妹早已名花有主。音樂界流傳，糖妹早在 06年已以人妻身份簽約蚊型唱片公司「 Loud Music」做歌手，唱商場小型騷。
知情人士透露：「 Candy（糖妹英文原名） 06年左右加入「 Loud Music」，公司唔少人聽聞佢結咗婚，嗰時佢仲係用緊自己原名「黃麗怡」，唔係叫「黃山怡」。聽講佢另一半係做網頁設計嘅，佢哋喺中學開始拍咗幾年拖，兩個年紀差唔多大。」

糖妹秘史

糖妹自細已經熱愛歌唱比賽， 14歲時已經是比賽常客，如今組成糖兄妹做歌星，可謂達成夢想。

'05肥嘟嘟

05年 17歲仍然肥嘟嘟的糖妹，用原名 黄麗怡參加「加州紅卡拉 OK比賽」，之後加盟小型音樂公司 Loud Music時，歌手檔案亦是沿用此名。

會第一時間話畀大家知！真實對白
週日（ 11日），糖妹出席音樂會活動，本來滿場飛等上台表演，直至本刊查問秘婚，初時以行程緊密為由拒絕回應。

封面

老公做網頁設計　傳 23歲糖妹結過婚

'04初啼聲

04年 16歲糖妹以樂隊 MP主音身份參加「原創 2004」音樂比賽，贏得最佳個人演繹獎。

'06成型

06年糖妹就讀獅子會中學，當時的糖妹外形跟現在沒多大分別。

'11戴戒

糖妹右手無名指經常戴住一隻銀戒指，佢曾跟本刊表示：「隻戒指係媽咪畀我，話戴銀器好，唔係定情戒指嗰類嘢。」但戴喺婚戒位，真蹺蹊。

女神忌有仔

近年唔少女星在高登被封神後，立即人氣聲勢倍增，但隨住各自被男友私有化，宅男喊濕枕頭後即刻將女神冰封。

朱璇識富家子

08年國際中華小姐冠軍朱璇， 09年拍《淚王子》其中一場床戲被宅男瘋狂截圖珍藏，但今年被影到與女星徐楓兒子湯珈誠去睇五月天演唱會，女神即刻被除名。

高海寧拖少東男友

高海寧憑 34D登上 TVB咪神寶座，網民宅男瘋狂迷戀，但自去年佢同小型旅行社少東丘至剛（ Andy）拍拖後，自卑窮毒男反而嫌棄成日見佢主持節目。

茍芸慧戀大隻港男

「華姐」茍姑娘雖然身形時肥時瘦，但宅男亦不離不棄，不過今年初被踢爆同細 4歲嘅「港男」羅天宇拍拖後，一眾宅男即夢醒。

糖妹有仔陪

雖然糖妹最初想以趕下場工作為名而婉拒本刊訪問，但其後發現她原來約了老死 Anjaylia和其他好友出外飯局。

當晚糖妹與圈中好友 Anjaylia及女友人在時代廣場的連卡佛睇化妝品，然後前往金百利商場。

糖妹一行三人在金百利睇完衫後，在商場地下與兩男友人會合。糖妹一見佢哋，仲立刻做手勢打招呼，非常童真。

糖妹與圈中友人如 Anjaylia（第二排左二）、 A.Lin（下排左二）及緋聞男友 Dominic（後排）組成「土瓜灣街坊福利會」，一班人一齊飲食玩蒲。

據知糖妹能夠認識糖兄，更是由另一半介紹。「 Candy唔會主動提男方嘅嘢，阿峰（糖兄）都識佢㗎，仲係男方介紹阿峰畀 Candy識添。」

「話畀全世界知」

週日（ 11日）下午，本刊就隱婚傳聞向糖妹查詢，事前經理人問明本刊來意後，即將糖妹拉到一旁低聲密議，其間糖妹神色凝重，不時點頭回應，初時經理人以「趕時間有嘢做」為由想婉拒訪問。
及後糖妹終在糖兄陪同下，全盤否認秘婚傳言：「冇件咁嘅事，我冇結婚喎，冇呢個人同埋呢件事（指結婚）扯得太遠。同埋叫『黃麗怡』嘅人，我都識三個囉，所以係咪搞錯咗？同埋我結婚係會第一時間話畀大家知，話畀全世界知『我有先生』」﹗所以成件事好奇怪，希望呢個人（指知情人士）畀多啲證據出來話我係有結婚嘅﹗」，咁高登仔即係仲未使死心住啦！

糖心情話

糖妹談戀愛積極之餘，對拍拖亦意見多多，經常發表戀愛偉論。

小女子（糖妹）維持了很久的那件事，就是送給對方的每一張節慶、周年、生日咭也一定手造的。

我鍾意一個人就會講，咁耐試過表白兩次，唔好以為女追男好易呀！

最過癮的應該是以往談戀愛時，因為男友太高，常常以為我在人群中消失，走散了或是在洗手間了……但我覺得只有我這種身高才會真切的感受到被愛的感覺。

糖妹溝仔

糖妹自爆意中人「係 model，好高好大隻，細我一年……佢就快出道，我哋有一班共同朋友，經常一齊玩」， 22歲 Dominic完全符合上述特徵，今年 3月中更被本刊影到二人飯聚。

糖兄有女

31歲糖兄本身已有相戀 6年嘅商場公關女友，糖兄更話自己對佢一見鍾情，識咗半年、追咗兩個月先正式拍拖。

採訪、撰文、攝影：娛樂組