36F雷凱欣 27歲成為千萬票房女星，仲威到去康城影展幫蕭定一賣片，家仲有個富貴潮男友，雙贏啦！《蘋果日報》圖片
34F雷凱欣， 17歲入行，捱足十年，今年終憑《 3D肉蒲團之極樂寶鑑》一露上位。新片收得連帶雷凱欣人氣升呢榮登雷神。上月雷凱欣便被影到跟小巴太子爺 Jack Chan於旺角拍拖，報道除踢爆女神原來名花有主外，更揭女神蝸居深水埗月租 3,200元俗稱劏房的套房。
潮人藐雷神
據知，雷凱欣的新歡 Jack Chan非常叠水，除屋企經營小巴及的士生意，自己亦係本地潮牌 Subcrew股東之一。
雖然富貴又潮，但太子爺一向收埋玩，就連同雷凱欣拍拖，亦只有身邊密友知道。人神戀發展 1年多一直相安無事，直至上月 21日 Jack跟雷凱欣於旺角拍拖斷正後， Jack的一班潮人老友都嫌雷凱欣拍三級片 cheap，更有人於 Jack面前問點解雷神喺《肉》片「老點」，女友身材被人擺上枱研究，令 Jack又嬲又冇面。
除了難忍老友取笑，身邊好友更向 Jack加鹽加醋，話拍拖曝光全因有人放料造新聞，「 Jack初時唔信，但見佢（雷凱欣）成日見報，俾人偷影咗屋企，仲繼續做訪問影性感相， Jack開始動搖！」知情者透露。消息稱，搭上小巴太子前，雷神與一名排舞師拍拖多年。「佢男友唔算有米，日頭喺佐敦教人跳舞、夜晚喺夜場打碟做 DJ兼職。佢對 Vonnie好好，照顧周到又細心，不過可能唔夠人哋有錢啦！」雷凱欣身邊人說。
21/4見光
雷凱欣上月 21日同富貴男友 Jack Chan喺深水埗拍拖斷正，因為被多間傳媒追訪，令阿 Jack受到家人同朋友壓力， Jack更一度耳仔軟聽信朋友係雷神放料。《蘋果日報》圖片
箍男友打邊爐
本週一，記者於雷凱欣位於深水埗的套房樓下發現雷父拖着一個行李喼，再到附近會合一名中年女子及雷弟進入一間火鍋店打邊爐，其間 Jack駕着一部過百萬的寶馬 M5載着雷凱欣出現，之後雷弟女友加入，一行 6人齊齊打邊爐。本刊即上前追問雷凱欣是否跟男友耍花槍。
記：記者 雷：雷凱欣 父：雷父
記：「噅」番男友？
雷：唔係呀，冇「噅」呀！
記：呢幾日去咗邊？
雷：我去咗旅行。
記： Daddy有冇睇《肉蒲團》？
父：有，佢開心就得，冇影響。
記：囡囡有個有錢男友，開唔開心？
父：佢開心就得喇，就算窮都開心。
記：有冇諗住傾埋婚約？
雷：你哋推我去結婚呀……
雷凱欣強調仍住劏房，而 Jack就一直垂低頭不發一言。睇嚟雷神要入門仲要再夾實啲喎。
閉關 17日蒲頭 9/5
雷凱欣自上月 21日被拍得與 Jack拍拖後，一直閉關未有公開露面，至本週一終於出關同男友打邊爐， Jack一向低調，所以被本刊追訪期間一直垂低頭講電話，甚至乎成隻龜咁趴低避鏡，反而雷凱欣就大方面對鏡頭，澄清二人冇甩拖。
多潮 friend
Jack（左）為人低調但同圈中潮人熟絡，更同生意拍檔李璨琛（右）和陳冠希拍檔 Kevin Poon（潘世亨，右二）一齊出海船 P。帶住個肉彈女友，又真係好難同班潮人溝得埋嘅。
有女粉絲
雷凱欣平時出入低調，同一眾《肉》片拍檔更成為好友， 3月更一齊到中環翠華食宵夜，其間仲有女粉絲當街要求合照。
雷神仔 4,100萬豪宅與林峯為鄰
雷神的有米男友 Jack Chan，出入以 116萬的寶馬 M5代步，家族坐擁物業包括同林峯為鄰、市值 4,100萬位於半山的帝景園；另有西環豪宅泓都，市值 650萬， Jack除有份投資本土潮牌 Subcrew，其家族經營小巴及的士生意，並於銅鑼灣威非路道開設益聰車行（大股東為陳智聰），夠晒令雷神上岸脫貧。
留言列表
